Azərbaycan İranda “Külək parkı” tikəcək

İranın Xaf şəhəri ətrafında yaradılacaq “Külək parkı” layihəsinin “Azalternativenerji” MMC tərəfindən həyata keçirilməsi ilə bağlı razılıq əldə olunub.

Bu barədə Ölkə.Az-a Alternativ və Bərpa Olunan Enerji Mənbələri üzrə Dövlət Agentliyindən bildirilib.

Qeyd edək ki, layihə 2014-cü il noyabrın 12-də Bakı şəhərində imzalanmış Anlaşma Memarandumu çərçivəsində reallaşacaq.

Onu da əlavə edək ki, avqustun 3-4-də İrana səfəri çərçivəsində Azərbaycan Respublikası Alternativ və Bərpa Olunan Enerji Mənbələri Dövlət Agentliyinin sədri Akim Bədəlov İran İslam Respublikası Energetika naziri Həmid Çitçiyan, onun müavini Huşəng Fəlahətian və Bərpa Olunan Enerji Təşkilatının (SUNA) rəhbərliyi ilə görüşlər keçirib.

Görüşdə tərəflər arasında alternativ və bərpa olunan enerji mənbələri sahəsində əlaqələrin möhkəmləndirilməsi və gələcəkdə bu əməkdaşlığın daha da gücləndirilməsi müzakirə edilib

Ölkə.Az