Azərbaycan Aİ-95 benzin istehsal edəcək

Azərbaycan Aİ-95 benzin istehsal edəcək
22:16
12.10.2017
152
İqtisadiyyat
A
Azərbaycan hazırda xaricdən aldığı 95 markalı benzini artıq özü istehsal edəcək. Bunun üçün Heydər Əliyev adına neft emalı zavodunda yenidənqurma işləri gedir. 2020-ci ildə artıq Azərbaycandakı avtomobil sahibləri maşınlarına yerli 95 markalı benzin tökərək sürə biləcəklər.

Hazırda xaricdən ixrac edilən 95 markalı benzini Azərbaycan özü istehsal edəcək.Bundan başqa Azərbaycanda istehsal olunan digər yanacaq növlərinin keyfiyyəti də dəfələrlə artacaq. Bu Heydər Əliyev adına Neft Emalı Zavodunda həyata keçirilən yenidənqurma işləri sayəsində mümkün olacaq.

Milli.Az xezerxeber.az-a istinadən bildirir ki, zavodun modernizasiya və yenidənqurma üzrə direktor müavini Rasim İbrahimov bildirir ki, artıq yenidənqurma üçün fit layihə hazırdır və yaxında tender keçirilərək tikinti işlərinə başlanacaq.

Smeta dəyəri 1 milyard 500 milyon dollar olan modernizasiya işləri neft emalı sahəsində dünyanın aparıcı şirkətləri ilə birgə həyata keçirilir. Bu isə o deməkdir ki, əldə olunan məhsullar da ən yüksək keyfiyyətdə olacaq, eləcə də zavodun istehsal həcmi artırılacaq.
Yeni qurğuların quraşdırılacağı ərazilərdə isə hazırlıq işləri demək olar ki artıq yekunlaşmaq üzrədir.

Onu da qeyd edək ki, Azərbaycanda istehsal olunan 92 markalı benzin hazırda avro-3 standartlarına uyğundur və 95 markalı benzin isə xaricdən idxal olunur. Dövlət başçısının qarşıya qoyduğu hədəflərdən biri də məhz yanacağın keyfiyyətinin yüksəldilməsi və 95 markalı benzinin Azərbaycanda istehsalının təmin edilməsi ilə bağlıdır. Yüksək keyfiyyətli yanacaqdan isə Azərbaycanda sürücülər 2020-ci ildən istifadə etməyə başlayacaqlar.

ŞƏRH YAZ
0

Neftin yeni qiyməti

Neftin yeni qiyməti
01:14
Bu gün
21
İqtisadiyyat
A
CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti fevralın 21-də 66,54 dollar/barel təşkil edib ki, bu da çərşənbə axşamına olan göstəricidən 0,24 dollar/barel çoxdur.

"Ölkə.Az" xəbər verir ki, bu barədə Trend-ə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti fevralın 21-də 65,9 dollar/barel təşkil edib ki, bu da əvvəlki qiymətdən 0,22 dollar/barel çoxdur.

Novorossiysk limanından yüklənən URALS neftinin qiyməti fevralın 21-də 61,62 dollar/barel təşkil edib ki, bu da əvvəlki qiymətdən 0,19 dollar/barel çoxdur.

Şimal dənizindən hasil edilən "Brent Dated" etalon növlü neftin qiyməti isə fevralın 21-də 64,76 dollar/barel təşkil edib. Bu, əvvəlki qiymətdən 0,43 dollar/barel çoxdur.

Ölkə.Az

ŞƏRH YAZ
0

İranlı nazir: "Azərbaycan avtomobil sənayesinin inkişafı üçün əlverişli məkandır"

İranlı nazir:
21:41
22.02.2018
154
İqtisadiyyat
A
Azərbaycan avtomobil sənayesinin və ehtiyat hissələri istehsalının inkişafı üçün əlverişli məkandır.

"Ölkə.Az" xəbər verir ki, bunu Trend-ə ölkənin sənaye, mədənlər və ticarət naziri Məhəmməd Şəriətmədari deyib.

Nazir bildirib: “Mən hesab edirəm ki, bu sahələr Azərbaycanda inkişaf edə bilər”.

M.Şəriətmədari həmçinin Azərbaycanda tezliklə avtomobil istehsalı üzrə İran-Azərbaycan birgə müəssisəsinin açılacağına ümidvar olduğunu deyib.

Qeyd edək ki, bu ilin birinci rübündə Neftçala sənaye məhəlləsində İran-Azərbaycan birgə avtomobil zavodunun açılması gözlənilir. Müəssisənin həmtəsisçiləri "Iran Khodro" və "Azeurocar" şirkətləridir.

Bu zavodda "Dena", "Rana", "Soren", "Samand" avtomobil markaları, həmçinin "Peugeot"nun bir sıra modellərinin buraxılışı gözlənilir. Layihə 24 milyon manat dəyərləndirilir, zavodun illik gücü isə təqribən 10 min avtomobil təşkil edəcək. Gələcəkdə bu avtomobillərin Ukrayna, Rusiya və Mərkəzi Asiya ölkələrinə tədarükü planlaşdırılır.

Ölkə.Az

ŞƏRH YAZ
0
BAĞLA