"Azdrama"dan əməkdar artistin "torbamı tikdilər" ittihamına CAVAB

18:33
06.03.2018
1770
Mədəniyyət
A
Akademik Milli Dram Teatrının mətbuat katibi Cavid Zeynallı işdən azad olunan İlham Hüseynovun teatrın bədii rəhbər-direktoru Azər Paşa Nemətov haqqında səsləndirdiyi fikirlərə münasibət bildirib.

 C.Zeynallı "Ölkə.Az"a açıqlamasında qeyd edib ki, əməkdar artist İlham Hüseynovun sözləri əsassızdır: 

"Əməkdar artist İlham Hüseynovun Akademik Milli Dram Teatrının bədii rəhbər-direktoru, xalq artisti Azər Paşa Nemətov haqda səsləndirdiyi fikirlər tamamilə əsassızdır, həqiqətə uyğun deyil. İlham Hüseynov deyir ki, teatrın rəhbəri mənə qarşı pis münasibətdədir. Azər Paşa Nemətov Akademik Milli Dram Teatrına rəhbər təyin ediləndə bütün kollektiv qarşısında çıxış etdi və bildirdi ki, bu teatrın bütün əməkdaşları mənim üçün əzizdir, hər birinə hörmət və ehtiram hissim var. Məhz bu münasibət nəticəsində bu gün bizim teatrda yaradıcı əhval ruhiyyə ən yüksək səviyyədədir. Rəhbərlik və kollektiv arasında qarşılıqlı inam və hörmət var, yeni səhnə əsərlərinin məşqləri uğurla davam edir. Son illərdə Akademik Milli Dram Teatrında hazırlanan tamaşalara olan müsbət reaksiyalar bunu bir daha sübut edir. İlham Hüseynovun işdən azad olunmasının səbəbi ilə bağlı rəsmi açıqlama və əsaslandırma olub, bunu təkrar etməyə lüzum görmürük. Biz İlham Hüseynova bundan sonrakı bütün fəaliyyətində uğurlar arzu edirik. Aktyorla əməkdaşlıq müqaviləsinə xitam vermək insani münasibətlərin qırılması demək deyil. Ümid edirik, İlham Hüseynov bundan sonra teatrın rəhbəri və Azərbaycanın görkəmli rejissoru Azər Paşa Nemətova qarşı olan münasibətində bu amili nəzərə alacaq, fikirlərində daha diqqətli, ifadələrində daha korrekt olacaq. İlham Hüseynov bildirib ki, növbəti əməliyyata hazırlaşır. Biz ona Tanrıdan şəfa diləyirik, inanırıq ki, onun səhhəti ilə bağlı olan bütün qayğıları geridə qalacaq, səhnə və kino fəaliyyətini müvəffəqiyyətlə davam etdirəcək".

Qeyd edək ki, İ.Hüseynov işdən çıxarılmasının səbəbkarının direktor Azərpaşa Nemətov olduğunu bildirmişdi və keçmiş rəhbərini ona "torba tikməkdə" ittiham etmişdi.

Ölkə.Az

ŞƏRH YAZ
0

Azərbaycanlı pianoçudan ilk — Amstredam Filarmoniyasında çıxış edib

Azərbaycanlı pianoçudan ilk
23:55
24.04.2018
106
Mədəniyyət
A
Prezident mükafatçısı, beynəlxalq müsabiqələr laureatı azərbaycanlı pianoçu Toğrul Hüseynli 28-ci Beynəlxalq "The İnternational Holland Musik Sessions" Festivalı çərçivəsində konsert proqramları ilə çıxış edir.

"Ölkə.Az"ın məlumatına görə, T. Hüseynli APA-ya açıqlamasında bildirib ki, aprelin 15-dən başlayan və aprelin 25-dək davam edəcək məşhur "The İnternational Holland Musik Sessions" Festivalı müxtəlif ölkələrdə keçirilir.

Bu festivalda fortepiano, skripka və violonçel ifaçıları iştirak edirlər. T. Hüseynli artıq festival çərçivəsində Hollandiyanın Teksel, Eqmond və Amstredam şəhərlərində, o cümlədən bu gün Bratislavada Slovakiya Dövlət Filarmoniyasında konsert proqramları ilə çıxış edib. Pianoçumuz Robert Şuman, İohann Sebastyan Bax və digər məşhur müəlliflərin əsərlərini ifa edib və bu, musiqisevərlər tərəfindən yüksək qiymətləndirilib. T. Hüseynli dünyada məşhur musiqiçilərin çıxış etdiyi Amstredam Filarmoniyasının səhnəsində çıxış edən ilk azərbaycanlı olub.

Ölkə.Az

ŞƏRH YAZ
0

Ramiz Novruz: "Azərbaycanda "Azdrama"dan o yana teatr yoxdur"

Ramiz Novruz:
12:32
23.04.2018
324
Mədəniyyət
A
Xalq artisti Ramiz Novruz teatrdaxili qalmaqallardan uzaq olduğunu bildirib.

 "Ölkə.Az"ın məlumatına görə, Nərgiz Cəlilovanın aparıcısı olduğu "Sevilənlər" verilişində qonaq olan aktyor bildirib ki, enerjisini daha çox yaradıcılığa sərf etmək istəyir:

"Hər zaman "Azdrama"nın aktyoru olmağı arzulamışam. Çünki Azərbaycanda bundan o yana tetr yoxdur. Heç vaxt aktyorların hansısa rəhbərlə bağlı narazılıqlarına, harasa məktub yazmaqlarına qoşulmamışam. Sadəcə, başımı aşağı salıb işimi görmüşəm. Uşaqlara deyirəm ki, məsələn, sizin rəhbərdən narazı olduğunuz iki ildə mən "Nadir şah"ı oynamışam. Bəs siz gələcəkdə bu iki ildə nə oynadığınızı deyəcəksiniz".

Sənətkar bəzən yararsız pyeslərdə də rol aldığını etiraf edib:

"Teatrın istehsalat yönümü də var. Ancaq bəzən kamil dramaturgiyası olmayan tamaşalarda oynayıram, işimi görürəm. Gəlib tamaşaçıya baş əyəndə ürəyimdə deyirəm ki, bağışlayın, belə bir zay şeyi sizin üçün oynadıq. İndi yaşımın elə dövrüdür ki, rejissorlar məni elə rollara dəvət etmirlər. Elə olanda pyesi, tamaşanı yox, aktyor heç olmasa öz obrazını xilas etməlidir".

İntiqam VALEHOĞLU 
Ölkə.Az

ŞƏRH YAZ
0
BAĞLA