Ayselin eks-ərindən ŞOK AÇIQLAMA — “Aysel Oktayı mən əsgərlikdə olanda tapıb"

Ayselin eks-ərindən ŞOK AÇIQLAMA
16:50
18.04.2017
349
Ölkə
A
"Aysel Oktayı mən əsgərlikdə olanda tapıb”.

"Ölkə.Az" xəbər verir ki, bunu AzNews.az-a açıqlamasında Bakı Lift İdarəsinin baş direktoru Qüdrət Şükürovun qızı Ayselin birinci həyat yoldaşı Elşən Əsgərli bildirib. Onun sözlərinə görə, cütlük 2012-ci ildə evlənib:

"Biz universitetdə oxuyurduq. Orada bir-birimizi sevib ailə qurmuşuq. Həmin vaxt mənim 19 yaşım vardı. Evləndikdən 5 il sonra mən hərbi xidmətə yollandım. Əsgərlikdə olanda, Aysel gedib özünə oğlan tapıb. Bu səbəbdən Aysellə 2016-ci ilin aprel ayında rəsmi olaraq boşanmışıq. Bundan 6 ay sonra Aysel başqası ilə, yəni bugünkü həyat yoldaşı Oqtayla nişanlandı.”

Elşən Əsgərli qeyd edib ki, Aysellə aralarında olan nikah pozulandan sonra qarşı tərəf ona şər-böhtan ataraq, Əsgərlilər ailəsini əxlaqsızlıqda ittiham edib:

"Aysel mənə qarşı təxribata başladı. O, mənim anamın, bacımın şəkillərini sosial şəbəkədə paylaşaraq altından təhqiredici ifadələr yazıb. Bundan əlavə, bizim evin və anamın mobil telefonlarının nömrəsini sosial şəbəkədə paylaşıb. Yazıb ki, guya mənim anam 20 manata əxlaqsızlıq edir. Bu başlıq altında mənim şəkillərimi paylaşır. Hamı görür o, nələr edir. İndi də mənə böhtanlar atır.”

Əsgərli Elşən eks-qayınatası Qüdrət Şükürovu dövlət əmlakını mənimsəməkdə ittiham edib:

"Mənim ailəm həmişə imkanlı olub. Onun həyat yoldaşı "Porche” sürür. Həmin maşını ona Ayselin atası, rüşvətxor məmur alıb. Mənim sürdüyüm maşın isə öz alın tərimlə qazanılıb. Özünə bir "alfons” tapıb. Onların yaşadığı dəbdəbəli həyat Ayselin atasının hesabınadır. Qüdrət müəllim 510 manat maaş alır, mənim atam isə heç bir dövlət işində işləmir, biznesmendir. Qoy cavab versin ki, 510 manatla o dəbdəbəli həyatı necə yaşamaq olar? Bakı Lift Təmir İstehsalat Birliyində baş direktordur. Atasının qrup dəstəsi var, liftləri oğurlatdırır. Məqsədi büdcədən pul qoparmaqdır ki, yenisini alsın. Özünə quldur dəstə yaradıb.”

Qeyd edək ki, gün ərzində səslənən ittihamlarla bağlı Bakı Lift Təmir İstehsalat Birliyinin baş direktoru Qüdrət Şükürovla əlaqə saxlamağa çalışsaq da, Bakı Lift Təmiri İstehsalat Birliyindən onun işdə olmadığını dedilər.

Qüdrət Şükürovun qızına etdiyi toy mərasiminin 400 min dollara başa gəlməsi, bu dəbdəbəli toy mərasiminin şəkillərinin, videolarının paylaşılmasından sonra toy sosial şəbəkələrdə geniş müzakirə olunub.

Ölkə.Az

ŞƏRH YAZ
0

“Siqaret” sözü “tütün” sözü ilə əvəz edildi

“Siqaret” sözü “tütün” sözü ilə əvəz edildi
10:35
Bu gün
90
Ölkə
A
Baş nazir Artur Rasizadə “Təhlükəli yüklərin hava nəqliyyatı ilə daşınması Qaydaları”nda dəyişiklik edib.

"Ölkə.Az" xəbər verir ki, dəyişiklik “Tütün məmulatlarının istifadəsinin məhdudlaşdırılması haqqında” prezidentin 2017-ci il 29 dekabr tarixli 1774 nömrəli Fərmanının 1.1.6-cı yarımbəndinin icrasını təmin etmək məqsədi ilə edilib.

Qaydaların “6.3.3. 3-cü sinif” bölməsinin “Təhlükəsizlik tədbirləri” hissəsinin ikinci absasının ikinci cümləsində “siqaret” sözü “tütün” sözü ilə, üçüncü cümləsində “Siqaret çəkməməli” sözləri “Tütün çəkmək qadağandır” sözləri ilə əvəz edilib.

“6.3.4. 4-cü sinif” bölməsinin “Yüklərin müvəqqəti saxlanılması” hissəsinin üçüncü abzasında, “6.3.8. 8-ci sinif” bölməsinin “Təhlükəsizlik tədbirləri” hissəsinin dördüncü abzasında, 16.1-ci bəndin dördüncü abzasında və 16.2-ci bəndin beşinci abzasında “siqaret” sözü “tütün” sözü ilə əvəz edilib.

3. 10.16-cı bəndin üçüncü cümləsində “Siqaret çəkmək qəti qadağandır” sözləri “Tütün çəkmək qadağandır” sözləri ilə əvəz edilib.

ŞƏRH YAZ
0

Toz-dumanın miqdarı sanitar norma daxilindədir

Toz-dumanın miqdarı sanitar norma daxilindədir
10:23
Bu gün
165
Ölkə
A
20 aprel 2018-ci il tarixində səhər saatlarında Bakıda və Abşeron yarımadasında toz-dumanın miqdarının sanitar normaya uyğun olduğu müəyyən edilib.

"Ölkə.Az" xəbər verir ki, Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamentinin havanın keyfiyyətini ölçən avtomatik və stasionar monitorinq stansiyalarından alınan məlumata görə, buna səbəb ölkə ərazisinə daxil olan şimal-qərb küləyidir

Qeyd edək ki, ötən gün Bakı və Abşeron yarımadasında tozun miqdarı sanitar normadan 35 faizdən yuxarı olmuşdu.

ŞƏRH YAZ
0
BAĞLA