Aygün Bəylərin qardaşı 28 sentyabrda yenidən məhkəməyə çıxarılacaq

Aygün Bəylərin qardaşı 28 sentyabrda yenidən məhkəməyə çıxarılacaq
18:10
13.09.2017
368
Ölkə
A
Bu gün Bakı Ağır Cinayətlər Məhkəməsində qətl törətməkdə təqsirləndirilən əməkdar artist Aygün Bəylərin qardaşı Abbas Hümmətov, Fuad Məmmədzadə, Elnur Alxazov, Ramil Əsirov, Elnur Əsirov və Cavid Alxazovun cinayət işi üzrə məhkəmənin iclası davam etdirilib.

"Ölkə.Az"ın Report-a istinadən məlumatına görə, hakim Cavid Hüseynovun sədrliyi ilə keçirilən prosesdə sənədlərin tədqiqi mərhələsi davam etdirilib.

Təqsirləndirilən F.Məmmədzadənin vəkili vəsatətlə çıxış edib. O, müvəkkilinin barəsində psixatrik ekspertizanın keçirilməsini istəyib. Vəkil hüquqlarını müdafiə etdiyi şəxsin xəstə oldğunu bildirib.

Vəsatət təmin edilməyib.

Prosesdə vəkillər bildirib ki, hüquqlarını müdafiə etdikləri şəxslər istintaq dövründə işgəncələrə məruz qalıb və daha sonra onların ifadəsi videogörüntü vasitəsi ilə çəkilib. Onlar videogörüntünün məhkəmədə baxılmasını tələb ediblər.

Hakim isə söyləyib ki, cinayət işi məhkəməyə göndəriləndə protokolda bu barədə qeydlər göstərilməyib.

Təqsirləndirilən C.Alxasov bildirib ki, istintaq dövründə istintaq orqanı əməkdaşları onların videogörüntülərini çəkib: "Bu, televiziyalarda da göstərilib. Hətta həmin video hazırda "youtube"da da var. Tələb edirik ki, həmin görüntü məhkəmədə göstərilsin".
Daha sonra məhkəmə istintaqının başa çatdğını elan olunub.

Prokuror çıxış üçün məhkəmədən vaxt istəyib.

Məhkəmənin növbəti iclası sentaybrın 28-nə təyin edilib.

Qeyd edək ki, Daxili İşlər Nazirliyinin (DİN) yaydığı məlumata görə, Suraxanı Rayon Polis İdarəsi və rayon prokurorluğunun əməkdaşları tərəfindən həyata keçirilən əməliyyat-axtarış və istintaq tədbirləri nəticəsində 2013-cü ilin iyun ayının 16-dan itkin düşmüş şəxs kimi axtarışda olan Bakı şəhər sakini Elnur Hümbətovun qətlə yetirildiyi müəyyən edilib.

Faktla əlaqədar həyata keçirilən istintaq-əməliyyat tədbirləri nəticəsində məlum olub ki, E.Hümbətov 2013-cü ilin may ayında həmyerliləri F.Məmmədzadə, E.Alxazov, A.Hümmətov, R.Əsirov və qardaşı Elnur tərəfindən Xəzər rayonunun Qala qəsəbəsi ərazisində boğulma yolu ilə qətlə yetirilib. Cinayəti törətməkdə şübhəli bilinən şəxslər polisin keçirdiyi əməliyyat nəticəsində saxlanılaraq istintaqa təqdim olunublar.

Araşdırmalar zamanı məlum olub ki, qeyd edilən şəxslər cinayətin izini itirmək məqsədi ilə meyiti Qala qəsəbəsində əvvəldən müəyyən etdikləri yerdə basdırıblar. Polis və prokurorluq orqanları əməkdaşları tərəfindən hadisə yerinə birgə baxış keçirilib və E.Hümbətovun meyitinin qalıqları basdırıldığı yerdən ekskumasiya olunaraq Məhkəmə Tibbi Ekspertiza və Pataloji Anatomiya Birliyinə göndərilib.

Faktla bağlı Suraxanı Rayon Prokurorluğunda cinayət işi başlanılıb və iş digər istintaq hərəkətlərinin davam etdirilməsi üçün Bakı Şəhər Prokurorluğuna göndərilib. Həmin şəxslər barəsində Suraxanı Rayon Məhkəməsində 4 ay müddətinə həbs qətimkan tədbiri seçilib.

Xatırladaq ki, tutulan şəxslərdən A.Hümmətov əməkdar artist Aygün Bəylərin qardaşı, qətlə yetirilən şəxs isə əmisi nəvəsidir.

 

ŞƏRH YAZ
0

İnam Kərimovdan yeni — TƏYİNAT

İnam Kərimovdan yeni
22:37
27.05.2018
2809
Ölkə
A
Azərbaycan Respublikası Kənd Təsərrüfatı Nazirliyində yeni təyinat olub.

"Ölkə.Az"-ın Oxu.az-a istinadən məlumatına görə, nazir İnam Kərimovun əmri ilə Elvin Paşayev Kənd Təsərrüfatı Nazirliyinin İnsan resursları departamentinin rəhbəri təyin edilib.

Qeyd edək ki, E.Paşayev bundan əvvəl Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin İnsan resursları və təlim şöbəsinin müdiri vəzifəsində çalışıb.

Ölkə.Az

ŞƏRH YAZ
0

Ramazanın 12-ci gününün duası — İmsak və iftar vaxtı

Ramazanın 12-ci gününün duası
20:54
27.05.2018
3881
Ölkə
A
Sabah Ramazan ayının 12-ci günüdür.

"Ölkə.Az"ın məlumatına görə, Qafqaz Müsəlmanları İdarəsinin açıqladığı Ramazan təqviminə əsasən, mayın 28-də Bakıda imsak saat 03:28, iftar isə saat 20:17-dədir.

Ramazan ayının 12-ci gününün duası:

"Allahummə zəyyinni fihi bis-sətri vəl-əfaf. Vəsturni fihi bilibasil-qünui vəl-kəfaf. Vəhmilni fihi ələl-ədli vəl-insaf. Və amilni fihi min kulli ma əxaf. Bi-ismətikə ya ismətəl-xaifin".

Tərcüməsi:

"İlahi, bu ayda məni həya və iffətlə zinətləndir, itaət və razılıq libasını geyindir. Bu ayda məni ədalət və insaf yolu ilə apar, qorxduğum hər şeydən məni hifz et. Səni Öz ismətinə and verirəm, ey (ürəklərində) Allah qorxusu olanların Himayədarı!"

Allah orucunuzu qəbul etsin!

Ölkə.Az

ŞƏRH YAZ
0
BAĞLA