KORONAVİRUSA YOLUXANLARIN SAYI - CANLI STATİSTİKA

Azadlıq meydanının ilk şəhidi — Qəhrəmanı yaxından tanıyaq - FOTO

Azadlıq meydanının ilk şəhidi
11:38
19.01.2020
5526
Ölkə
A
80-ci illərin sonlarında sovet imperiyasına qarşı baş qaldıran milli-azadlıq hərəkatı getdikcə güclənməkdə idi. Xüsusilə, hərəkatın önündə gənclər xüsusi fəallığı ilə seçilirdi. Belə gənclərdən biri də imperiya əsgəri tərəfindən vəhşicəsinə döyülüb öldürülən Mikayıl Babayev olub.

“Ölkə.Az” xəbər verir ki, bu barədə araşdırma aparan Azərbaycan Ağsaqqallar Şurasının mətbuat xidmətinin əməkdaşı, araşdımaçı Şərafət Şəfa məlumat verib:

“Mikayıl Babayev ilk qarışıqlıqlarda imperiya tərəfindən ictimai fəallığa görə ən çox təzyiqə məruz qalan gənclərdən biri olub. Mikayıl Babayev 4 mart 1962-ci ildə Şərur rayonu Vərməziyar kəndində anadan olub. Və ilk şəhid kimi ulu öndər Heydər Əliyev onun vətən fədailiyini qiymətləndirərək, böyük şairimiz Xəlil Rzayla birgə ailəsilə görüşüb, adına kənd qəbristanlığında türbə tikdirib.

“Azadlıq!” sədası meydanı bürüyəndə rus ordusunun əsgərləri vəhşicəsinə millətin üstünə yeriyəndə dubinkalarla ilk qətliam edilən Mikayıl Babayev olub. O zaman kimin ağlına gələrdi ki, az müddətdən sonra 20 yanvar yaşanacaq və şəhidlərdən xiyaban yaranacaq.

Ona görə də Mikayıl Babayevin qəbri öz doğma kəndindədir.

Mikayıl Babayev 1989-cu il dekabrın 20-si şəhidlik zirvəsinə ucalıb. O gündən anası Həcərin gözləri tutulub. Aldığımız məlumata görə, bir müddət sonra Mikayılın sevdiyi qız da intihar edib. Onlardan yalnız bir yadigar üzük qalıb”.

Xatırladaq ki, Mikayıl Babayev Yeni Azərbaycan Partiyası Nizami Rayon təşkilatının sədr müavini, 16 saylı Yasamal II seçki dairəsindən deputatlığa namizəd Ramin Əhmədovun və məşhur kikboksçu, dünya çempionu Xəyal Əhmədovun dayısıdır.

Elnur Eltürk

ŞƏRH YAZ
0

Bu rayonun su probleminin həlli gözlənilir — AÇIQLAMA

Bu rayonun su probleminin həlli gözlənilir
05:05
Bu gün
1024
Ölkə
A
Saatlı rayonunda müvəqqəti olaraq yaranmış su problemi yaxın günlərdə tam şəkildə həll olunacaq.

"Ölkə.Az" bildirir ki, bu barədə report-aAzərbaycan Meliorasiya və Su Təsərrüfatı” ASC-dən bildirilib.

Məlumata görə, Saatlı rayonu ərazisində 57 min hektar suvarılan əkin sahəsi var. Bu sahələrin su təminatı əsasən Araz çayı üzərində yerləşən və 6 rayonun 170 min hektar sahəsinə xidmət edən Bəhrəmtəpə hidroqovşağından başlanğıcını götürən Baş Muğan və ondan ayrılan kanallar, eyni zamanda Kür və Araz çayları üzərində yerləşən nasos stansiyaları vasitəsilə həyata keçirilir: “Xidmət etdiyi əkin sahələri nəzərə alınaraq rayonlararası su bölgüsü limitləri hazırlanıb və suyun miqdarı nəzərə alınaraq su bölgüsü təsdiq edilmiş limit daxilində həyata keçirilir.

Son vaxtlar Araz çayında suyun sərfi azaldığından digər rayonlarla yanaşı, Saatlı rayonuna verilən suyun həcmi də müəyyən qədər azalıb. Rayon ərazisində də kəndlərarası su bölgüsü tərtib edilmiş qrafik əsasında aparılır. Bu səbəbdən bir sıra kəndlərdə su təminatında çətinliklər yaranır. Yaranmış çətinliklər nəzərə alınaraq İran İslam Respublikası ilə birgə istismar olunan Araz su anbarından buraxılan suyun həcmi artırılmış və növbəti həftənin birinci günü axşama rayona tələbata uyğun suyun verilməsi təmin ediləcək. Qeyd olunanlar barədə rayon rəhbərliyi, dövlət aqrar inkişaf mərkəzi və su istifadəçiləri məlumatlandırılıb. Rayonun Nabatkənd və Çolpu kəndlərinə kommunal-məişət ehtiyacları üçün suyun verilməsinin təcili bərpa edilməsi barədə yerli istismar idarəsinə ciddi tapşırıq verilib. Hazırda bu istiqamətdə iş aparılır və işlər də nəzarətə götürülüb".

ŞƏRH YAZ
0

Ləğv olunan İstanbul-Bakı-İstanbul uçuşları bərpa edildi

Ləğv olunan İstanbul-Bakı-İstanbul uçuşları bərpa edildi
03:07
Bu gün
1632
Ölkə
A
İyul ayının çərşənbə və cümə günlərində icra edilməsi planlanan və bu gün ləğv olunan “Türk Hava Yolları”nın İstanbul - Bakı - İstanbul uçuşları bərpa olunub.

“Türk Hava Yolları”nın Bakı nümayəndəliyindən verilən məlumata görə, bilet almış bütün sərnişinlər öz qaydasında ölkələrinə qayıda biləcəklər.

“Yaranmış olan bu narahatlıq səbəbi ilə “Türk Hava Yolları” sərnişinlərdən üzrxahlıq edir”, - deyə məlumatda deyilir. 

ŞƏRH YAZ
0
BAĞLA