"Azdrama" mövsümə “Qarabağnamə” ilə yekun vurdu — FOTO

10:46
18.07.2016
1593
Mədəniyyət
A

Azərbaycan Dövlət Akademik Milli Dram Teatrında mövsümə “Qarabağnamə” tamaşası ilə yekun vurulub.

Teatrın mətbuat xidmətindən Ölkə.az-a verilən məlumata görə, yekunla bağlı təşkil olunan tədbirdə çıxış edən teatrın bədii rəhbəri və direktoru, xalq artisti Azər Paşa Nemət bildirib ki, yola salınan mövsüm Akademik Milli Dram Teatrı üçün səmərəli olub: “Ənənəvi olaraq teatr mövsümünün həm bağlanış, həm də açılış mərasimini “Qarabağnamə” tamaşası ilə edirik. Akademik Milli Dram teatrında bu tamaşa artıq neçə illərdir ki, oynanılır. “Qarabağnamə”ni inşallah Şuşada oynayacağıq. Yola saldığımız mövsümdə uğurlarımızla yanaşı itkilərimiz də oldu. Xalq artisti İlham Əsgərovu itirdik. Allah etsin ki, itkilərimiz gec-gec olsun, yeni-yeni tamaşalar təhvil verək, tamaşaçılarımızı sevindirək”.

Xalq artisti Nurəddin Mehdixanlı yola salınan mövsümdə Akademik Milli Dram Teatrında bir neçə uğurlu tamaşanın təhvil verildiyini diqqətə çatdırıb: “Teatr xalqın sərvətidir, teatr mədəniyyət ocağıdır. Akademik Milli Dram Teatrında bu mövsümdə “Ölülər”, “Müfəttiş” və başqa tamaşalar təhvil verildi. Biz ciddi tamaşalarla ciddi imtahanlar veririk. İnşallah itk ilərimiz az olsun, yeni səhnə əsərləri ilə tamaşaçılarımızı hər zaman sevindirək”.

Xalq yazıçısı İlyas Əfəndiyevin “Hökmdar və qızı” əsəri əsasında hazırlanan tamaşanın quruluşçu rejissoru xalq artisti Mərahim Fərzəlibəyov, quruluşçu rəssamı İsmayıl Məmmədovdur.

Rolları xalq artistləri Firəngiz Mütəllimova, Rafiq Əzimov, Səidə Quliyeva, Hacı İsmayılov, Ramiz Məlik, Ramiz Novruz, əməkdar artistlər Kazım Abdullayev, Elxan Quliyev, Əjdər Həmidov, Əli Nurzadə, Sabir Məmmədov, Kazım Həsənquliyev, Aslan Şirin, Mirzə Ağabəyli, Pərviz Bağırov, Elşən Cəbrayılov, aktyorlar Əminə Babayeva, Şəhla Əliqızı, Nigar Güləhmədova, Rövşən Kərimduxt, Anar Heybətov, Rəşad Bəxtiyarov, Elnar Qarayev, Ləman İmanova, Elnur Qədirov, Rada Nəsibova, Günel İmanova ifa edirlər.

Tamaşanın musiqi tərtibatçısı Həmid Kazımzadə, geyim rəssamı Aygün Mahmudova, işıq üzrə rəssamı Rafael Həsənovdur.

Tamaşa XVIII əsrdə Qarabağ xanlığının mərkəzi olan Şuşada baş vermiş tarixi hadisələrdən və Qarabağ hökmdarı İbrahim xanın ictimai-siyasi, ailə-məişət həyatından bəhs edir.

O dövrdə xanlıqlara bölünmüş Azərbaycana yiyələnmək istəyən Rusiya və İranla siyasi əlaqələri və dostluq münasibətlərini bərqərar etməyə çalışan İbrahim xan erməni fitnəkarlığının qurbanı olur.

Ölkə.az

ŞƏRH YAZ
0

Səkinə İsmayılova çimərlikdən FOTO PAYLAŞDI

Səkinə İsmayılova çimərlikdən FOTO PAYLAŞDI
13:55
17.06.2019
4920
Mədəniyyət
A
Xalq artisti, xanəndə Səkinə İsmayılovanın yeni fotosu yayılıb.

“Ölkə.Az” xəbər verir ki, ifaçı çimərlikdə çəkdirdiyi fotonu İnstaqram səhifəsindən paylaşıb.

O, fotonu belə şərh edib:

“Günəşin şəfəqləri hüsnünüzü bəzəsin, sevənlərim”.

Sözügedən fotonu təqdim edirik:


Vüsalə Balayeva 

 

ŞƏRH YAZ
0

Azərbaycanlı professor yıxıldı, beyninə qan sızdı — Vəziyyəti ağırdır

Azərbaycanlı professor yıxıldı, beyninə qan sızdı
11:38
14.06.2019
4976
Mədəniyyət
A
Görkəmli professor, filologiya elmləri doktoru Nizaməddin Şəmsizadə xəstəxanaya yerləşdirilib.

Professerun qızı Ayfər Nizaməddinqızı “Ölkə.Az”a bildirib ki, atası evdə əlil arabasından yıxılaraq başından çox ciddi zədə alıb. Bunun nəticəsində beyninə qan sızan pofessor Sumqayıt təcili tibbi yardım xəstəxanasının reanimasiya şöbəsinə yerləşdirilib. Ağır xəsarət nəticəsində danışıq qabiliyyətini və yaddaşını itirən Şəmsizadə 3 gündən sonra  1 saylı Şəhər Kliniki Xəstəxanasına (Semaşko) yerləşdirilib.

Bir müddət sonra professorun nitqi düzəlib, yaddaşı normallaşıb. Hazırda onun vəziyyəti qənaətbəxş olsa da, hələ də ağır olaraq qalır.

Qeyd edək ki, şəkər xəstəliyindən əziyyət çəkən Nizaməddin Şəmsizadənin keçən il sol ayağı buddan amputasiya edilmişdi.

Vüsalə Balayeva

 

ŞƏRH YAZ
0
BAĞLA