Aygün Kazımova dünya şöhrətli dizayner “sevgilisi” ilə Nyu-York küçələrində — VİDEO

Aygün Kazımova dünya şöhrətli dizayner “sevgilisi” ilə Nyu-York küçələrində
00:44
15.11.2019
10648
Maqazin
A
Xalq artisti Aygün Kazımova ABŞ-da çəkdirdiyi yeni klipini təqdim edib.

"Ölkə.Az" bildirir ki, bir müddət öncə Nyu-Yorka gedən Kazımova orada musiqisi İsmayıl Əsədova, sözləri Saleh Səbata və İsmayıl Əsədova məxsus “Ehtiyacım var” adlı bəstəni ekranlaşdırıb.

Pop diva ekran işini rejissor Elmar Bayramova həvalə edib. Klip Nyu-Yorkun bir sıra parklarında və istirahət mərkəzlərində lentə alınıb. Ekran işində Xalq artisti sözügedən məkanlarda sevgilisi ilə yaşadıqları anları yada salaraq, xatirələrə dalır.

Kazımovanın tərəf müqabili bu dəfə də onun ən yaxın dostu, sirdaşı dünya şöhrətli dizayner və stilist Rüfət İsmayıl olub. Aygün ilə Rüfətin səmimi görüntüləri isə klipi daha da canlandırıb və xüsusi rəng qatıb.

Klip bir neçə dəqiqə bundan öncə Aygün Kazımovanın rəsmi “Youtube” kanalında təqdim edilib.

Qeyd edək ki, Rüfət İsmayıl daha öncə Aygün Kazımovanın “Haradasan” adlı mahnısına çəkilmiş klipində də onun sevgilisi obrazını canlandırıb.

Ölkə.Az
ŞƏRH YAZ
0

Kama Balidə bahalı klip çəkdirdi — VİDEO

Kama Balidə bahalı klip çəkdirdi
12:17
Bu gün
533
Maqazin
A
Rəqqasə Kama Safarəliyeva yeni klipi üçün İndoneziyaya gedib.

"Ölkə.Az" axşam.az-a istinadən xəbər verir ki, sənətçi Bali adasında obyektiv qarşısına keçib. O, klipinə də elə "Bali" adını verib. Kama beş fərqli obrazda adanın fərqli yerlərində rəqs nümayiş etdirib. Diqqətçəkən məqamlardan biri isə rəqqasənin okean sahilində çimərlik geyimində pozlar verməsi olub.

Kama ekran işində adanın sakinlərinə də yer verib. Onun makiyajı üzərində isə vizajist Günel Axundova çalışıb.

K.Safarəliyeva klipi barədə danışarkən fərqli görüntülər üçün Bali adasını seçdiyini deyib:

"İstədim ki, həm təbiət qoynu olsun, həm də fərqli bir klip alınsın. Bunun üçün də gözəl mənzərələrlə bol olan Balini seçdim. Məncə, pis də alınmadı. Klip çox rəngarəngdir".

Kama uşaqlıqdan rəqslə məşğul olduğunu, daim üzərində çalışdığını söyləyib:

"Uzun müddətdir rəqqasəlik edirəm. Uşaqlıqdan buna həvəsim olub. İndi də üzərimdə çalışıram. Qarşıda isə daha maraqlı layihələrim var".

ŞƏRH YAZ
0

Xanım fanatına “arxa otağa keçək və mən sübut edim” deyən Can Yamanın serialı — TƏXİRƏ SALINDI

Xanım fanatına “arxa otağa keçək və mən sübut edim” deyən Can Yamanın serialı
08:11
Bu gün
4995
Maqazin
A
Son günlər qalmaqallarda adı hallanan türkiyəli aktyor Can Yaman İtaliyada “Survivor” yarışmasını apacaq.

"Ölkə.Az" bildirir ki, seriallarda oynadığı qadın həmkarlarını və onun sevən xanımları təhqir edən  aktyorun fevral ayında çəkilməsi planlaşdırılan “Can borcu” serialı da təxirə salınıb. Aktyorun İspaniyada televiziya proqramında tamaşaçıya “arxa otağa keçək və mən sübut edim” sözləri deməsi serialın prodüserini əsəbləşdirib.

Yanvarda əsgərliyə gedən Canın artıq fevral ayında serial çəkilişlərinə başlaması və mart ayından serialın təqdim olunması təsdiqlənmişdi. Amma qalmaqallı açıqlamalara görə serialın gələn ilin sentyabr ayında çəkilməsi nəzərdə tutulub.  

Hətta prodüser Canı baş verən hadisələrdən uzaqlaşdırmaq üçün onu xaricə istirahətə göndərib. Tətildən sonra aktyor İtaliyada “Survivor” yarışmasını aparacaq.  Aparıcılıq etməsi Türkiyə mətbuatından və qalmaqallardan uzaq olması ilə bağlıdır.  

Xatırladaq ki, Can Yaman öncə serialın reytinqli olması üçün qadın həmkarları ilə “mütləq sevgili olunmalıdır” fikri ilə Türkiyədə qınaq obyektinə çevrilib.

Eyni zamanda, Can müsahibələrinin birində həmkarı Demet Özdemirlə iyirminci seriyadan sonra sevgili olduqlarını etiraf edib. 

Son olaraq isə  İspaniyada yerli televiziya proqramlarından birinə qonaq olan aktyorun xanımlardan birinin verdiyi “buradan Can Yamanın mükəmməl, ideal bir insan olduğunu düşünərək gedəcəyik. Ancaq bizə Can Yamanın bu dünyadan olduğunu sübut edə biləcək nələrsə deyə bilərsən?” sualına “arxa otağa keçək və mən sübut edim” cavabını verməsi qalmaqala səbəb olub.  

Qeyd edək ki, Can Yaman “Erkençi Kuş” serialı ilə dünyada tanınıb. Son vaxtlar isə xarici ölkələrə səfərləri və açıqlamaları ilə gündəmdədir.

ŞƏRH YAZ
0
BAĞLA