Azərbaycan gimnastı dünya çempionu oldu — VİDEO

Azərbaycan gimnastı dünya çempionu oldu
09:51
19.11.2017
1691
İdman
A
Azərbaycan yarışda 5 idmançı ilə təmsil olunur.

Bu günlərdə Bolqarıstanın paytaxtı Sofiya şəhərində batut gimnastikası və tamblinq (akrobatik cığırda tullanma) üzrə müxtəlif yaş kateqoriyaları arasında ümumdünya yarışları keçirilir.

Ölkə.Az Report-a istinadən xəbər verir ki, kifayət qədər nüfuzlu yarışlar idman aləmində həm də gənclər arasında dünya çempionatı kimi tanınır.

Azərbaycanı bu mötəbər turnirdə təmsil edən 21 yaşlı Mixail Malkin bütün rəqiblərini üstələyərək tamblinq üzrə yarışların qızıl medalına layiq görülüb.

Respublika yarışda 5 idmançı ilə təmsil olunur. Turnirin son günü, noyabrın 19-da, daha iki idmançımız - 12 yaşlı Adil Hacızadə və 11 yaşlı Zeynəb Qasımlı yarışa qoşulacaqlar.

 

ŞƏRH YAZ
0

"Şah" dünya çempionuna uduzmasa da...

01:29
Bu gün
358
İdman
A
Yunanıstanda keçirilən şahmat üzrə klublararası Avropa çempionatında (AÇ) V tur başa çatıb.

"Ölkə.Az" xəbər verir ki, kişilərdən ibarət “Odlar Yurdu” komandamız Norveçin “Volerenqa” klubu ilə üz-üzə gəlib.

İlk lövhədə Şəhriyar Məmmədyarovla dünya çempionu Maqnus Karlsen mübarizə aparıb. Görüşdə qalib müəyyənləşməyib.

Lakin ümumi hesabda Norveç komandası 3,5:2,5 hesabı ilə qalib gəlib. Həlledici görüşdə Qədir Hüseynov Borki Predoyeviçə uduzub.

Bununla da “Odlar Yurdu” ilk məğlubiyyətini alıb. Reytinqdə III sırada olan komandamız indi turnir cədvəlində yeddi xalla IX pillədədir.

“Odlar Yurdu”nun qadınlar komandası isə İtaliya klubunu 3:1 məğlub edib. Bununla da komandamız altı xalla B qrupunda III pilləni tutub.

“Odlar Yurdu”nun qadınlar komandası V yer uğrunda Kiyev Şahmat Federasiyasının kollektivi ilə qarşılaşacaq.

Ölkə.Az

ŞƏRH YAZ
0

Almaniya millisi növbəti məğlubiyyətlə üzləşib — VİDEO

Almaniya millisi növbəti məğlubiyyətlə üzləşib
01:15
Bu gün
382
İdman
A
UEFA Millətlər Liqasında IV tura yekun vurulub.

"Ölkə.Az" xəbər verir ki, günün ən maraqlı matçı A Liqasında keçirilib. Son dünya çempionları Fransa ilə Almaniya üz-üzə gəlib. Hesabı 14-cü dəqiqədə qonaq komandadan penalti zərbəsi ilə Toni Kroos açsa da, meydan sahiblərinin hücumçusu Antuan Qrizmann 63-cü və 80-ci dəqiqələrdə fərqlənərək, komandasına qələbə qazandırıb. Bununla da Almaniya qrup qalibi olma şanslarını tam itirib.

B Liqasında Ukrayna Çexiyaya minimal hesabla qalib gələrək, 9 xalla 1-ci qrupun qalibi olub və A Liqasına yüksəlib. D Liqasında isə Gürcüstan yığması ardıcıl 4-cü qələbəsini səfərdə Latviya üzərində əldə edib - 3:0. Bununla da qonşu ölkə millisi 12 xalla 1-ci qrupun qalibi kimi C Liqasına və 2019-cu ilin iyununda keçiriləcək final mərhələsinə yüksəlib.

Ölkə.Az

ŞƏRH YAZ
0
BAĞLA