KORONAVİRUSA YOLUXANLARIN SAYI - CANLI STATİSTİKA

Azərbaycan 95 ölkəyə məhsul ixrac edib

Azərbaycan 95 ölkəyə məhsul ixrac edib
20:00
15.05.2019
1175
Ölkə
A
2019-cu ilin yanvar-mart aylarında Azərbaycan Respublikasının hüquqi və fiziki şəxsləri dünyanın 155 ölkəsindəki tərəfdaşları ilə ticarət əməliyyatları həyata keçirib, 95 ölkəyə məhsul ixrac olunub, 145 ölkədən idxal olunub.

Dövlət Statistika Komitəsindən "Ölkə.Az"a verilən məlumata görə, gömrük orqanlarında qeydiyyatı aparılıb, lakin gömrük rəsmiləşdirilməsi tam başa çatdırılmamış ixrac olunan xam neft və təbii qazın statistik qiymətləndirilmiş dəyəri nəzərə alınmaqla 2019-cu ilin yanvar-mart aylarında ölkənin xarici ticarət dövriyyəsi 7979,0 milyon ABŞ dolları, o cümlədən ixracın dəyəri 4843,4 milyon dollar, idxalın dəyəri 3135,6 milyon dollar təşkil edib, nəticədə 1707,8 milyon dollarlıq müsbət ticarət saldosu yaranıb. 

2018-ci ilin yanvar-mart ayları ilə müqayisədə xarici ticarət dövriyyəsi faktiki qiymətlərlə 15,7 faiz, o cümlədən idxal 43,1 faiz, ixrac 3,0 faiz artıb. Real ifadədə dövriyyə 6,4 faiz, o cümlədən idxal 13,7 faiz, ixrac 3,0 faiz artıb. 

Dövlət Gömrük Komitəsinin məlumatlarına əsasən ixracın 31,2 faizini İtaliyaya, 11,3 faizini Türkiyəyə, 6,4 faizini Almaniyaya, 6,1 faizini Çinə, 5,8 faizini İspaniyaya, 5,6 faizini Hindistana, 4,7 faizini İsrailə, 3,5 faizini Gürcüstana, 3,3 faizini Çexiyaya, 3,2 faizini Portuqaliyaya, 2,8 faizini Rusiyaya, 2,6 faizini Avstriyaya, 2,0 faizini Yunanıstana və qalan 11,5 faizini isə digər ölkələrə göndərilmiş məhsulların dəyəri təşkil edib. 

Ölkəmizə idxal olunan məhsulların ümumi dəyərinin 14,0 faizi Rusiya, 13,1 faizi İsveçrə, 9,8 faizi Türkiyə, 8,7 faizi Çin, 7,0 faizi İran, 4,0 faizi Kanada, hər biri 3,9 faiz olmaqla Almaniya və Avstraliya, 3,6 faizi ABŞ, 3,1 faizi Ukrayna, 2,6 faizi İtaliya, hər biri 2,0 faiz olmaqla Belarus və Qazaxıstan, 22,3 faizi isə digər ölkələr ilə aparılmış idxal əməliyyatlarının payına düşüb. 

Ölkə.Az

ŞƏRH YAZ
0

TƏBİB koronavirusla bağlı son statistikanı AÇIQLADI

TƏBİB  koronavirusla bağlı son statistikanı AÇIQLADI
22:55
Bu gün
40
Ölkə
A
Son sutka ərzində Azərbaycanda koronavirusla bağlı 4006 test edilib.

Bu barədə Tibbi Ərazi Bölmələrini İdarəetmə Birliyi (TƏBİB) məlumat yayıb. 

Məlumata görə, bununla da ümumilikdə ölkədə koronavirusla bağlı keçirilən test sayı 284 669-a çatıb. 

Qeyd edək ki, bu gün Azərbaycanda 191 nəfərdə koronavirus aşkarlanıb, 2 nəfər vəfat edib. 

Hazırda 1681 aktiv koronavirus xəstəsinin 79-u reanimasiyadadır, 20 nəfər süni tənəffüs aparatına qoşulub.

Ölkə.Az

ŞƏRH YAZ
0

Türkiyə mətbuatı Azərbaycanın Respublika Gününə həsr olunmuş süjet hazırlayıb — VİDEO

Türkiyə mətbuatı Azərbaycanın Respublika Gününə həsr olunmuş süjet hazırlayıb
22:39
Bu gün
386
Ölkə
A
Bu gün Azərbaycanda Respublika Günü qeyd olunur.

"Ölkə.Az" oxu.az-a istinadən xəbər verir ki, bu münasibətlə həm yerli, həm də xarici media ölkəmizin şanlı tarixinə həsr olunmuş süjetlər, reportajlar hazırlayıblar. 

Qardaş Türkiyənin "HaberGlobal" telekanalı da istisna deyil. Telekanalın Cümhuriyyətin 102 illiyinə həsr olunmuş süjetində Azərbaycan xalqının müsəlman Şərqində ilk demokratik respublika yaratdığı qeyd edilib.

Sözügedən süjeti təqdim edirik. 

ŞƏRH YAZ
0
BAĞLA