Azad Rəhimov: Mxitaryana görə F-16 qırıcılarını göndərək? — VİDEO

Azad Rəhimov: Mxitaryana görə F-16 qırıcılarını göndərək?
15:24
25.05.2019
1082
İdman
A
Azərbaycan Bakıda olacağı müddətdə “Arsenal” klubunun futbolçusu Henrix Mxitaryanın təhlükəsizliyinə tam zəmanət verir.

"Ölkə.Az" xəbər verir ki, bu haqda Azərbaycanın Gənclər və İdman naziri Azad Rəhimov CNN-ə verdiyi müsahibədə danışıb.

Amerika telekanalının jurnalisti Azərbaycanın Mxitaryanın təhlükəsizliyinə daha çox zəmanət verməyə hazır olub-olmadığını soruşub. Nazir Azərbaycanın bütün mümkün zəmanətləri verdiyini vurğulayıb.

“Başqa nə etməliyik ki? Dalınca F-16 qırıcılarının müşayiəti ilə şəxsi təyyarə göndərməliyik? Bundan başqa nə edə bilərik axı?”, - deyə nazir bildirib.

A.Rəhimov  Mxitaryanın Bakıya gələcəyi təqdirdə təhlükəsizliyinin tam təmin olunacağı ilə bağlı bütün sənədlərin həm UEFA, həm də futbolçunun çıxış etdiyi “Arsenal” futbol klubuna göndərildiyini diqqətə çatdırıb.

“Azərbaycan hökumətinin, həmçinin, Azərbaycan Futbol Federasiyaları Assosasiyası və təhlükəsizliyə cavab verən bütün dövlət orqanlarının adından zəmanət məktubu göndərmişəm”, - deyə nazir əlavə edib.

O, həmçinin, qeyd edib ki, Mxitaryana şəxsən təhlükəsizliklə bağlı zəmanətlərin çatdırılması üçün onun Azərbaycan səfirliyi ilə əlaqə yaratması təklif edilsə də, futbolçu müraciət etməyib.

Bakıya gəlmək istəyən digər erməni əsilli futbol azarkeşlərinə gəlincə, nazir Azərbaycanın heç vaxt azarkeşlərin ölkədə keçirilən beynəlxalq miqyaslı idman tədbirlərində iştirakına əngəl yaratmadığını dilə gətirib.

“Erməni əsilli istənilən şəxs Azərbaycana viza almaq üçün sorğu göndərə bilər”, - deyə o əlavə edib.

Xatırladaq ki, UEFA Avropa Liqasının finalı mayın 29-da Bakı Olimpiya Stadionunda keçiriləcək.

Bundan əvvəl “Arsenal” klubu erməni futbolçu Henrix Mxitaryanı “Çelsi”yə qarşı matça Bakıya gətirməyəcəyini bəyan edib.  

“Biz Mxitaryanla bağlı bütün variantları nəzərdən keçirmişik, onunla və ailəsi ilə danışıqlar aparmışıq. Keçirilən görüşdən sonra qərar aldıq ki, o, final oyununda oynamayacaq. Biz artıq bu barədə UEFA-nı da məlumatlandırmışıq”, - deyə saytda dərc olunan bəyanatda deyilib.

Ölkə.Az

ŞƏRH YAZ
0

Bakıda voleybolçu qadını başına torba keçirərək boğan şəxs məhkəməyə müraciət etdi

Bakıda voleybolçu qadını başına torba keçirərək boğan şəxs məhkəməyə müraciət etdi
16:25
Bu gün
1543
İdman
A
Bakıda qətl törətməkdə təqsirli bilinərək məhkum olunan Namiq Vəkilov Ali Məhkəməyə müraciət edib.

"Ölkə.Az" xəbər verir ki, onun müraciəti ilə bağlı məhkəmə baxış iclası hakim İmran Hacıqayıbovun sədrliyi ilə iyul ayının 16-da keçiriləcək.

Xarıladaq ki, hadisə paytaxtın Suraxanı rayonunun Hövsan qəsəbəsində baş verib. Həmin ərazidə Qazax rayon sakini N.Vəkilov Anjelika Morozovanın başına torba keçirərək onu boğub qətlə yetirib.

Qadının meyiti Hövsan qəsəbəsində başına sellofan torba keçirilmiş vəziyyətdə tapılıb. Hadisə yerinə cəlb olunan huquq mühafizə orqanlarının əməkdaşları meyiti müayinə edən zaman qadının boğularaq qətlə yetirildiyini aşkar ediblər. Məlum olub ki, qətlə yetirilən şəxs 1963-cü il təvəllüdlü A.Vasilyevna Morozovadır. Hadisədən sonra N.Vəkilov saxlanılıb. 

Namiq Vəkilov Bakı Ağır Cinayətlər Məhkəməsinin hökmü ilə 18 il müddətinə azadlıqdan məhrum edilib.
Qeyd edək ki, qətlə yetirilən qadın peşəkar voleybolçu kimi tanınıb.

Natiq Allahverdiyev
Ölkə.Az

ŞƏRH YAZ
0

Qış Olimpiya Oyunlarının paytaxtı seçildi

Qış Olimpiya Oyunlarının paytaxtı seçildi
08:00
Bu gün
3968
İdman
A
Beynəlxalq Olimpiya Komitəsi 2026-cı ildə keçiriləcək Qış Olimpiya oyunları barədə qərar qəbul edib.

“Ölkə.Az” xəbər verir ki, 2026-cı ildə Qış Olimpiya Oyunları İtaliyada keçiriləcək.

Komitənin 134-cü iclası İsveçrənin Lozanna şəhərində keçirilib. Qərara əsasən, Milan və Kortina Dampesso şəhərləri Qış Olimpiya Oyunlarının keçirilməsi üçün seçilib. Eyni ildə Paralimpita oyunları da keçiriləcək.

Qeyd edək ki, İtaliyanın əsas rəqibləri Stokholm və Ore şəhərləri idi.

Ölkə.Az

 

ŞƏRH YAZ
0
BAĞLA