Azərbaycan İranda “Külək parkı” tikəcək

Azərbaycan İranda “Külək parkı” tikəcək
18:15
06.08.2015
1556
İqtisadiyyat
A

İranın Xaf şəhəri ətrafında yaradılacaq “Külək parkı” layihəsinin “Azalternativenerji” MMC tərəfindən həyata keçirilməsi ilə bağlı razılıq əldə olunub.

Bu barədə Ölkə.Az-a Alternativ və Bərpa Olunan Enerji Mənbələri üzrə Dövlət Agentliyindən bildirilib.

Qeyd edək ki, layihə 2014-cü il noyabrın 12-də Bakı şəhərində imzalanmış Anlaşma Memarandumu çərçivəsində reallaşacaq.

Onu da əlavə edək ki, avqustun 3-4-də İrana səfəri çərçivəsində Azərbaycan Respublikası Alternativ və Bərpa Olunan Enerji Mənbələri Dövlət Agentliyinin sədri Akim Bədəlov İran İslam Respublikası Energetika naziri Həmid Çitçiyan, onun müavini Huşəng Fəlahətian və Bərpa Olunan Enerji Təşkilatının (SUNA) rəhbərliyi ilə görüşlər keçirib.

Görüşdə tərəflər arasında alternativ və bərpa olunan enerji mənbələri sahəsində əlaqələrin möhkəmləndirilməsi və gələcəkdə bu əməkdaşlığın daha da gücləndirilməsi müzakirə edilib

Ölkə.Az

ŞƏRH YAZ
0

SOCAR Türkiyəyə investisiyalarını artıracaq

SOCAR Türkiyəyə investisiyalarını artıracaq
12:56
Bu gün
688
İqtisadiyyat
A
“SOCAR Turkey Enerji A.Ş.”in (“SOCAR Türkiyə”) yatırımlarının həcmi investisiya planında müəyyənləşdirilmiş göstəricilərdən (19,5 mlrd. ABŞ dolları) artıq olacaq.

"Ölkə.Az"  APA-ya istinadən xəbər verir ki, bunu "SOCAR Türkiyə"nin Xarici əlaqələr üzrə rəhbəri Murat LeKompte (Murat LeCompte) deyib.

“Bizim indiki investisiya planımız 19,5 mlrd. dollar həcmindədir. Bunun da 15 mlrd. dolları artıq təmin edilib”, - deyə LeKompte bildirib.

Buna baxmayaraq, onun sözlərinə görə, hazırda “Star” neft emalı zavodunda anbar tutumlarının artırılması layihəsi həyata keçirilir, daha sonra isə BP ilə birlikdə İzmirin Əliağa bölgəsində əlavə neft-kimya kompleksinin tikintisi layihəsinin reallaşdırılması nəzərdə tutulub, əlavə olaraq yeni araşdırma mərkəzinin tikintisi də planlaşdırılır. Bu işlərin reallaşdırılması əlavə investisiya qoyuluşuna tələb yaradır.

M. LeKompte “SOCAR Türkiyə” tərəfindən ölkə ərazisində əlavə aktivlərin alınmasını da istisna etməyib.

Qeyd edək ki, hazırda “SOCAR Türkiyə”nin nəznində “Star” neft emalı zavodu, TANAP boru kəməri, “Petkim”, “SOCAR Terminal”, “Petkim Külək Enerjisi Stansiyası”, “Bursagaz”, “Kayserigaz”, “Enervis”, “EWE Enerji” və “Millenicom” şirkətləri fəaliyyət göstərir.

Ölkə.Az

ŞƏRH YAZ
0

Dollar və manatın bugünkü məzənnəsi

Dollar və manatın bugünkü məzənnəsi
09:55
14.10.2019
3989
İqtisadiyyat
A
Azərbaycan Mərkəzi Bankı 14 oktyabr tarixinə olan valyuta məzənnələrini açıqlayıb.

Mərkəzi Bankdan "Ölkə.Az"a verilən məlumata görə, bu gün ABŞ dollarının rəsmi məzənnəsi 1,7000 manat təşkil edir.

Manata nəzərən avronun məzənnəsi 1,8752 manat, 1 türk lirəsi 0,2883 manat, 1 rus rublu 0,0265 manat, 100 İran rialı 0,0040 manat, 1 gürcü larisi isə 0,5727 manatdır.

Ölkə.Az

ŞƏRH YAZ
0
BAĞLA