Azərbaycan-Belarus işgüzar görüşü keçirilib

Azərbaycan-Belarus işgüzar görüşü keçirilib
19:02
07.12.2017
1842
İqtisadiyyat
A
Bu gün Bakıda İqtisadiyyat Nazirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə Azərbaycan-Belarus işgüzar görüşü keçirilib.

"Ölkə.Az" nazirliyə istinadən xəbər verir ki, tədbirdə Azərbaycan və Belarusdan rəsmi şəxslərlə yanaşı, kənd təsərrüfatı, sənaye, tikinti, əczaçılıq, İKT, konsaltinq, logistika və digər sahələrdə fəaliyyət göstərən 40-a yaxın sahibkar iştirak edib.

AZPROMO-nun prezidenti Rüfət Məmmədov Azərbaycanda qeyri-neft sektorunun inkişafı istiqamətində həyata keçirilən tədbirlər, ixracın genişləndirilməsi, "Made in Azerbaijan" brendinin və xarici investisiyaların təşviqi, biznes mühitinin davamlı olaraq yaxşılaşdırılması istiqamətində görülən işlər, eləcə də Azərbaycan-Belarus iqtisadi əlaqələri və əməkdaşlığın genişləndirilməsi imkanları barədə məlumat verib.

Belarusun Qrodno şəhərinin icra komitəsinin sədri Meçislav Qoy Azərbaycan iqtisadiyyatına Belarusda marağın böyük olduğunu, iki ölkə arasında iqtisadiyyatın müxtəlif sahələrində geniş əməkdaşlıq imkanlarını vurğulayıb. Qoy Meçislav yeni biznes əlaqələrinin qurulması baxımından işgüzar görüşlərin əhəmiyyətini diqqətə çatdırıb, hər iki ölkənin iş adamlarını fəal əməkdaşlığa dəvət edib.

Belarusun Ticarət-Sənaye Palatasının Qrodno şəhəri üzrə rəhbəri Miçeslav Kostyuk Azərbaycan və Belarusun işgüzar dairələri arasında əməkdaşlığın inkişaf etdiyini, mövcud imkanlardan səmərəli istifadənin ikitərəfli əlaqələrin inkişafında rolunu qeyd edib.

İşgüzar görüşdə Qrodno vilayətinə dair video-çarx nümayiş olunub. Daha sonra tədbir iş adamları arasında ikitərəfli görüşlərlə davam edib.

ŞƏRH YAZ
0

Valyuta məzənnələri

Valyuta məzənnələri
09:50
Bu gün
79
İqtisadiyyat
A
Azərbaycan Mərkəzi Bankı 15 noyabr tarixinə olan valyuta məzənnələrini açıqlayıb.

Mərkəzi Bankdan "Ölkə.Az"a bildirilib ki, noyabrın 15-nə olan rəsmi məzənnələr bülleteninə əsasən, ABŞ dollarının rəsmi məzənnəsi 1,7000 manat təşkil edir. Manata nəzərən avronun məzənnəsi 1,9274 manat təşkil edir.

1 türk lirəsi 0,3112 manat, 1 rus rublu 0,0254 manat, 100 İran rialı 0,0040 manat, 1 gürcü larisi isə 0,6343 manatdır.

Ölkə.Az

ŞƏRH YAZ
0

Ölkənin qızıl-gümüş bazarı ucuzlaşıb

Ölkənin qızıl-gümüş bazarı ucuzlaşıb
00:57
Bu gün
414
İqtisadiyyat
A
Azərbaycanda qızıl və gümüş ucuzlaşıb.

"Ölkə.Az"ın Trend-ə istinadən məlumatına görə, noyabrın 14-də qızılın qiyməti noyabrın 13-ü ilə müqayisədə 2,7115 manat azalaraq 1 unsiya üçün 2044,8195 manat təşkil edib.

Gümüş 0,1235 manat ucuzlaşaraq 1 unsiya üçün 23,8236 manata bərabər olub.

Platinin qiyməti 14,7135 manat azalaraq 1424,345 manat, palladiumun qiyməti isə 9,0355 manat artaraq 1888,87 manat təşkil edib.

Qeyd edək ki, troy unsiyası 31,1034768 qrama bərabər ölçü vahididir.

Ölkə.Az

ŞƏRH YAZ
0
BAĞLA