Ayaz Mütəllibov Azərbaycan və erməni xalqlarını barışığa çağırdı — EKSKLÜZİV

Ayaz Mütəllibov Azərbaycan və erməni xalqlarını barışığa çağırdı
14:10
19.12.2016
8538
Siyasət
A

Levon Ter-Petrosyanın Dağlıq Qarabağ münaqişəsinin sülh yolu ilə həll olunması barədə fikirlərini müsbət qiymətləndirirəm. 

Bunu Ölkə.az-a açıqlamasında müstəqil Azərbaycanın birinci prezidenti Ayaz Mütəllibov bildirib.

A.Mütəllibov deyib ki, illər keçdikcə Levon Ter-Petrosyanın bu fikirləri Azərbaycan Prezidentinin tutduğu mövqeyin və apardığı siyasətin nə qədər doğru olduğunu ortaya qoyur:

“Bu gün Azərbaycan Prezidentinin bu məsələ ilə bağlı mövqeyi və siyasəti dəyişməz olaraq qalıb və inkişaf etməkdədir. Baxmayaraq ki, ölkəmizdə müəyyən problemlər hələ də qalır, ancaq ötən 25 il ərzində Azərbaycan ilə Ermənistanın inkişafını müqayisə etmək qeyri-mümkündür. Əslində Levon Ter-Petrosyan da Ermənistan cəmiyyətini bunu çatdırmağa çalışır. Çünki Ermənistan əhalisinin vəziyyəti ildən-ilə daha da ağırlaşır, ölkənin iqtisadi problemləri dərinləşir. Ona görə də zaman ötdükcə Levon Ter-Petrosyanın tərəfdarlarının sayı daha da artacaq. Levon Ter-Petrosyanın 1998-ci ildə söylədiyi fikirləri isə artıq özünün doğruldur”.

A.Mütəllibov Ermənistan rəhbərliyini Levon Ter-Petrosyanın fikirlərinə ciddi yanaşmağa çağırıb:

“Mən çox istərdim ki, Azərbaycan və Ermənistan rəhbərləri bir araya gəlib, bu münaqişənin tezliklə həllinə nail olsunlar. Çünki zaman ötdükcə, Ermənistan xalqı daha da uduzacaq. Son illər məndə belə təsəvvür yaranıb ki, ötən 25 ildə Ermənistan tərəfi nə isə qazanmayıb, əksinə uduzan tərəf olub. Ermənistanın işğal etdiyi torpaqlar ona məxsus deyil, orada yaşayan ermənilər sabah vəziyyətin necə olacağını bilmirlər. Bunun üçün də artıq Azərbaycan və Ermənistan xalqları barışıb, onları toqquşduran qüvvələrin hərəkətləri barədə düşünməlidirlər. Çünki zaman-zaman iki xalqı toqquşduran qüvvələr çox olub. Bu gün yaranan vəziyyət də onu tələb edir ki, artıq iki xalq barışmalıdır. Zaman da bunu tələb edir. Axı bu münaqişə nəticəsində nə qədər insan həlak olmalıdır? Zənnimcə, Ermənistan hakimiyyəti bunu daha ciddi düşünməlidir”.

Xatırladaq ki, Levon Ter-Petrosyan partiyanın qurultayında çıxışı zamanı Ermənistan hakimiyyətini Dağlıq Qarabağ münaqişəsinin həllində kompromisə gəlməyə çağırıb.

Ramil Hüseynli
Ölkə.Az

 

ŞƏRH YAZ
0

Azərbaycanda yeni agentlik yaradılıb

Azərbaycanda yeni agentlik yaradılıb
20:27
16.07.2018
808
Siyasət
A
Prezident İlham Əliyev yerin təkindən istifadə olunmasının, onun mühafizəsi və idarə edilməsi mexanizmlərinin təkmilləşdirilməsi, bu sahəyə dövlət nəzarətinin gücləndirilməsi tədbirləri haqqında fərman imzalayıb.

"Ölkə.Az" xəbər verir ki, fərmana əsasən Ekologiya və Təbii Sərvətlər Nazirliyinin tabeliyində Dövlət Mineral Xammal Ehtiyatlarından İstifadə Agentliyi yaradılıb.

Agentlik “Yerin təki haqqında” Azərbaycan Respublikasının Qanununda nəzərdə tutulmuş yerin təkindən istifadə növləri üzrə fəaliyyətin tənzimlənməsini, habelə yerin təkinin istifadəsində və mühafizəsində qanunvericiliyə, müəyyən edilmiş standartlara və tələblərə əməl olunmasına nəzarəti həyata keçirən, yerin təkindən istifadə ilə bağlı müsabiqə və hərracların keçirilməsini təşkil edən, bu sahədə xidmətlər göstərən publik hüquqi şəxsdir. Agentliyin nizamnamə fondu Mineral Xammal Bazasının Bərpası üzrə Dövlət Fondunun vəsaiti və Ekologiya və Təbii Sərvətlər Nazirliyinin balansından agentliyə verilən aktivlər hesabına formalaşdırılır.

Bu fərman energetika ilə bağlı yerin təkindən istifadə münasibətlərinin tənzimlənməsinə şamil olunmur.

Ölkə.Az

ŞƏRH YAZ
0

Fuad Muradov Almaniyada azərbaycanlı iş adamları ilə görüşdü

Fuad Muradov Almaniyada azərbaycanlı iş adamları ilə görüşdü
18:24
16.07.2018
939
Siyasət
A
Diasporla iş üzrə Dövlət Komitəsinin sədri Fuad Muradov Avropaya səfəri çərçivəsində Almaniyanın qərb bölgələrində yaşayan azərbaycanlılar və buradakı diaspor təşkilatlarının rəhbərləri, eləcə də ölkənin qərb bölgələrində təhsil alan azərbaycanlı gənclərlə görüşüb.

Komitənin mətbuat xidmətindən "Ölkə.Az"a verilən məlumata görə, görüşdə xaricdə yaşayan soydaşlarımızın azərbaycançılıq ideyaları ətrafında birləşmək imkanlarından, Dağlıq Qarabağ münaqişəsi və Azərbaycan həqiqətlərinin dünya ictimaiyyətinə çatdırılmasında diaspor təşkilatlarının rolundan danışılıb.

Komitə sədri onların qayğıları ilə maraqlanıb, soydaşlarımızın təklif və ideyaları ətrafında maraqlı müzakirə aparılıb. Diqqət mərkəzində olan məsələlərdən biri bu ölkədə yaşayan ailələrin uşaqları üçün Azərbaycan dili məktəblərinin açılması olub. Tədbirdə Komitənin yeni yazılmış himni səsləndirilib, yeni loqo, ilk dəfə yaradılan infoqrafik diaspor xəritəsi və qurumun yenilənmiş saytı barədə məlumat verilib.

Səfər çərçivəsində mühüm görüşlərdən biri də Almaniyanın Köln şəhərində yaşayan azərbaycanlı iş adamları ilə keçirilib. Toplantıda Almaniyadakı azərbaycanlı iş adamlarının fəaliyyəti, “Made in Azerbaycan” brendinin tanıdılması, ölkəmizdə biznes maraqlarının artırılması ilə bağlı fikir mübadiləsi aparılıb, onların təklifləri dinlənilib. Almaniya azərbaycanlılarının Koordinasiya Şurasının yaradılması və biznes forumun keçirilməsi təklifləri maraqla qarşılanıb. İş adamları yeni biznes platformasının və resurs mərkəzinin yaradılmasını təklif ediblər.

F. Muradov yeni təşəbbüslərin olmasının, sosial-mədəni layihələrin həyata keçirilməsinin əhəmiyyətini vurğulayaraq, görüş iştirakçılarını əmin edib ki, onların təşəbbüsləri, təklifləri qiymətləndiriləcək, bundan sonra heç bir diaspor təşkilatı və heç bir insan diqqətdən kənarda qalmayacaq, gənclərin diaspor fəaliyyətinə cəlb olunması üçün mümkün addımlar atılacaq. Komitə sədri diaspor hərəkatının keyfiyyətcə yeni mərhələyə-lobbiçilik fəaliyyətinə keçməsinin gerçəkləşdirilməsi yolunda da mühüm planların olduğundan bəhs edib.

ŞƏRH YAZ
0
BAĞLA