Azərbaycan futbolunda rekord: Bütün biletlər satıldı

Azərbaycan futbolunda rekord: Bütün biletlər satıldı
17:27
24.09.2017
382
İdman
A
Çempionlar Liqasının 2-ci turunun “Qarabağ” – “Roma” oyununa bütün biletlər satılıb.

Ölkə.Az xəbər verir ki, bu haqda Ağdam klubundan məlumat verilib. Satışa çıxarılan bütün 67 min 500 biletin hamısının satıldığı bildirilib. Beləliklə, “Qarabağ” – “Roma” matçında stadion ağzınadək dolu olacaq.

Qeyd edək ki, bu, Azərbaycan futbol tarixində rekord göstəricidir. İlk dəfə olaraq milli və klub səviyyəsində bir komandamızın matçına bu qədər bilet satılıb.

Xatıradaq ki, Bakı Olimpiya Stadionunda keçiriləcək “Qarabağ” – “Roma” oyunu sentyabrın 27-si, saat 20.00-da başlanacaq.

Bu arada klub bilet alan azarkeşlərinə müraciət edib. Müraciətdə deyilir: “Artıq 41 min azarkeşimiz “Roma”yla matçına olan vauçerlərini biletlərlə dəyişib. Azarkeşlərimizdən ən qısa zamanda vauçerləri biletlərlə dəyişmələri xahiş olunur”.

Qeyd edək ki, stadiona giriş biletlə mümkün olacaq, vauçerlə qarşılaşmaya gələn azarkeşlərimiz stadiona buraxılmayacaq.

ŞƏRH YAZ
0

Məsut Özil Almaniya komandasından ayrıldı — “İrqçilik edirlər”

Məsut Özil Almaniya komandasından ayrıldı
23:32
22.07.2018
388
İdman
A
Türk əsilli Almaniya futboçusu Məsut Özil ölkənin milli futbol komandası ilə yollarını ayırıb.

“Ölkə.Az” Türkiyə mətbuatına istinadən xəbər verir ki, o, buna səbəb kimi özünə qarşı irqçi və hörmətsiz münasibətin olduğunu deyib.

Məsələ ilə bağlı açıqlama verən Özil bunları deyib: “Almaniya üçün etdiklərim unuduldu. Mənə qarşı olan münasibəti, türklüyümə sayqı göstərməmələri səbr kasamı dolduran son damla oldu. İrqçiliyi qəbul edə bilmərəm. Artıq Almaniya millisində oynamaq istəmirəm”.

Ölkə.Az

 

ŞƏRH YAZ
0

Azərbaycan cüdoçusu Praqada gümüş medal qazandı

Azərbaycan cüdoçusu Praqada gümüş medal qazandı
20:46
22.07.2018
582
İdman
A
Çexiyanın paytaxtı Praqa şəhərində gənc cüdoçuların Avropa Kuboku yarışına yekun vurulub.

"Ölkə.Az" Azərbaycan Cüdo Federasiyasına istinadən xəbər verir ki, mötəbər turnirin ikinci günündə millimiz aktivinə daha bir medal yazdırıb.

81 kq çəki dərəcəsində ölkəmizi təmsil edən Murad Fətiyev yalnız final qarşılaşmasında üstünlüyü əldən verərək Avropa Kubokunun gümüş medalına sahib olub.

Bununla da, cüdoçlarımız yarışı 2 qızıl, 3 gümüş və 4 bürünc medalla başa vuraraq ümumi medal sayında ikinci olublar.

Qeyd edək ki, 39 ölkədən 430 (280 oğlan, 150 qız) cüdoçunun qüvvəsini sınadığı qitə turnirdə Azərbaycan millisi 17 (12 oğlan, 5 qız) cüdoçu ilə təmsil olunub.

Ölkə.Az

ŞƏRH YAZ
0
BAĞLA