Azərbaycan İŞİD-lə əlaqəli olan şəxsi "qara siyahı"ya saldı

Azərbaycan İŞİD-lə əlaqəli olan şəxsi
18:26
19.06.2017
38
İqtisadiyyat
A
Maliyyə Bazarlarına Nəzarət Palatasının (MBNP) Maliyyə Monitorinqi Xidməti BMT Təhlükəsizlik Şurasının İŞİD və "Əl-Qaidə" Sanksiya Komitəsinin iyunun 16-da qəbul edilmiş qərarlarına uyğun olaraq ümumi siyahını yeniləyib.

MBNP-dən “Ölkə.Az”a verilən xəbərə görə, ümumi siyahı Nazirlər Kabinetinin 25.06.2010-cu il tarixli 124 nömrəli Qərarı ilə təsdiq edilmiş "Terrorçuluğun maliyyələşdirilməsinə qarşı mübarizə çərçivəsində Azərbaycan Respublikasının qanunvericiliyinə və tərəfdar çıxdığı beynəlxalq müqavilələrə, habelə BMT Təhlükəsizlik Şurasının aidiyyəti qətnamələrinə əsasən barələrində sanksiyalar tətbiq edilməli olan fiziki və ya hüquqi şəxslərin Ümumi Siyahısının təsdiq olunması Qaydası"na əsasən yenilənib.
 
Məlumata görə, 1 nəfərin adı siyahıya əlavə olunub. Həmin şəxs Fared Saaldır.
 
Qeyd edək ki, Ümumi Siyahı milli qanunvericiliyə və beynəlxalq müqavilələrə uyğun olaraq müəyyən edilmiş fiziki və hüquqi şəxslərin Ölkədaxili Siyahısından və Beynəlxalq Siyahısından ibarətdir.
 
Ümumi Siyahının son versiyası Maliyyə Monitorinqi Xidmətinin rəsmi internet səhifəsində (http://www.fiu.az/aze/umumi-siyahi/) yerləşdirilib.
 
“Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Qanuna uyğun olaraq, monitorinq iştirakçıları və monitorinqdə iştirak edən digər şəxslər Ümumi Siyahıda göstərilmiş fiziki və ya hüquqi şəxslərin pul vəsaitlərini və ya digər əmlakını aşkar etdikdə, qanunla müəyyən edilmiş qaydada belə pul vəsaitləri və ya digər əmlakla hər hansı əməliyyatı icra etməməli və bu barədə məlumatı Maliyyə Bazarlarına Nəzarət Palatasına təqdim etməlidirlər.

ŞƏRH YAZ
0

Üç ayda dəniz nəqliyyatı ilə daşınan yüklərin dəyəri 126 milyon dollardan çoxdur

Üç ayda dəniz nəqliyyatı ilə daşınan yüklərin dəyəri 126 milyon dollardan çoxdur
01:30
Bu gün
208
İqtisadiyyat
A
2018-ci ilin yanvar-mart aylarında dəniz nəqliyyatı ilə ümumilikdə 279 min 209 ton yük daşınıb ki, bu yüklərin dəyəri 126 milyon 958 min ABŞ dollarıdır.

"Ölkə.Az" xəbər verir ki, Dövlət Gömrük Komitəsindən Azərtac-a verilən məlumata görə, üç ayda dəniz nəqliyyatı ilə ixrac olunan 66 min 499 ton yükün dəyəri 27 milyon 843 min ABŞ dolları təşkil edir. Bu nəqliyyat növü ilə idxal olunan yüklərin həcmi 212 min 709 ton, dəyəri isə 99 milyon 115 min ABŞ dollarıdır.

Ölkə.Az

ŞƏRH YAZ
0

Ölkənin qızıl-gümüş bazarında ucuzlaşma müşahidə olunur

Ölkənin qızıl-gümüş bazarında ucuzlaşma müşahidə olunur
00:26
Bu gün
289
İqtisadiyyat
A
Aprelin 20-də Azərbaycanda qiymətli metallar ucuzlaşıb.

"Ölkə.Az" Trend-ə istinadən xəbər verir ki, qızılın qiyməti aprelin 19-u ilə müqayisədə 15,9375 manat azalaraq 1 troy unsiyası üçün 2282,0545 manat təşkil edib.

Gümüş 0,0597 manat ucuzlaşaraq 1 unsiya üçün 29,2292 manata bərabər olub.

Platinin qiyməti 17,7395 manat azalaraq 1592,373 manat, palladiumun qiyməti 11,339 manat azalaraq 1754,366 manat təşkil edib.

Ölkə.Az

ŞƏRH YAZ
0
BAĞLA