“Azərbaycan ABŞ üçün mühüm ölkədir” — Robert Sekuta

“Azərbaycan ABŞ üçün mühüm ölkədir”
11:11
16.10.2017
635
Siyasət
A
“Cənub Qaz Dəhlizi layihəsi dünya səviyyəsində mühüm layihələrdən biridir”.

"Ölkə.Az"ın APA-ya istinadən məlumatına görə, bu sözləri ABŞ-ın Azərbaycandakı səfiri Robert Sekuta ABŞ-Azərbaycan biznes forumunda çıxışı zamanı deyib.
 
Səfir bildirib ki, layihənin ümumi dəyəri 40 milyard dollar civarında qiymətləndirilir: “Biz əlaqələrimizdə daha geniş iqtisadi münasibətlər görürük. Ümid edirəm ki, bu görüş Azərbaycan iqtisadiyyatına mühüm töhfə verəcək. Azərbaycan ABŞ üçün mühüm ölkədir. Rusiya və İranla sərhəd ölkə olması onu nəqliyyat sahəsində mühüm ölkəyə çevrilir. Biz əlaqələrimizdə neft-kimya sahəsinin də inkişafına təkan vermək istəyirik. Ümid edirəm ki, bu görüşdə biznes nümayəndələri əməkdaşlığımızı necə inkişaf etdirmək və Azərbaycan iqtisadiyyatının çiçəklənməsinə necə kömək edə biləcəklərinin yollarını tapacaqlar”.

ŞƏRH YAZ
0

Prezident Heydər Əliyevin məzarını ziyarət etdi

Prezident Heydər Əliyevin məzarını ziyarət etdi
10:02
Bu gün
568
Siyasət
A
Prezident İlham Əliyev və ailə üzvləri Fəxri xiyabana gələrək xalqımızın ümummilli lideri Heydər Əliyevin məzarını ziyarət ediblər.

"Ölkə.Az" xəbər verir ki, ölkə başçısı Ulu Öndərin məzarı önünə əklil qoyub. Azərbaycanın dövlət himni səslənib. 

Prezident və ailə üzvləri Ulu Öndərin ömür-gün yoldaşı, görkəmli oftalmoloq-alim, akademik Zərifə xanım Əliyevanın da məzarı üzərinə gül dəstələri qoyublar. 

Anım mərasimində dövlət və hökumət rəsmiləri, Milli Məclisin deputatları, ictimaiyyət nümayəndələri iştirak edirlər.

Qeyd edək ki, bu gün Azərbaycanın ümummilli lideri, görkəmli dövlət xadimi, dünya şöhrətli siyasətçi Heydər Əliyevin vəfatından 15 il keçir.

Ölkə.Az

ŞƏRH YAZ
0

"Heydər Əliyevin xatirəsi bəşəriyyət və Azərbaycan durduqca yaşayacaq" — Yuli Qusman

09:13
Bu gün
846
Siyasət
A
Heydər Əliyev nəinki Azərbaycan və Azərbaycan xalqının, Rusiya, SSRİ və bütün dünya tarixində, həmçinin Heydər Əliyevin vətənimizi - Azərbaycanı bərpa edərək yeni respublika qurduğu zamanda yaşayan və işləyən, oxuyan və yaradan hər bir kəsin həyatında çox böyük rol oynayıb.

"Ölkə.Az" xəbər verir ki, bu barədə Trend-ə rusiyalı teatr və kino rejissoru, televiziya aparıcısı, aktyor, ictimai və siyasi xadim, bakılı Yuli Qusman deyib.

Onun sözlərinə görə, Heydər Əliyevin xatirəsi bəşəriyyət və Azərbaycan durduqca yaşayacaq: 
“Heydər Əliyevdə heyrətamiz ciddilik və xeyirxahlıq, mənəvi gözəllik və dəyanət, düşmənlərə və cinayətlərə qarşı dözümsüzlük, son dərəcə işıqlı zəka və geniş bilik birləşirdi. Heydər Əliyev onu əhatə edən insanlara son dərəcə dərin təsir bağışlayırdı”.

Bakıya son səfəri zamanı "böyük memarın heyranlıq doğuran şah əsəri" - Heydər Əliyev Mərkəzində olduğunu bildirən Y.Qusman qeyd edib ki, bu şah əsəri dahi Heydər Əliyevin xatirəsinə layiqdir:

“Bakı həmişə məni özünə çəkir. Bakı cəzbedici gücə malikdir. Hətta mən Bakıda olmadığım yarım il ərzində inanılmaz dərəcədə dəyişikliklər baş verib. Bakı limanı çox dəyişib, həmçinin Ağ şəhər! Və hər yer belədir. Əgər dünən harasa boş ərazi idisə, bu gün artıq ora park və ya gül-çiçəklikdir. Bütün Azərbaycan çiçəkləri Heydər Əliyev tərəfindən əkilən bu cür gülüstana çevrilib”.

O xüsusilə vurğulayıb ki, Azərbaycan Prezidenti İlham Əliyev – böyük Heydər Əliyevin oğlu - respublikada görülən işlərlə fəxr edə bilər:

“Ölkə və şəhər tamamilə valehedicidir. 1981-ci ildə "Qorxma, mən səninləyəm!" filminin çəkilişləri zamanı mən bütün Azərbaycanı gəzmişəm və ən uzaq nöqtədə - Gürcüstanla sərhəddə işləmişəm. 32 ildən sonra mən yenidən bütün ölkədən keçdim, həmin nöqtədə işlədim və yeni yollar, evlər, hər cür rahatlıq, bir sözlə, müasir azərbaycanlıların həyatının dəyişdiyini gördüm. Heydər Əliyev öz oğlu, onun nailiyyətləri və Birinci vitse-prezident Mehriban Əliyevanın xidmətləri ilə fəxr edərdi”.

Rusiyalı ictimai xadim deyib ki, hərçənd bugünkü Bakı onun uşaqlıq dövründəki şəhərə oxşamır, lakin bütün bu dəyişikliklərin əsasını dahi Heydər Əliyev qoyub:

“Bu gün biz ölkəni ayağa qaldıranların qoyduğu heyrətamiz təməllər üzərində durmuşuq. Xalq bar verən ağac kimi köksüz mövcud ola bilməz. Azərbaycan bu gün hər mənada zənginliyi, qüdrəti, mədəni ənənələri, idman nailiyyətləri ilə azsaylı unikal ölkələrin sırasına daxildir. Biz bütün bunlara görə bugünkü rəhbərlərə də minnətdar olmalıyıq, lakin hər zaman anlayacağıq ki, bu xeyirli təməl Heydər Əliyev tərəfindən qoyulub və buna görə də bizim xalqımız həmişə onu xatırlayacaq, ehtiram edəcək və sevəcək”.

Ölkə.Az

ŞƏRH YAZ
0
BAĞLA