Aygün Bəylər nazirin qohumuna ərə getmək xəbəri haqqında — "Bir il əvvəl Moskvada elçi düşmüşdülər"

Aygün Bəylər nazirin qohumuna ərə getmək xəbəri haqqında
12:44
27.11.2017
8336
Maqazin
A
Əməkdar artist Aygün Bəylər nazirlərdən birinin əmisi oğluyla ailə qurmasıyla bağlı xəbərlərə münasibət bildirib.

Xanəndə "Ölkə.Az"a açıqlamasında bildirib ki, bir il əvvəl Moskvada olarkən ona elçi düşüblər. Amma bu, hansısa nazirin qohumu olmayıb:

"İki gündür xaricdən dostlarım zəng vurur ki, bu nə xəbərdi? yalansa doğru olsun (gülür). Deyirəm ki, ay qardaş, vallah, belə şey yoxdur. Amma sənətkarı belə incitmək olmaz e. Məni ruhdan salmaq olmaz. İnanırsız, yanan da mənəm, yaman da mənəm. Bir il əvvəl Moskvada olanda ruslar mənə elçi çıxdılar.  Dedim ki, uşaq böyüdürəm, ərə getmək fikrim yoxdur. İnsan gərək ya sənəti seçməlidir, ya da ailəni. Əgər sənətkaramsa, deməli, mən sənətkar kimi öz missiyamı borcumu yerinə yetirməliyəm. Hələ illər öncə müəllimim Bəylər Quliyev mənə tapşırıb ki, sənətkar kimi hörmətli qalmaq istəyirsənsə, ya sənətdə qalmalısan, ya da ərə getməlisən. Deməli, ərə getmək olmaz. Hazırda qırx iki yaşım var, o kişini on yeddi yaşımdan tanımışam. Bu günə qədər onun qoyduğu yolla gedirəm. Bu sənətdən dönmək fikrim yoxdur".

Qeyd edək ki, mətbuatda yayılan xəbərlərdə A.Bəylərin nazirlərdən birinin qohumuyla dekabrln 27-də rəsmi nikaha girəcəyi barədə xəbər yayılmışdı.

İntiqam VALEHOĞLU
Ölkə.Az

ŞƏRH YAZ
2

"Mustafa Ceceli bir vaxtlar həmcinsi ilə eşq yaşayıb" — Trans jurnalist

22:19
Bu gün
0
Maqazin
A
Jurnalist Mişel Demişeviç sosial media hesabında verdiyi açıqlama ilə sabiq həyat yoldaşı Sinem Gedikin həmcinsi İntizarla yaşadığı qeyri-qanuni münasibətinin görüntülərini mediaya ötürməsilə suçlanan Mustafa Cecelinin də bir vaxtlar öz həmcinsi ilə qeyri-qanuni münasibət yaşadığını iddia edib.

"Ölkə.Az" xəbər verir ki, o "Tvitter" hesabında "İstanbul, Bəyoğlu, Cahangirdəki o məşhur kafenin "kişi" sahibi ilə bir vaxtlar sən də böyük bir eşq yaşamışdın, yadına gəlirmi? #Mustafa Ceceli" sözlərini işlədib.

Qeyd edək ki, LGBT, qadın, insan və heyvan haqqları müdafiəçisi Mişel Demişeviç Türkiyənin ilk trans televiziya müxbiridir. 

Ölkə.Az

ŞƏRH YAZ
0

Nazpəri Dostəliyeva fəlsəfə doktoru məsələsinə — AYDINLIQ GƏTİRDİ

Nazpəri Dostəliyeva fəlsəfə doktoru məsələsinə
18:08
Bu gün
3352
Maqazin
A
Xalq artisti Nazpəri Dostəliyevanın fəlsəfə doktoru olmasıyla bağlı xəbərlərə aydınlıq gətirib.

 Müğənni "Ölkə.Az"a açıqlamasında bildirib ki, "Azərbaycanın Şərq və Qərb aşıq məktəblərinin xüsusiyyətləri və ifaçılıq ənənələrinin müqayisəli təhlili" adlı dissertasiya mövzusu götürüb və hazırda həmin mövzunu işləmək üçün Şamaxıdadır:

"Hələ ki fəlsəfə doktoru deyiləm və yayılan məlumatlar yanlışdır. Hazırda Şamaxıdayam və bu mövzunun üzərində çalışıram". 

Xatırladaq ki, elektron mediada Dostəliyevanın "Azərbaycanın Şərq və Qərb aşıq məktəblərinin xüsusiyyətləri və ifaçılıq ənənələrinin müqayisəli təhlili” adlı dissertasiya mövzusu qənaətbəxş hesab edilərək, fəlsəfə doktoru elmi dərəcəsinin təsdiq olunduğu yazılırdı.

İntiqam VALEHOĞLU
Ölkə.Az

ŞƏRH YAZ
0
BAĞLA