“Azərbaycan böyük dövlətlərin həyata keçirə bilmədiyi layihələri reallaşdırıb” — Valeh Əsgərov

“Azərbaycan böyük dövlətlərin həyata keçirə bilmədiyi layihələri reallaşdırıb”
16:24
24.05.2019
625
Siyasət
A
Balkan ölkələrinin, İtaliyanın Azərbycan qazından asılılığı artacaq.

“Ölkə.Az” xəbər verir ki, bunu Milli Məclisin sədr müavini Valeh Ələsgərov bu gün parlamentdə YAP-çı gənclərlə görüşü zamanı deyib.

Onun sözlərnə görə, böyük dövlətlərin həyata keçirə bilmədiyi layihələri  10 milyon əhalisi olan Azərbaycan həyata keçirib: 

“Bu layihə nəticəsində Balkan ölkələrinin, İtaliyanın Azərbaycan qazından asılılığı artacaq. Bu, Azərbaycanın beynəlxalq aləmdə nüfuzunu artıracaq”.
V.Ələsgərov deyib ki, Azərbaycan dünyada enerji bazarında mövqeyini qoruyub saxlamaq üçün yeni texnologiyalardan istifadə etməklə  yataqlardan daha çox neft və qaz hasil edəcək. 

O, bildirib ki, Azərbaycanda yeni yataqlar kəşf ediləcək: “Torpaq altında 0 dərəcədən aşağı olan yerlərdə su ilə birgə donmuş trilyonlarla kubmetr həcmdə qaz ehtiyatları var. Gələcəkdə təbii ki, belə yataqlardan da istifadə edilməsi texnologiyası tapılacaq. ABŞ 20 il əvvəl deyəndə ki, şist qazından istifadə edəcək, hamı gülürdü. Bu gün ABŞ bu sahədə lider mövqedədir, böyük zəcmdə enerji resursları istehsal edir”.

ABŞ-ın İrana sanksiyalar tətbiq etməsinə toxunan vitse-spiker bildirib ki,  dünyada ən çox neft hasil və ixrac edən İran AB-ın sanksiyaları ilə üzləşib: “Bu da öz növbəsində neft bazarına çox mənfi təsir edir”. 

V. Ələsgərov deyib ki, bu, dünyada neft bazarında qiymətn yüksəlməsinə gətirib çıxara bilər: 

“Bu proses sonra əks istiqamətdə də cərəyan edə bilər. Ona görə də böhran nə qədər tez aradan qaldırılsa, o qədər yaxşıdır. Məsələn, 1980-ci illərdə İraq-İraq müharibəsi başladı, qiyməti 3 dəfə qalxdı. 1986-cı illərdə isə neft qiyməti 3 dəfə aşağı düşdü. SSRİ neft və qazdan böyük valyuta qazanırdı, bu valyuta mənbəyini itirdi. Ona görə də neft bazarı tarazlı inkişaf etsə, daha yaxşı olar”.

Mürtəza
Ölkə.Az

ŞƏRH YAZ
0

Milli Məclisin payız sessiyası başlayır

Milli Məclisin payız sessiyası başlayır
12:18
Bu gün
5
Siyasət
A
Gələn həftə - sentyabrın 30-da Azərbaycan Milli Məclisinin payız sessiyasının ilk plenar iclası keçiriləcək.

“Ölkə.Az" xəbər verir ki, sessiya dövründə Azərbaycan Prezidentinin, Milli Məclis deputatlarının, Ali Məhkəmənin, Baş Prokurorluğun, Naxçıvan Ali Məclisinin qanunvericilik təşəbbüsü qaydasında təqdim etdikləri qanun layihələrinə baxılacaq, o cümlədən 2020-ci ilin büdcə zərfi müzakirə olunacaq.

Payız sessiyası dekabrın 30-dək davam edəcək.

Xatırladaq ki, parlamentin komitələri sentyabrın 11-dən fəaliyyətə başlayıb. 

Ölkə.Az

ŞƏRH YAZ
0

Los-Anceles göylərində Qarabağ şüarı — VİDEO

Los-Anceles göylərində Qarabağ şüarı
10:27
Bu gün
760
Siyasət
A
Ermənistanın baş naziri Nikol Paşinyan sentyabrın 22-də Los Ancelesə səfər edərək, erməni icmasının keçirdiyi mitinqdə çıxış edib.

Azərbaycanın Los Ancelesdəki Baş Konsulluğundan "Ölkə.Az"a verilən məlumata görə, bunu nəzərə alaraq, Ermənistanın Azərbaycana qarşı həyata keçirdiyi işğalçılıq və etnik təmizləmə siyasəti barədə yerli əhalini geniş şəkildə məlumatlandırmaq üçün həmin gün Los Anceles səmalarına ingilis dilində böyük hərflərlə “Karabakh is Azerbaijan! End the Occupation” (Qarabağ Azərbaycanındır! İşğala Son Qoy!) şüarını daşıyan təyyarələr qaldırılıb. 

Bütün günü Los Anceles üzərində dövrə vuran şüar yerli əhali tərəfindən böyük maraqla qarşılanıb.

Bundan əlavə, üzərində Qarabağ həqiqətlərini əks etdirən rəqəmsal plakatların olduğu xüsusi maşınlar gün ərzində Los Ancelesin ən müxtəlif guşələrini dolaşaraq, böyük sayda şəhər sakininin Ermənistanın işğalçılıq siyasəti barədə məlumatlanmasına səbəb olub. Plakatlarda Azərbaycanın 20% ərazisinin işğal olunduğu, 1 milyonadək soydaşımızın qaçqın və məcburi köçkünə çevrildiyi, işğal altında olan ərazilərimizdə Azərbaycan mədəniyyətinə qarşı soyqırımı həyata keçirildiyi, Xocalı soyqırımı və digər məsələlər barədə məlumat verilib.

Qeyd edək ki, Azərbaycanın Los Ancelesdəki baş konsulu Nəsimi Ağayev səfər ərəfəsində Los Anceles şəhər və vilayət rəhbərliyinə Azərbaycana qarşı işğalçılıq siyasətini davam etdirən bir ölkənin baş nazirinin səfərinə etiraz edən məktublar göndərib. Həmçinin, N.Paşinyanın Los Ancelesə səfəri ABŞ mətbuatında da tənqid olunub. Belə ki, ABŞ-ın ən böyük yəhudi qəzeti olan, Los Ancelesdə nəşr olunan Jewish Journal qəzetində, həmçinin NewzBlaze qəzetində müvafiq məqalələr dərc olunub. Məqalələrdə Ermənistanın öz qonşusuna qarşı işğalçılıq siyasəti həyata keçirən kriminal bir dövlət olduğu, beynəlxalq hüququ kobud şəkildə pozmaqda davam etdiyi, Ermənistanda nasist generalların milli qəhrəman elan olunduğu, anti-semitizmin geniş yayıldığı qeyd olunaraq, belə bir ölkənin baş nazirinin Los Ancelesdə qəbul olunmasının qeyri-məqbul olduğu bildirilib. Məqalələr sosial şəbəkələrdə geniş yayılaraq, sadə amerikalılar tərəfindən N.Paşinyanın səfərinin kəskin tənqidinə səbəb olub.

Təyyarə şüarının və rəqəmsal plakatların qısa videosunu təqdim edirik:

Xatırladaq ki, yarım milyonadək erməninin yaşadığı Los Anceles vilayəti ABŞ-da ermənilərin ən çox yaşadığı yerdir.

ŞƏRH YAZ
1
BAĞLA