Azərbaycan cüdo yığması Böyük Dəbilqə yarışını 7 medalla bitirib
Azərbaycan cüdo yığması Bakıda keçirilən Böyük Dəbilqə turnirini 7 medalla başa vurub.
"Ölkə.Az" xəbər verir ki, milli komandaya son medalı qadınlar arasında 78 kq-dan yuxarı çəkidə yer alan İrina Kindzerska qazandırıb. İdmançı, 3-cü yer uğrunda döyüşdə belaruslu Marina Slutskaya üzərində qələbə çalıb.
Daha əvvəl isə Hidayət Heydərov (73 kq) qızıl, Nicat Şıxəlizadə (66 kq) və Məmmədəli Mehdiyev (90 kq) gümüş, Rüstəm Orucov (73 kq), Telman Vəliyev (73 kq) və Zelim Kotsoyev (100 kq) bürünc medal qazanıb.
Ölkə.Az
