KORONAVİRUSA YOLUXANLARIN SAYI - CANLI STATİSTİKA

"Azərbaycan hakimiyyəti söz və mətbuat azadlığını dövlət siyasətinin tərkib hissəsi hesab edir” — Əli Həsənov

11:49
12.09.2019
1094
Siyasət
A
“Azərbaycan hakimiyyəti söz və mətbuat azadlığını dövlət siyasətinin tərkib hissəsindən biri hesab edir.

“Ölkə.Az” xəbər verir ki, bunu Azərbaycan prezidentinin İctimai-siyasi məsələlər üzrə köməkçisi Əli Həsənov Ümumdünya Mətbuat Şuraları Assosiasiyasının Bakıda keçirilən növbəti illik toplantısında deyib.

Toplantı iştirakçılarına  Azərbaycan prezidenti İlham Əliyevin salamlarını çatdıran Ə.Həsənov bunları deyib: “Bizim üçün böyük etimad və şərəfdir ki, dünya ölkələrinin Mətbuat Şuralarının rəhbərləri növbəti toplantılarını bizim paytaxtımızda keçirirlər. Azərbaycan Milli Mətbuat və digər KİV-lər 100 ildən artıq tarix çərçivəsində müxtəlif inkişaf mərhələləri keçərək, ictimai həyatımızın hərəkətverici qüvvələrindən birinə çevrilib. 1991-ci ildə ölkəmiz müstəqillik qazandıqdan sonra qəbul olunan Konstitusiyamızda söz və fikir azadlığının öz əksini tapması ölkə mətbuatının yeni mərhələyə qədəm qoymasına səbəb oldu. Ulu öndərimiz Heydər Əliyev 1997-ci ildə avqustun 6-da imzaladığı fərmanla KİV üzərindən senzuranın ləğv edilməsi, azad və rəqabətli formada özünü tənzimləyən medianın inkişafı üçün perspektivlər açdı. Sonra dövrdə informasiyanın əldə olunması, Mili teleradio, informasiya əldə olunması, informasiya azadlığı, İctimai teleradio və sairlə bağlı zəruri qanunvericilik bazarı yaradıldı. Ötən 25 ildə KİV-in maddi texniki bazasının yüksəldilməsi istiqamətində addımlar atıldı, yerli KİV-lər ƏDV-dən azad edildi, ölkəyə gətirilən çap materiallarına gömrük rüsumları ləğv edildi, KİV-lərin borcları silindi, onlara uzunmüddətli kreditlərin verilməsi təmin edildi”.

Ə.Həsənov əlavə edib ki, əsasən yazılı medianın inkişafını təmin edən amillərdən biri də, 2008-ci ildə Prezident İlham Əliyevin sərəncamı ilə Azərbaycan mediasına Dövlət Dəstəyi Konsepsiyası qəbul edildi. 2009-cu ildə bu Konsepsiyanı həyata keçirən Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu yaradıldı. Bundan başqa, Azərbaycan Prezidentinin "Azərbaycan mətbuat işçilərinin sosial müdafiəsinin gücləndirilməsi tədbirləri haqqında" 2010-cu il 22 iyul tarixli sərəncamı ilə jurnalistlər üçün iki yaşayış binası tikilmiş, üçüncünün tikintisi isə davam edir. Bütün bunlar  Azərbaycanda dünya standartlarına uyğun azad, plüralist medianın formalaşmasına böyük stimul yaradıb. Dövlət KİV-in müstəqil və hərtərəfli inkişafı üçün zəruri şərait təmin edib. Hazırda Azərbaycanda media orqanlarının ümumi sayı 5 mindən artıqdır. Ölkədə 40-a yaxın gündəlik, 200-dən artıq həftəlik və aylıq qəzet nəşr olunur. 300-ə yaxın xəbər və analitik sayt, 20-yə yaxın informasiya agentliyi , bölgələrdə 100-ə yaxın KİV fəaliyyətdədir.

1998-ci ildən sonra Azərbaycanda yeni özəl televiziya və radio kanalları açılmış, son illər kabel televiziyasının miqyası genişlənmişdir. Hazırda Azərbaycanda 11 ümumrespublika, 13 regional, 14 kabel, 25 internet, 4 peyk televiziyası, 14 radio fəaliyyət göstərir. 2005-ci ildə Azərbaycan Dövlət Televiziyasının bazasında "Azərbaycan Televiziya və Radio Verilişləri" Qapalı Səhmdar Cəmiyyəti yaradıldı. Elə həmin il ikinci dövlət kanalının bazasında İctimai Televiziya və Radio Yayımları Şirkəti təsis edilmiş və fəaliyyətə başlamışdır. İctimai Televiziyanın maddi-texniki təminatı və real olaraq fəaliyyətə başlaması üçün bütün zəruri tədbirlər görüldü. Azərbaycanda 50-dən artıq jurnalist təşkilatı qeydiyyatdan keçmiş, 30-a yaxın təşkilat söz və məlumat azadlığının inkişaf etdirilməsi, mətbuatın iqtisadi müstəqilliyinin gücləndirilməsi, jurnalistlərin hüquqlarının müdafiəsi, KİV-in informasiya əldə etmək imkanlarının genişləndirilməsi, cəmiyyətlə KİV arasında münasibətlərin tənzimlənməsi və digər məsələlərlə aktiv məşğul olur. Ölkədə mətbuat yayımı həyata keçirən müstəqil kommersiya şirkətlərinin sayı artıb”.

Ə.Həsənovun sözlərinə görə, hazırda Azərbaycanda internet istifadəçilərinin sayı ümumi əhalinin 80 faizindən çoxdur və bu göstəricilərə görə dünyada ön sıralardayıq: “Ölkəmizdə qeydiyyatdan keçmiş internet saytlarının sayı 20 mindən artıqdır. O cümlədən transmilli medianın fəaliyyəti üçün hər hansı problem yoxdur. Azərbaycan hakimiyyəti söz və mətbuat azadlığının, KİV-in inkişafının təmin edilməsini dövlət siyasətinin tərkib hissələrindən biri hesab edir”.

Mürtəza
Ölkə.Az

ŞƏRH YAZ
0

İlham Əliyev Azərbaycan Xalq Cümhuriyyətindən danışdı

İlham Əliyev Azərbaycan Xalq Cümhuriyyətindən danışdı
21:59
Bu gün
208
Siyasət
A
"Azərbaycan Xalq Cümhuriyyəti qürur mənbəyimizdir".

Bunu Azərbaycan Respublikasının Prezidenti İlham Əliyev mayın 28-də Bakının Qaradağ rayonunda məcburi köçkünlər üçün salınmış “Qobu Park-3” yaşayış kompleksinin açılışında çıxışı zamanı deyib. 

Dövlət başçısı bildirib ki, bu gün Respublika Günüdür:

"Əlbəttə ki, Azərbaycan Xalq Cümhuriyyəti qürur mənbəyimizdir. Hər bir Azərbaycan vətəndaşı haqlı olaraq fəxr edir ki, müsəlman aləmində ilk respublika məhz Azərbaycanda yarandı, Azərbaycan xalqı bunun təşəbbüskarı olub. Eyni zamanda, biz bu gün də tarixdən ibrət götürməliyik. Nə üçün Respublika iki ildən də az yaşadı? Nə üçün süqut etdi? Nə üçün müstəqilliyi qoruya bilmədi? Bu suallardır. Biz düzgün nəticə çıxarmaq üçün tarixi bilməliyik. Burada heç bir mifologiyadan söhbət gedə bilməz. Hansısa hadisələri şişirtməklə biz özümüzü aldatmamalıyıq. Nə üçün? Çünki o hadisələr təkrarlanmasın. Nə üçün? Çünki müstəqilliyimiz əbədi olsun. Azərbaycan Xalq Cümhuriyyəti rus imperiyasının dağılması nəticəsində yaranmışdır. Ancaq cəmi iki ilə yaxın yaşadı.

Çox önəmli addımlar atılmışdır. Müstəqillik elan olundu, dövlət atributları təsis edildi. Milli Ordu, Bakı Dövlət Universiteti yaradıldı, mütərəqqi qanunlar qəbul edildi. Amma, eyni zamanda, biz bilməliyik ki, o müstəqillik şərti xarakter daşıyırdı. Bakıda söz sahibi xarici generallar idi və Azərbaycan Xalq Cümhuriyyəti öz addımlarını, hətta dövlət atributları ilə bağlı planlarını gərək onlarla razılaşdıraydı. Respublika Azərbaycan ərazisinə tam nəzarət etmirdi.

Əlbəttə ki, biz heç vaxt unutmamalıyıq ki, Azərbaycan Xalq Cümhuriyyətinin ilk qərarlarından biri İrəvanı, bizim qədim şəhərimizi Ermənistana vermək idi. Bunu heç cür əsaslandırmaq və heç vaxt bağışlamaq olmaz. Ona görə biz bu həqiqətləri bilməliyik və gənc nəsil də bilməlidir. Biz tarixi olduğu kimi yazmalıyıq və bilməliyik. Həqiqəti bilməliyik ki, bu, təkrarlanmasın. Xalq Cümhuriyyəti cəmi iki ilə yaxın yaşadı, müstəqilliyi qoruya bilmədilər. Azərbaycanın başında duranların bir çoxu ölkəni tərk etdi, müstəqillik əldən getdi. Bilirsiniz, gözəl şüarlar demək olar. Amma bu şüarların arxasında gərək iradə, güc və əməl olsun".

"Bizim 1920-ci ildə endirilən üçrəngli bayrağımızı 70 il sonra Heydər Əliyev Naxçıvanda yenidən qaldırdı. Gücün varsa, bayraq həmişə yüksəklərdə olacaq. O vaxt Naxçıvan Ali Sovetinin sessiyasında Azərbaycan Xalq Cümhuriyyətinin dövlət bayrağı rəsmi bayraq kimi qəbul edildi. Azərbaycan Ali Soveti qarşısında vəsatət qaldırıldı ki, onlar da eyni addımı atsınlar. Etmədilər. Çünki qorxurdular. O vaxt hələ Sovet İttifaqı dağılmamışdı. Qorxurdular ki, Moskvadan bunları tənbeh edəcəklər. Ona görə bu tarixi gün həmişə həm qürur mənbəyimiz olmalıdır, həm də daim yadda saxlamalıyıq ki, biz müstəqilliyi əbədi, dönməz etməliyik. Bunu kim etməlidir? Biz – Azərbaycan xalqı, Azərbaycan hakimiyyəti. Ona görə ölkəmizin gücləndirilməsi, mövqelərimizin möhkəmləndirilməsi, ölkəmizdə aparılan islahatlar iqtisadi, sosial sahədə, milli dəyərlərlə bağlı olan tədbirlərimiz, gənclərin milli ruhda tərbiyə olunması bu məqsədi güdür ki, bundan sonra Azərbaycan heç vaxt müstəmləkə olmasın, həmişə qürurlu, həmişə möhkəm ayaqda dayanan, müstəqil dövlət olsun və xalqımız həmişə azad olsun", - Prezident İlham Əliyev qeyd edib.

Ölkə.Az

ŞƏRH YAZ
0

Dünyanın ən hündür tikilisi Azərbaycan bayrağına büründü — FOTO/VİDEO

Dünyanın ən hündür tikilisi Azərbaycan bayrağına büründü
21:53
Bu gün
234
Siyasət
A

Birləşmiş Ərəb Əmirliklərinin əsas şəhərlərindən olan Dubayda yerləşən "Bürc Xəlifə" binası 28 May - Respublika Günü münasibətilə Azərbaycan bayrağının rəngləri ilə işıqlandırılıb.

Qeyd edək ki, "Bürc Xəlifə" dünyanın ən hündür tikilisidir. Binanın tikintisində 330 min kubmetr betondan, 39 min ton armaturdan istifadə olunub. Binanın ərsəyə gəlməsi üçün isə 22 milyon saat çalışılıb. Bürc Xəlifə 1.5 milyard dollara başa gəlib.

Ölkə.Az

ŞƏRH YAZ
0
BAĞLA