“Azərbaycan güc yolu ilə Qarabağ problemini həll etməyə qadirdir”
Bunu “Ölkə.Az”a açıqlamasında millət vəkili Fəzail Ağamalı deyib.
Onun sözlərinə görə, prezidentimizin söylədiyi kimi, artıq Azərbaycan yetərincə güclənib. “Azərbaycan bir dövlət kimi iqtisadiyyatı, ordusu güclü bir dövlətə çevrilib”.
F.Ağamalı deyib ki, Azərbaycan prezidenti Qarabağ münaqişəsinin həllində beynəlxalq aləmin beynəlxalq hüququn üstünlüyünə deyil, güc amilinə üstünlük verməsini diqqət çəkərək, ölkəmizin bu qaydalara əsaslanaraq problemi həll etməyə qadir olduğunu bir daha bəyan etdi. “Ölkə başçısı bir daha Ermənistanın yeni rəhbərliyinin Qarabağ münaqişəsinin həllindəki qeyri-müəyyən mövqedən geri çəkilərək, konstruktiv mövqeyə keçməsi ilə bağlı xəbərdarlıq mesajını vermiş oldu.Artıq Azərbaycan güc yolu ilə bu problemi həll etməyə qadirdir və bunda kimsənin şübhəsi olmasın”- deputat bildirib.
F.Ağamalı onuda əlavə edib ki, Azərbaycanın bu qüdrətini, inkişafını görən anti-Azərbaycan qüvvlərə ölkəmizə qarşı informasiya müharibəsinə başlayıblar.
“Bu qüvvələr içərisində erməni diasporu və lobbisi, həmçinin antimilli qüvvələr Azərbaycana qarşı qərəzli təbliğatda aktiv rol oynayırlar. Bu qüvvələr ən müxtəlif üsullardan istifadə edərək, Azərbaycana qarşı böhtan, şər təbliğat maşınını işə salırlar. Bu zaman hətta beyəlxalq səviyyəli QHT-lərdən istifadə olunur.Əfsuslar olsun ki, beynəlxalq təşkilatlar Azərbaycanın haqlı mövqeyi ilə bağlı iradə nümayiş etdirmək əvəzinə Ermənistanın yanında yer alırlar. Bütün bunlar Azərbaycan prezidenti tərəfindən lakonik şəkildə ifadə olundu.Ölkə başçısı bildirdir ki, güclü dövlətimiz, iqisadiyyatımız və ordumuz var. Ən başlıcası prezidentlə xalq arasında sarsılmaz və sıx bir bağlılıq var. Ölkə başçısı “Real” TV-ki çıxışında bütün bunlara aydınlıq gətirərək anti-Azərbaycan, ermənilərin yanında yer alan qüvvələrə, o cümlədən Ermənistana son ciddi xəbərdarlıq mesajını vermiş oldu”, - Fəzail Ağamalı qeyd edib.
Mürtəza
Ölkə.Az