\"Azərbaycan bayrağı dünya sivilizasiyasının ilk bayraqlarından biridir\"
"Ölkə.Az" xəbər verir ki, bu fikirləri AMEA-nın Tarix İnstitutunun direktoru, akademik, Milli Məclisin deputatı Yaqub Mahmudov bildirib.
Y.Mahmudov deyib ki, Azərbaycan bayrağı dünya sivilizasiyasının ilk bayraqlarından biridir:
“Müstəqilliyimizin əsas atributlarından olan həmin üçrəngli bayraq məhz Ümummilli lider Heydər Əliyevin təşəbbüsü ilə Naxçıvan Muxtar Respublikasının dövlət bayrağı kimi qəbul olunub. Sonra bu bayraq müstəqil Azərbaycanın dövlət bayrağı elan edilib. Prezident İlham Əliyevin Heydər Əliyevin siyasi kursunu uğurla davam etdirməsi nəticəsində Azərbaycan regionun ən güclü dövlətlərindən birinə çevrilib. Bu gün bayrağımız zirvələrdə dalğalanır və hər bir vətəndaş bundan qürur duyur”.
Vasif Həsənli
Ölkə.Az