Azərbaycan 78 ölkə arasında 15-ci yerdədir

Azərbaycan 78 ölkə arasında 15-ci yerdədir
19:31
17.07.2017
10
Ölkə
A
49-cu Beynəlxalq Kimya Olimpiadasında ölkəmizi təmsil edən şagirdlərin qazandıqları uğura görə Azərbaycan 78 ölkə arasında 15-ci yerdə qərarlaşıb.

"Ölkə.Az"-ın Təhsil Nazirliyinə istinadən verdiyi məlumata görə, bununla da, Azərbaycan bu uğurla Böyük Britaniya, İtaliya, Almaniya, Kanada, Finlandiya, Estoniya və İsrail kimi inkişaf etmiş ölkələri geridə qoyub.

Qeyd edək ki, Akademik Zərifə Əliyeva adına liseyin eksperimental pilot siniflərinin 10-cu sinif şagirdi Ramil Babazadə 78 ölkənin məktəblilərinin iştirakı ilə keçirilən olimpiadada qızıl medal qazanıb. Bu mötəbər elm yarışında Bakı şəhəri 160 nömrəli Klassik Gimnaziyanın 10-cu sinif şagirdi Nəriman Mirişov gümüş, Lənkəran şəhəri 4 nömrəli Humanitar təmayüllü məktəb-liseyin eksperimental pilot siniflərinin 10-cu sinif şagirdi Turan Məmmədli bürünc medala layiq görülüblər.

Təhsil Nazirliyinin beynəlxalq olimpiadalara hazırlıq prosesinin təkmilləşdirilməsi və diqqət mərkəzində saxlanması şagirdlərin müvəffəqiyyətli çıxışlarına səbəb olub. Nazirlik tərəfindən yaradılmış Beynəlxalq olimpiadalara hazırlıq mərkəzlərində şəffaf və obyektiv seçimlər nəticəsində 200-ə yaxın şagird il ərzində olimpiadalara hazırlıq prosesinə cəlb edilib.

ŞƏRH YAZ
0

Zakir Həsənov yeni obyektin açılışında — FOTO

Zakir Həsənov yeni obyektin açılışında
16:12
Bu gün
18
Ölkə
A
Müdafiə naziri general-polkovnik Zakir Həsənov və nazirliyin digər rəhbər heyəti Hərbi Hava Qüvvələrinin (HHQ) hava hücumundan müdafiə bölməsinin yeni yaşayış kompleksinin açılışında iştirak edərək hərbi qulluqçular üçün yaradılmış şəraitlə tanış olub.

Bu barədə "Ölkə.Az"a Müdafiə Nazirliyindən məlumat verilib. Müdafiə Nazirliyinin rəhbərliyi bölmənin əsgər yataqxanasına, yeməkxanaya, tibb məntəqəsinə, sıra meydanına, idman şəhərciyinə, eləcə də digər xidməti və inzibati otaqlara baxış keçirib.

Sonra Müdafiə naziri döyüş növbətçiliyində dayanan çoxməqsədli radiolokasiya stansiyaları, atıcı qurğular və digər döyüş vasitələrinin təyinatı, eləcə də taktiki-texniki xassələri ilə maraqlanıb.

Müdafiə nazirinə məruzə edilib ki, bölmənin sərəncamında olan müasir silah və döyüş texnikası bütün növ hava hədəflərinin aşkarlanması, uçuş parametrlərinin təyin edilməsi və müxtəlif maneələr şəraitində məhv edilməsi imkanına malikdir.

Hava məkanının qorunması üzrə tapşırıqları yerinə yetirən bölmənin şəxsi heyətinin peşəkarlıq səviyyəsini və döyüş hazırlığını yüksək qiymətləndirən Müdafiə naziri HHQ-nin komandanlığına müvafiq tapşırıqlar verib.

ŞƏRH YAZ
0

Lökbatanda zavodda baş vermiş partlayışla bağlı — Zavod rəhbərindən vacib açıqlamalar

Lökbatanda zavodda baş vermiş partlayışla bağlı
15:23
Bu gün
829
Ölkə
A
Noyabrın 20-də Bakı şəhəri, Qaradağ rayonu, Lökbatan qəsəbəsi ərazisində yerləşən “Elit Yatırım” LTD şirkətinə məxsus “Metal tədarükü, satışı və emalı” zavodunun ərazisində mənşəyi məlum olmayan qurğunun partlaması nəticəsində 1964-cü il təvəllüdlü Məmmədov Bəhmən Heydər oğlu hadisə yerində ölüb.

Baş vermiş hadisədən sonra “Elit Yatırım” LTD şirkəti və hadisə ilə müxtəlif fikirlər səsləndirildi.

Bütün bunlara aydınlıq gətirmək üçün “Elit Yatırım” LTD şirkətinin rəhbəri Ramazan Mehmet Dörtokla əlaqə saxladıq və o, "Ölkə.Az"ın suallarını cavablandırıb:

"5 gündür xəbərlər çıxır ki, zavod dağılıb. Ancaq bu xəbərlər küllüyən yalandır. Hazırda zavod bağlanıb, prokrorluq işçiləri əraziyə heç kimi buraxmır. Əgər icazə versələr sizi əraziyə aparıb, nəyin harada olduğunu göstərə bilərəm. Partlayış baş verəndən sonra zavoda gələndə polislər məni tanımadığı üçün əraziyə buraxmırdılar. Bizim gizləyəcəyimiz heç bir şey yoxdur".

Zavod sahibinin sözlərinə görə, partlayış zamanı həlak olan Bəhmən Məmmədov 2 aya yaxın imiş ki, zavoda mal gətirirmiş və hadisə gətirdiyi mallara baxarkən olub:

"Bəhmən Məmmədov gətirdiyi mallara baxıb, içərisində daha bahalı metalların olub, olmadığını yoxlayırmış. Malları yoxlayan zaman əlindəki alışkanı yandırıb və bu zaman partlayış olub. Hadisə zavodun içərisində yox, zavodun ərazisində Bəhmən Məmmədovun maşının yanında baş verib. Ölən şəxsin hətta maşınının şüşələri də sınmayıb. Həmin maşın hələ də zavodun həyətindədir.

Səhlənkarlıq həm bir adamı canından etdi, həm də 4-5 gündür ki, zavod bağlı qalıb. Zavodun işləmədiyini deməyimi kimsə səhv anlamasın, ölən adama görə çox pis üzüldük. Bir insan canından oldu, biz də zavod olaraq fəaliyyətimizi dayandırdıq".

Zavodda silah istehsal edildiyi iddiasına gəldikdə isə, Ramazan Mehmet Dörtok bildirdi ki, bizim zavod metal tədarükü, satışı və emalı ilə məşğul olur:

"Deyirlər, silah istehsal edib PKK-ya verirmişik. Ayıbdır. Metal emalı nə zamandan silah istehaslı kimi qiymətləndirilir? Polis, Fövqəladə Hallar Nazirliyinin əməkdaşları zavodda oldular, araşdırma apardılar, hələ də araşdırma davam edir. Partlayışla bağlı da FHN akt tərtib".

Fövqəladə Hallar Nazirliyinin partlayışla bağlı tərtib etdiyi aktı sizə təqdim edirik:

Səxavət Məmməd
Ölkə.Az

ŞƏRH YAZ
0
BAĞLA