Azərbaycan at əti ixracını kəskin artırıb

Azərbaycan at əti ixracını kəskin artırıb
19:31
07.12.2017
7837
İqtisadiyyat
A
Azərbaycan ətlik at ixracı istiqamətini genişləndirə bilər.

Belə ki, Azərbaycanın ixrac qiymətlərinin cəlbedici olmasını nəzərə alaraq at ətinin ən böyük idxalçısı, eyni zamanda istehsalçılarından olan Çin və Rusiya ölkə üçün potensial ixrac bazarları hesab oluna bilər.

“Ölkə.Az” bu barədə Kənd Təsrrüfatı Nazirliyinin hazırladığı ixrac bazarlarının icmalına istinadən xəbər verir.

Son iki ildə kəsim məqsədi ilə atlar Azərbaycandan yalnız Qazaxıstana ixrac olunub. Bu ölkə hər il, təqribən, 3-4 min ton at və qatır əti idxal edir. Xatırladaq ki, Qazaxıstan həm də, at ətinin istehsal həcminə görə, dünyada ikinci yerdədir.

Azərbaycanın iqtisadi əməkdaşlığının yüksək olduğu digər qonşu dövlətlər və region ölkələrində (xususilə İslam ölkələri) at ətinin istehlakı ilə bağlı olan qadağalar və digər sosial amillər bu ölkələrə ixracı mümkünsüz edir.

2017-ci ilin yanvar-oktyabr aylarında Azərbaycandan 6 316 baş at (ətlik) ixrac olunub ki, bu da 2016-cı ilin göstəricisi ilə müqayisədə 5,5 dəfə çoxdur. Qeyd edək ki, Azərbaycanda at (ətlik istiqamət üzrə) ixracı ilk dəfə olaraq 2016-cı ildə başlanıb. Həmin ildə 1 155 baş at ixrac olunub.

Hesabat dövrünün göstəricilərinə əsasən, Azərbaycandan 1 baş atın (ətlik) orta ixrac satış qiyməti 148 ABŞ dolları olub, ötən il müvafiq göstəricisi isə 141 dollar təşkil edib.

Qeyd edək ki, dünya üzrə hər il, təqribən, 370 mln. dollar dəyərində at əti idxalı həyata keçirilir. Son 5 ilin göstəriciləri qlobal idxalda azalmanın müşahidə olunduğunu göstərir. At əti eyni zamanda Fransa, İtaliya, Belçika və Almaniya kimi ölkələr başda olmaqla, müxtəlif Avropa ölkələrində ən çox istifadə olunan ət növlərindən biri hesab edilir. Regionda ixtisaslaşmış qəssabxanalar və ətlik istiqamətdə yetişdirilən at cinsləri mövcuddur. ABŞ dünyada at ətinin istehlakına ən çox mənfi reaksiyanın olduğu ölkədir. Lakin buna baxmayaraq, hər il orta hesabla 25 min tondan çox at əti istehsal edir.

ŞƏRH YAZ
0

Azərbaycan 2019-cu ildə 25 ixrac missiyası təşkil etməyi planlaşdırır

Azərbaycan 2019-cu ildə 25 ixrac missiyası təşkil etməyi planlaşdırır
23:26
Bu gün
147
İqtisadiyyat
A
2019-cu uldə Azərbaycanda İxracın və İnvestisiyaların Təşviqi Fondunun (AZPROMO) xətti ilə 25 ixrac missiyası planlaşdırılıb.

"Ölkə.Az" trend-ə istinadla bildirir ki, bunu İqtisadiyyat nazirinin müavini Rüfət Məmmədov deyib.

R.Məmmədovun sözlərinə görə, bundan başqa yerli sahibkarların 10 beynəlxalq sərgidə iştirakı nəzərdə tutulur.

Nazir müavini bildirib ki, bu il İsveçrəyə ixrac missiyası təşkil olunub və bu ölkəyə yalnız fındıq ixrac olunur.

O əlavə edib ki, ixrac missiyaları həm Azərbaycan məhsulları üçün ənənəvi bazarlara, həm də perspektiv vəd edən bazarlara təşkil olunacaq.

Öz növbəsində AZPROMO-nun direktoru vəzifələrini icra edən Yusif Abdullayev qeyd edib ki, təkcə gələn ilin fevralında Rusiya, BƏƏ və Almaniyada keçiriləcək iri sərgidə yerli sahibkarların iştirakı nəzərdə tutulub:

“Bizim üçün yeni bazar Cənubi Koreya olacaq. Bu ölkədə biz 2019-cu ilin mayında ərzaq sərgisində iştirak edəcəyik”.

Ölkə.Az

ŞƏRH YAZ
0

Azərbaycan ən çox İtaliyaya satır, Rusiyadan alır

Azərbaycan ən çox İtaliyaya satır, Rusiyadan alır
20:53
Bu gün
636
İqtisadiyyat
A
2018-ci ilin yanvar-sentyabr aylarında Azərbaycanın hüquqi və fiziki şəxsləri dünyanın 176 ölkəsindəki tərəfdaşları ilə ticarət əməliyyatları həyata keçirib, 102 ölkəyə məhsul ixrac edilib, 168 ölkədən idxal olunub.

"Ölkə.Az" trend-ə istinadən xəbər verir ki, gömrük orqanlarında qeydiyyatı aparılmış, lakin gömrük rəsmiləşdirilməsi tam başa çatdırılmamış ixrac olunan xam neft və təbii qazın statistik qiymətləndirilmiş dəyəri nəzərə alınmaqla 2018-ci ilin yanvar-sentyabr aylarında ölkənin xarici ticarət dövriyyəsi 23 159,4 milyon ABŞ dolları, o cümlədən ixracın dəyəri 15 254,2 milyon dollar, idxalın dəyəri 7905,2 milyon dollar təşkil edib, nəticədə 7349,0 milyon dollarlıq müsbət ticarət saldosu yaranıb. 2017-ci ilin yanvar-sentyabr ayları ilə müqayisədə xarici ticarət dövriyyəsi faktiki qiymətlərlə 34,3 faiz, o cümlədən ixrac 37,9 faiz, idxal 28,0 faiz artıb. Real ifadədə dövriyyə 0,2 faiz, o cümlədən idxal 2,3 faiz azalıb, ixrac isə 0,9 faiz artıb.

Dövlət Gömrük Komitəsinin məlumatlarına əsasən ixracın 26,9 faizini İtaliyaya, 8,8 faizini Türkiyəyə, 7,0 faizini İsrailə, 5,2 faizini Hindistana, 4,7 faizini Çexiyaya, 4,4 faizini Almaniyaya, 3,9 faizini Tayvana (Çinin əyaləti), 3,8 faizini İndoneziyaya, 3,6 faizini Kanadaya, 3,3 faizini Portuqaliyaya, 3,1 faizini Rusiyaya, hər biri 2,7 faiz olmaqla Fransa və Gürcüstana, 2,3 faizini İspaniyaya qalan 17,6 faizini isə digər ölkələrə göndərilmiş məhsulların dəyəri təşkil edib.

Ölkəmizə idxal olunmuş məhsulların ümumi dəyərinin 15,8 faizi Rusiya, 14,2 faizi Türkiyə, 10,3 faizi Çin, 6,1 faizi Almaniya, 4,9 faizi ABŞ, 4,0 faizi Ukrayna, 3,3 faizi Yaponiya, hər biri 3,1 faiz olmaqla İran və İtaliya, 2,6 faizi İsveçrə, 2,3 faizi Böyük Britaniya, 2,1 faizi Cənubi Afrika Respublikası, 28,2 faizi isə digər ölkələr ilə aparılmış idxal əməliyyatlarının payına düşüb.

2018-ci ilin yanvar-sentyabr aylarında 1207,4 milyon dollar dəyərində qeyri-neft məhsulları ixrac edilib ki, bu da 2017-ci ilin yanvar-sentyabr aylarına nisbətən faktiki qiymətlərlə 12,9 faiz, real ifadədə isə 3,5 faiz çoxdur.

2018-ci ilin yanvar-sentyabr aylarında 2017-ci ilin eyni dövrü ilə müqayisədə mühüm məhsul növlərindən təzə meyvə ixracı 30,3 faiz, kartof – 15,5 faiz, bitki yağları – 2,1 faiz, təbii üzüm şərabları və üzüm suslosu – 2,1 dəfə, meyvə və tərəvəz konservləri – 10,0 faiz, polietilen – 25,5 faiz, emal olunmamış alüminium – 21,1 faiz, pambıq lifi – 2,3 dəfə, qara metallardan borular – 6,2 faiz, pambıq ipliyi – 26,7 faiz artıb, təzə tərəvəz ixracı isə 6,2 faiz, şəkər – 31,6 faiz, tütün – 21,2 faiz, meyvə və tərəvəz şirələri – 13,9 faiz, çay – 21,5 faiz, marqarin, qida üçün yararlı digər qarışıqlar – 6,4 faiz, qara metallardan yarımfabrikatlar – 66,5 faiz, bentonit gili – 10,4 faiz azalıb.

2017-ci ilin yanvar-sentyabr ayları ilə müqayisədə 2018-ci ilin yanvar-sentyabr aylarında buğda idxalı 11,3 faiz, bitki yağları – 3,4 faiz, təzə meyvə – 51,2 faiz, quş əti və onun əlavə məhsulları – 24,1 faiz, qara metallardan borular – 2,0 dəfə, minik avtomobilləri – 2,5 dəfə, qara metallardan çubuqlar – 27,2 faiz, mineral gübrələr – 50,0 faiz, mebellər – 23,0 faiz, hesablama maşınları, blok və qurğuları – 11,3 faiz, polietilen – 29,2 faiz, məişət kondisionerləri – 35,3 faiz, yük avtomobilləri – 2,2 dəfə, paltaryuyan maşınlar – 18,0 faiz, sement və sement klinkerləri – 58,6 faiz, məişət soyuducuları – 2,0 dəfə artmış, siqaret idxalı isə 2,2 faiz, xam şəkər və şəkər – 35,3 faiz, kərə yağı, digər süd yağları və pastaları – 19,6 faiz, çay – 2,0 faiz, kartof – 17,3 faiz, mal əti – 20,3 faiz, təzə tərəvəz – 46,6 faiz, polad prokatı – 5,9 faiz, rezin şinlər – 1,3 faiz, qara metallardan künclüklər ­– 0,2 faiz, avtobuslar – 20,3 faiz azalıb.

Ölkə.Az

ŞƏRH YAZ
0
BAĞLA