Azər Xudiyev məsələdən narahatdır — Ukrayna səfirimiz oğurlanan yüklərlə bağlı məlumat yaydı

Azər Xudiyev məsələdən narahatdır
13:18
21.04.2017
201
Ölkə
A

Ukraynanın Milli Polisi Azərbaycan şirkətlərinə məxsus yüklərin oğurlanması faktını ciddi nəzarətə götürüb.

Son dövrlər Ukraynada içərisində Azərbaycan şirkətlərinə məxsus yüklərin olduğu  maşınların  oğurlanması faktını ciddi nəzarət altına götürən Azərbaycanın Ukraynadakı səfirliyi, bu ölkənin aidiyyəti qurumlarına   yazılı müraciət edərək,baş vermiş cinayət hadisəsinin araşdırılmasını tələb edib.

“Ölkə.Az” xəbər verir ki, bununla bağlı Ukraynanın hüquq mühafizə orqanlarının rəhbər şəxsləri ilə telefon əlaqəsi saxlayan səfir Azər Xudiyev, onlara Azərbaycan tərəfinin narahatlığını çatdırıb. Müraciətə ciddi reaksiya verən Ukrayna Milli Polisinin cinayət axtariş departamentinin rəhbəri, polis polkovnik leytenantı Roman Kravçenko  Azərbaycan səfirliyinə gələrək  baş vermiş cinayət hadisəsini Azərbaycan Daxili İşlər Nazirliyinin Ukraynadakı nümayəndəsi, polis polkovniki Şahin Qocayevlə müzakirə edib. Görüş zamanı içərisində Azərbaycanın "Araz Supermarket MMC", "Azərsun Holdinq", "Veysəloğlu" və digər şirkətlərinə məxsus yüklərin olduğu maşınların qeyri müəyyən istiqamətə gedərək  ünvanına çatdırılmaması faktı  müzakirə edilirək bununla bağlı təxirəsalınmaz tədbirlərin görülməsinin zəruriliyi vurğulanıb. Roman Kravçenko son dövrlər internetdə yüklərin ucuz daşınmasını təklif edən fırıldaqçı qruplar tərəfindən bir neçə  belə hadisənin qeydə alındığını nəzərə çatdıraraq, bununla bağlı ciddi araşdırmaların aparıldığını qeyd edib. O, tezliklə dələduzların aşkarlanacağını və Azərbaycan şirkətlərinə məxsus yüklərin tapılaraq  özlərinə qaytarılması üçün ciddi tədbirlərin görüldüyünü   bildirib.

Azərbaycanın Ukrayndakı səfirliyi Ukrayna ilə işləyən Azərbaycan şirkətlərinin rəhbərlərini, son dövrlər internet üzərindən xaricə daşınan malları ucuz qiymətə təklif edən saxta və  fırıldaqçı firmaların şirnikləndirici təkliflərinə uymamağa çağırır və onları ciddi logistika xidməti ilə məşğul olan şirkətlərlə çalışmalarını tövsiyə edir. 

ŞƏRH YAZ
0

Gədəbəydə güclü dolu və yağış — Heyvanlar tələf oldu

Gədəbəydə güclü dolu və yağış
01:01
Bu gün
4641
Ölkə
A
Gədəbəy rayonuna yağan güclü leysan yağışları təsərrüfata ziyan vurub.

"Ölkə.Az"ın "Report"a istinadən məlumatına görə, leysan yağışları və dolu nəticəsində rayonun Mormor, Arabaçı, Çay Rəsullu və daha bir neçə kənd ərazisində təsərrüfata ziyan dəyib.

Bəzi kəndlərdə yolları sel suları dağıdıb. Kəndlərə düşən dolu nəticəsində meyvə ağaclarına və bəzi evlərin dam örtüyünə də zərər dəyib. Rayonun Xarxar kəndindəki dağlıq ərazidəki otlaq sahəyə düşən ildırım nəticəsində 10-dan çox xırda buynuzlu heyvan tələf olub.

Qeyd edək ki, leysan yağışlar əsasən Şınıq bölgəsində intensiv olub və sakinlərin bildirdiyinə görə, bölgədə bir neçə kiçik körpüləri sel dağıdıb.

Baş vermiş təbiiət hadisəsinin vurduğu ziyanın hesablanması və yaratdığı problemlərin həlli istiqamətində işlər aparılır.

Ölkə.Az

ŞƏRH YAZ
0

Nazir şadlıq evlərinə xəbərdarlıq etdi: Cərimələr çox olacaq

Nazir şadlıq evlərinə xəbərdarlıq etdi: Cərimələr çox olacaq
23:06
22.05.2018
8897
Ölkə
A
Paytaxtın Nizami, Xətai, Binəqədi rayonlarında yerləşən şadlıq saraylarına xəbərdarlıq edilib. Ekologiya və Təbii Sərvətlər Nazirliyi tərəfindən aparılan monitorinqlər zamanı həmin restoran və şadlıq evlərinin atmosferi kanserogen maddələrlə çirkləndirdiyi müəyyən edilib.

"Ölkə.Az"ın xəbərinə görə, ekologiya və təbii sərvətlər naziri Muxtar Babayev Real TV-ə müsahibəsində bildirib ki, bu restoranların ərazisindən qalxan tüstü saat 8-dən sonra ərazinin atmosferini bürüməklə yanaşı çirklənməyə də səbəb olur.

Bunula bağlı həmin iaşə obyektlərinə xəbərdarlıq olunub ki, filtr və müasir havalandırma sistemlərindən istifadə etsinlər.

Xəbərdalıqdan nəticə çıxarmayanlar cərimə olunacaq. Özü də bu cərimələrin məbləği nəzərəçarpacaq dərəcədə çox olacaq.

Bunlarla yanaşı Xəzər sahilində yerləşib çirkab sularını dənizə axıdan iaşə obyektləri sahibləri qarşısında da təmizləyici qurğulardan istifadə etmələri ilə bağlı tələb qoyulub. Tələbləri yerinə yetirməyənlər isə cərimə olunacaqlar.

Nazirlik təkcə havanı, dənizi çirkləndirənləri deyil, ağackəsənlərə qarşı da sərt addımlar atmaq niyyətindədir. Bu addımlardan ilki cərimə məbləğlərinin artırılması olacaq. Nazir bu günlərdə səfərdə olduğu Naxçıvanın təcrübəsindən də danışıb. 

“Naxçıvanda insanlar təbiəti qoruyurlar, təbiətə hər kəs diqqətlə yanaşır. Bakıda da bunu tətbiq etmək lazımdır. Marifəndirmə ilə yanaşı cərimələr artırılmalıdır. Bilməlidirlər ki, ciddi cəza və cərimələr tətbiq olunacaq”, - deyə nazir qeyd edib.

Ölkə.Az

ŞƏRH YAZ
0
BAĞLA