Azərbaycan hökumətinin hesabatı təsdiqləndi

Azərbaycan hökumətinin hesabatı təsdiqləndi
18:13
17.03.2017
150
İqtisadiyyat
A
Bu gün Milli Məclisin plenar iclasında Nazirlər Kabinetinin 2016-cı ildəki fəaliyyəti haqqında hesabatın müzakirəsi başa çatıb.

“Ölkə.Az”-ın məlumatına görə, hökumətin hesabatı səsə qoyularaq təsdiq edilib. 

Xatırladaq ki, hesabata əsasən 2002-2015-ci illər müddətində yoxsulluğun səviyyəsi ildən-ilə aşağı düşərək 46,7 faiz göstəricisindən 4,9 faizlə ölçülüb. 2016-cı ildə əvvəlki ilə nisbətən ÜDM-in real həcminin azalması, inflyasiyanın səviyyəsinin yüksəlməsi yoxsulluq səviyyəsinə düşən əhalinin sayını 1 faiz artırıb və bu göstərici 5,9 faiz olub.

2017-ci il yanvarın 1-nə muzdla işləyənlərin sayı 1514,0 min nəfər təşkil edib. İqtisadiyyatın neft sektorunda 34,1 min nəfər, qeyri-neft sektorunda isə 1479,9 min nəfər çalışıb.

2016-cı ildə ölkə rezidentləri tərəfindən 60 393,6 milyon manat və ya əhalinin hər nəfərinə 6 266,3 manat dəyərində ÜDM istehsal edilib. Əvvəlki illə müqayisədə ÜDM istehsalı 3,1 faiz azalıb. Azalmanın əsas səbəbi isə tikinti sektorunda məhsul və xidmətlər istehsalının 22,9 faiz azalması olub.

2016-cı ildə ölkənin iqtisadi və sosial sahələrinin inkişafı üçün bütün maliyyə mənbələrindən əsas kapitala 15 526,6 mln. manat və ya əvvəlki illə müqayisədə 22,2 faiz az vəsait yönəldilib.

2016-cı ildə infrastruktur layihələrinə ümumilikdə 2 096,3 milyon manat vəsait, yəni dövlət büdcəsində dövlət əsaslı vəsait qoyulıuşunun 69,9 faizi ayrılıb. Dövlət əsaslı vəsait qoyuluşu üçün nəzərdə tutulan vəsaitin 751,4 milyon manatının nəqliyyat layihələrinə yönəldilib. Kommunal infrastruktur layihələrinə 325,4 milyon mant vəsait ayrılıb. Energetika və sənaye layihələrinə 778,7 mln. manat, ekologiya layihələrinə 15,6 milyon manat, kənd təsərrüfatı layihələrinə 98,5 milyon manat ayrılıb.

Sosial yönümlü layihələrə 2016-cı ildə ümumilikdə 303,9 milyon manat vəsait, yəni dövlət əsaslı vəsait qoyuluşunun 10,1 faizi nəzərdə tutulub. Qaçqınların və məcmuri köçkünlərin sosial-yaşayış şəraitinin yaxşılaşdırılmasına dair tədbirlərin maliyyələşdirilməsinə 8,2 milyon manat, dövlət büdcəsində dövlət əsaslı vəsait qoyuluşunun 0,3 faizi həcmində vəsait ayrılıb. 

Zaur Əziz
Ölkə.Az

ŞƏRH YAZ
0

Azərbaycanda böyük nar emalı kompleksi tikiləcək

Azərbaycanda böyük nar emalı kompleksi tikiləcək
10:46
Bu gün
2702
İqtisadiyyat
A
2019-cu ildə Azərbaycanda nar məhsullarının istehsalı üçün böyük bir kompleksin tikilməsi planlaşdırılır.

"Ölkə.Az" xəbər verir ki, bunu Trend-ə Nar İstehsalçıları və İxracatçıları Assosiasiyasının sədri Fərhad Qaraşov bildirib.

F. Qaraşov bildirib: "Bizim assosiasiyamızın bir neçə üzvü artıq iş planı hazırlayıb. Onun tərtibi üçün xarici konsaltinq və audit şirkətləri cəlb olunub. Biznes plan artıq Azərbaycan İqtisadiyyat Nazirliyinə təqdim olunub və biz müsbət cavab gözləyirik. Layihə Sahibkarlığa Kömək Milli Fondu vasitəsilə maliyyələşdirilə bilər".

Sədrin sözlərinə görə, kompleks Azərbaycanın sənaye parklarından birində inşa edilə bilər.

"Kompleksin 4 müəssisədən ibarət olacağı gözlənilir: nar şirəsi, konsentrat, toxum və nar qabığı emalı üzrə. Biznes plana əsasən kompleksin ümumi dəyəri 25 milyon manat təşkil edir. Tikintiyə 2019-cu ildə başlamaq, 2021-ci ildə isə onu yekunlaşdırmaq planlaşdırılır", - deyə birliyin rəhbəri bildirib.

Qaraşovun sözlərinə görə, nardan alınan məhsulların növlərini artırmaq vacib məsələdir: "Bu, həmin sahədə ixrac potensialının artırılmasına kömək edəcək. Nardan şirələr, spirtli içkilər, narşarab almaq mümkündür. Nar qabığı və toxumlarından alınan yağ, kosmetoloji və əczaçılıq istehsalında istifadə olunur. Yəni qalığı olmayan məhsuldur ".

Xatırladaq ki, Nar Məhsulları İstehsalçıları və İhracatçıları Birliyi 31 oktyabr 2016-cı il tarixində yaradılıb.

Ölkə.Az

ŞƏRH YAZ
0

Rövnəq Abdullayev: "SOCAR Ukraynada biznesin inkişafını nəzərdən keçirəcək"

Rövnəq Abdullayev:
22:12
26.05.2018
5772
İqtisadiyyat
A
Azərbaycan Dövlət Neft Şirkətinin (SOCAR) prezidenti Rövnəq Abdullayev Ukraynada bu ölkənin başçısı Pyotr Poroşenko ilə görüşüb.

"Ölkə.Az" Ukrayna prezidentinin mətbuat xidmətinə istinadən xəbər verir ki, görüşdə SOCAR rəhbəri Ukrayna prezidenti yanında Milli İnvestisiya Şurasının işində iştirak imkanına görə Poroşenkoya minnətdarlığını bildirib.

R. Abdullayev SOCAR-ın “Ukraynada özünü rahat hiss etdiyini və sürətlə inkişaf etdiyini” qeyd edib. 

Görüşdə tərəflər həmçinin SOCAR-ın Türkiyədə həyata keçirdiyi layihələri, Ukraynanın həmin layihələrə cəlb olunması və bu ölkənin neft emalı kompleksinin gələcək inkişaf perspektivlərini müzakirə ediblər. 

Rövnəq Abdullyevin sözlərinə görə, SOCAR-ın Türkiyədəki strateji layihələri başa çatdıqdan sonra rəhbərlik etdiyi şirkət Ukrayna bazarında biznesin inkişafını nəzərdən keçirəcək, “çünki, burada inkişaf çox uğurla gedir”.

SOCAR rəhbəri həmçinin biznesə göstərilən diqqət və əlverişli investisiya şəraitinin yaradılmasına görə Poroşenko və Ukrayna hökumətinə minnətdarlığını bildirib.

Öz növbəsində, Ukrayna və Azərbaycan prezidentləri arasında isti dostluq münasibətlərini qeyd edən Pyotr Poroşenko dövlətlər arasında əməkdaşlığın strateji xarakter daşıdığını qeyd edib.
 
“Hesab edirəm ki, biz əməkdaşlığın inkişafı və dərinləşdirilməsi imkanlarından, o cümlədən energetika sahəsindəki imkanlardan tam gücü ilə istifadə etməliyik”, - deyə, Ukrayna prezidenti bildirib və həmin potensialdan Ukraynada enerji təchizatının şaxələndirilməsi üçün istifadə imkanlarının əhəmiyyətini vurğulayıb. 

Görüşdə tərəflər həmçinin yüksək keyfiyyətli aviasiya yanacağının tədarükü və Ukrayna hava limanlarında sərnişin axınının kəskin artması ilə əlaqədar bu yanacağın Ukraynada istehsakı imkanları sahəsində əməkdaşlığın genişləndirilməsini müzakirə ediblər. 

Ölkə.Az

ŞƏRH YAZ
0
BAĞLA