Azərbaycan Belarusla yoldaşlıq matçı keçirəcək

Azərbaycan Belarusla yoldaşlıq matçı keçirəcək
13:56
08.02.2018
650
İdman
A
AFFA Azərbaycan millisinə yoldaşlıq görüşü üçün daha rəqib tapıb.

"Ölkə.Az"ın qurumun rəsmi saytına istinadən məlumatına görə, yığmamız gələn ay Belarusla üz-üzə gələcək.

Martın 27-də Antalyada Makedoniya ilə qarşılaşacaq Qurban Qurbanovun yetirmələri ondan 4 gün əvvəl Belarusu qəbul edəcək. Bakı Olimpiya Stadionunda baş tutacaq görüş Qurban Qurbanovun yerli publika qarşısında ilk sınağı olacaq.

Matçın başlama saatı da artıq bəllidi. Belə ki, Azərbaycan – Belarus qarşılaşmasının start fiti martın 23-də saat 20:00-da səslənəcək.

Qeyd edək ki, yığmamız iyunun 9-da səfərdə Latviya ilə yoldaşlıq görüşü keçirəcək.

ŞƏRH YAZ
0

"Sumqayıt" Azərbaycan Premyer Liqasında ilk qələbəsini qazanıb

23:44
19.08.2018
87
İdman
A
Futbol üzrə Azərbaycan Premyer Liqasında II tura yekun vurulub.

"Ölkə.Az" Report-a istinadən xəbər verir ki, turun son oyununda debütant "Sabah" "Sumqayıt"ı qəbul edib.

"Əlincə Arena"da keçirilmiş görüş qonaqların qələbəsi ilə yekunlaşıb - 4:1.

Hərçənd, hesabı meydan sahibləri açıb. 10-cu dəqiqədə Marko Deviç fərqlənib. Bu, ukraynalı hücumçunun cari mövsümdə ikinci qolu olub.

Lakin "Sumqayıt" 18-ci dəqiqədə Nicat Muxtarovla hesabı bərabərləşdirib. 33-cü dəqiqədə Elvin Məmmədov penalti ilə, 44-cü dəqiqədə isə Şəhriyar Əliyev başla fərqlənib. Oyunda son nöqtəni isə 84-cü dəqiqədə Ülvi İsgəndərov qoyub. Beləliklə, "Sumqayıt" cari mövsümdə ilk qələbəsini darmadağınla əldə edib.

Turun ilk 3 oyununda "Qarabağ" səfərdə "Səbail"ə 1:0, "Neftçi" evdə "Qəbələ"yə 2:1 hesabı ilə qalib gəlib, "Zirə" isə "Keşlə" ilə heç-heçə edib - 1:1.

Ölkə.Az

ŞƏRH YAZ
0

"Neftçi" "Qəbələ"yə qalib gələrək vahid liderə çevrilib — VİDEO

22:20
19.08.2018
135
İdman
A
Bugün Azərbaycan Premyer Liqasında mərkəzi oyununda "Qəbələ" və "Neftçi" üz-üzə gəlib. Oyun paytaxt təmsilçisinin meydanında - "Dalğa Arena"da keçirilib.

"Ölkə.Az" oxu.az-a istinadən xəbər verir ki, baş hakim Rəhim Həsənovun idarə etdiyi qarşılaşma "Neftçi"nin qələbəsi ilə başa çatıb (2:1). Oyuna hücumlarla başlayan paytaxt komandası 36-cı dəqiqədə hesabda irəli çıxıb - 1:0. Qonaqların müdafiəçilərinin kobud səhvindən istifadə edən Baqali Dabo keçmiş komandasının qapısına qol vurub.

Fasilədən sonra da matç "ağ qaralar"ın hücumları şəraitində keçib. Rəqib komandanın müdafiəsinin səhvindən yararlanan Qoran Paratskinin ötürməsindən sonra Dario Frederiko 48-ci dəqiqədə meydan sahiblərinin üstünlüyünü iki topa çatdırıb. Qarşılaşmanın sonlarında "Qəbələ"nin futbolçusu Rauf Əliyevin vurduğu qol sayəsində hesab arasındakı fərq azalıb - 2:1.

Beləliklə, paytaxt komandası bu mövsüm çempionatda ikinci qələbəsini qazanaraq, turnir cədvəlinin vahid lideri olub.

Ölkə.Az

ŞƏRH YAZ
0
BAĞLA