Azərbaycan dünya çempionatını medalsız başa vurdu

Azərbaycan dünya çempionatını medalsız başa vurdu
17:19
01.09.2019
968
İdman
A
Yaponiyanın paytaxtı Tokioda cüdo üzrə dünya çempionatının qarışıq komanda yarışları keçirilib.

“Ölkə.Az” Cüdo Federasiyasına istinadən xəbər verir ki, Azərbaycan millisi ilk görüşünü güclü Portuqaliya yığmasına qarşı keçirib.

Gərgin və maraqlı idman mübarizəsi şəraitində keçən qarşılaşmalarda cüdoçularımız 4:3 hesabı ilə qələbə qazanıblar. 1/4 finalda Braziliya komandasına uduzan millimiz təsəlliverici görüşdə Koreya yığmasını məğlub edərək bürünc medal uğrunda qarşılaşmaya vəsiqə qazanıb.

Rusiya cüdoçuları ilə mübarizədən məğlub ayrılan milli komandamız Tokio mundialında 5-ci yeri tutub.

Ölkə.Az

ŞƏRH YAZ
1

Leyla Əliyeva polo yarışını izlədi — FOTOLAR

Leyla Əliyeva polo yarışını izlədi
23:22
15.09.2019
1679
İdman
A
Sentyabrın 15-də Azərbaycan Respublikası Atçılıq Federasiyasının (ARAF) təşkilatçılığı ilə Bakıda baş tutan 7-ci arena polo üzrə dünya kubokunun final görüşü keçirilib.

“Ölkə.Az” Azərtac-a istinadən xəbər verir ki, final görüşünə Heydər Əliyev Fondunun vitse-prezidenti Leyla Əliyeva, Azərbaycan Respublikası Atçılıq Federasiyasının prezidenti Elçin Quliyev, Milli Olimpiya Komitəsinin Baş katibinin müavini, Azərbaycan Ağır Atletika Federasiyasının vitse-prezidenti Azər Əliyev, Dünya Polo Federasiyasının prezidenti Reto Qaudenzi və digər qonaqlar baxıblar.

Turnirin həlledici görüşündə “Elite Horse & Polo Club Baku” (Azərbaycan) və “Los Nocheros Polo Club Münster” qarşılaşıblar. Bu dəfə də yüksək ustalıq nümayiş etdirən komandamız final görüşündən qalib ayrılıb - 15:4. Komandamızın heyətində Elçin Camallı (9), Tərlan Qurbanəliyev (4), Rəşad Həsənov və Namiq Orucov fərqləniblər.

Almaniyanın “Los Nocheros Polo Club Münster” ikinci, İsveçrənin “Evviva Polo Club St. Moritz” üçüncü, Rusiyanın “Planernaya Polo Club Moscow” komandası isə dördüncü yeri tutub.

Daha sonra dünya kubokunun qalibi olan komandamız mükafatlandırılıb. Azərbaycan Respublikası Atçılıq Federasiyasının prezidenti Elçin Quliyev qalib olan komandamıza turnirin kubokunu və qiymətli hədiyyələr təqdim edib. Turnirin ən yaxşı oyunçusu komandamızın poloçusu Elçin Camallı seçilib.

Turnirin bütün oyunları “Elite Horse and Polo Club”da yerləşən meydançada keçirilib.

Qeyd edək ki, gələn il sentyabrın 10-dan 20-dək 8 komandanın iştirak edəcəyi polo üzrə Avropa çempionatı da Azərbaycanda təşkil olunacaq.

Ölkə.Az

ŞƏRH YAZ
0

“Qarabağ” “Neftçi”ni məğlub etdi

“Qarabağ” “Neftçi”ni məğlub etdi
22:52
15.09.2019
1128
İdman
A
Bu gün Azərbaycan Premyer Liqasında 4-cü tura yekun vurulub.

“Ölkə.Az” xəbər verir ki, turun son matçında "Qarabağ" əzəli rəqibi "Neftçi" ilə qarşılaşıb.

Oyun “Qarabağ”ın 2:0 hesablı qələbəsi ilə başa çatıb.

"Qarabağ" bu qələbə ilə xalını 12-ə çatdırıb və vahid liderliyini qoruyub.

20:30. “Qarabağ” - “Neftçi” - 2:0

Qol: Mahir Emreli, 31, Abdullah Zubir, 69

Ölkə.Az

ŞƏRH YAZ
0
BAĞLA