“Ay axmaq, ay heyvan...” — deputatdan Sərdar Cəlaloğlunun təklifi üçün AĞIR SÖZLƏR

“Ay axmaq, ay heyvan...”
09:17
20.06.2018
82681
Siyasət
A
Milli Məclisin İntizam Komissiyasının sədri, Azərbaycan Boks Federasiyasının vitse-prezidenti, deputat Ağacan Abıyev ADP sədri Sərdar Cəlaloğlunun Türkiyə-Azərbaycan konfederasiyası yaradılması təklifinə sərt reaksiya verib.

Deputat "Ölkə.Az"a açıqlamasında deyib ki, bu cür hərəkətlərlə Azərbaycan-Türkiyə münasibətlərini pozmaq istəyirlər:

“İndi bu səviyyəsiz və savadsız adamlar var ki, ağızlarına gələni danışırlar. Anlamırlar ki, Türkiyə böyük və dünyada nüfuzu olan dövlətdir. Bu adama demək istəyirəm ki, ay axmaq, ay heyvan, Azərbaycan Türkiyəyə birləşsə, bundan nə qazanacaqsan? Əksinə, əvvəl Avropada 2 səsimiz var idi, indi 1 səs olacaq. Bunlar necə siyasətçidir ki, adi reallıqları anlaya bilmirlər. Külbaşdırlar da! Yaxşı ki, Ulu Öndər Heydər Əliyev gəlib bu dövlətin müstəqilliyini qoruyub saxladı, bəlalardan xilas etdi. Ancaq o zamandan bəri Sərdar Cəlaloğlu savadsız olaraq qalıb. Başına qapaz vurmaq laızmdır ki, gedib işi ilə məşğul olsun. Hərəsi özündən bir təklif çıxarırır, Türkiyə ilə birləşək! Türkiyə ilə birləşmək o deməkdir ki, bundan həm Azərbaycan, həm də Türkiyə itirəcək. Biz beynəlxalq aləmdə səsimizi itirəcəyik. İndi iki dövlətik. Adların nə fərqi var, əsas odur ki, millətimiz birdir. İki dövlət olanda, onun sözü də eşidilir. Mən anlaya bilmirəm ki, bunlar necə siyasətlə məşğul olurlar? Allah üzümüzə baxdı ki, ötən əsrin 90-cu illərində bu axmaqların gəlib bizi idarə etməsinə imkan verilmədi. Yoxsa, bizi uçuruma aparardılar”. 

A.Abıyev Sərdar Cəlaloğluna birinci sinifi yenidən öyrənməyi tövsiyə edib:

“Bu adam gedib birinci sinifi yenidən oxusun. Belə siyasətçi olmaz. Əgər nə isə sözü varsa, onu rinqə çağırıram. Mən Sərdar Cəlaloğluna deputat kimi deyirəm ki, əgər sən Azərbaycanı istəsəydin, bu cür təklifi dilinə gətirməzdi. Elementar düşünsəydi, bilərdi ki, beynəlxalq qurumlarda bir səs hara, iki səs hara! İndi həm Türkiyənin, həm də Azərbaycan ən azı iki səsi var. Biz bir dövlət olsaydıq, ancaq bir səsimiz olacaqdı. Bu cür səhv fikirləri ancaq düşmən deyə bilərdi. Yaxşı olar ki, Sərdar Cəlaloğlu gedib bir az kitab oxusun”.

Zaur Əziz
Ölkə.Az

ŞƏRH YAZ
4

Monqolustan prezidenti Bakıdadır

Monqolustan prezidenti Bakıdadır
14:39
Bu gün
119
Siyasət
A
Monqolustanın Prezidenti Xaltmaaqiyn Battulqa sentyabrın 24-də Azərbaycan Respublikasına işgüzar səfərə gəlib.

"Ölkə.Az" xəbər verir ki, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülmüşdü.

Monqolustan Prezidenti Xaltmaaqiyn Battulqanı hava limanında Azərbaycan Respublikasının gənclər və idman naziri Azad Rəhimov və digər rəsmi şəxslər qarşılayıblar.

ŞƏRH YAZ
0

Konstitusiya məhkəməsi Dodonu prezidentlikdən uzaqlaşdırdı

Konstitusiya məhkəməsi Dodonu prezidentlikdən uzaqlaşdırdı
13:58
Bu gün
180
Siyasət
A
Moldovanın Konstitusiya məhkəməsi İqor Dodonu müvəqqəti olaraq prezidentlikdən uzaqlaşdırıb.

“Ölkə.Az” xəbər verir ki,  bu barədə məhkəmənin hakimi Mixay Poalelunj məlumat verib:

“Baş nazirin təqdim etdiyi nazirləri vəzifəyə təyin etməkdən imtina edən Dodon müvəqqəti olaraq vəzifədən uzaqlaşdırılıb”.

Sentyabr ayında baş nazir Pavel Filip Dodona iki yeni nazir namizədi təklif edib. Səhiyyə, əmək və əhalininin sosial müdafiə naziri kimi Sliviya Radu, kənd təsərrüfatı və regional inkişaf naziri kimi isə Nikolay Çubuk təklif edilib. Dodon isə buna qarşı çıxıb.

Dodon bildirib ki, Radunun tibbi təhsili yoxdur. Çubukla bağlı isə müəyyən şübhələr var.

Moldova konstitusiyasına əsasən isə president baş nazirin təklif etdiyi namizədləri bir dəfə ləğv edə bilər. İkinci dəfə isə onu müvəqqəti olaraq vəzifədən uzaqlaşdırmaq mümkündür. Bu zaman isə ya parlament sədri, ya da baş nazir nazirləri təyin edir.

Qeyd edək ki, Dodon artıq üçüncü dəfədir ki, vəzifəsindən uzaqlaşdırılır.

Hikmət Həsənov
Ölkə.Az

ŞƏRH YAZ
0
BAĞLA