Azərbaycan klubları UEFA-dan pullarını aldılar

Azərbaycan klubları UEFA-dan pullarını aldılar
12:58
11.10.2017
390
İdman
A

2017-2018-ci il mövsümündə UEFA Avropa Liqası turnirində iştirak etmiş Azərbaycan klublarına UEFA-nın ayırdığı vəsaitin məbləği müəyyənləşib. 

"Ölkə.Az"ın AFFA-nın rəsmi saytına istinadən verdiyi məlumata görə, Avroliqanın II təsnifat mərhələsində mübarizəni dayandırmış "Zirə" və "İnter" hərəyə 440 min avro qazanıb. III təsnifat mərhələsində çıxışlarını başa vurmuş "Qəbələ"yə isə 460 min avro ayrılıb. Maliyyə vəsaitləri AFFA-nın vasitəçiliyi ilə müvafiq qaydada "Zirə" və "Qəbələ"nin hesablarına köçürülüb. 

“İnter” üçün nəzərdə tutulmuş vəsait isə klubun aylıq cari xərclərini ödəmək üçün növbəti aylarda hesabına köçürüləcək.

ŞƏRH YAZ
0

Çempionlar Liqasının pley-off mərhələsinin ilk oyunları keçirildi

Çempionlar Liqasının pley-off mərhələsinin ilk oyunları keçirildi
09:29
Bu gün
75
İdman
A
UEFA Çempionlar Liqasının pley-off mərhələsinin ilk oyunları keçirilib.

"Ölkə.Az" xəbər verir ki, turun ilk oyun günündə üç görüş olub. Qitənin ən nüfuzlu klub turnirində “Qarabağ”ı mübarizədən kənarlaşdıran Belarusun BATE komandası Hollandiya təmsilçisi PSV-ni qəbul edib. Hesabı meydan sahibləri açsalar da, qonaqlar 3:2 hesablı qələbəyə nail olublar.

Portuqaliyada “Benfika” Yunanıstanın PAOK klubu üzərində qələbəni əldən verib. Tərəflər hərəyə bir dəfə fərqləniblər.

Serbiyada "Srvena Zvezda” ilə Avstriyanın “Zaltsburq”u arasındakı görüşdə isə hesab açılmayıb.

Mərhələnin digər üç qarşılaşması - “Ayaks” - “Dinamo Kiyev”, “Vidi” - AEK, “Yanq Boyz” - “Dinamo Zaqreb” avqustun 22-də baş tutacaq.

Qeyd edək ki, UEFA Çempionlar Liqasının pley-off mərhələsinin cavab görüşləri avqustun 28-də və 29-da keçiriləcək.

ŞƏRH YAZ
0

Şəhriyar Məmmədyarov Levon Aronyanla xalları bölüb

Şəhriyar Məmmədyarov Levon Aronyanla xalları bölüb
00:48
Bu gün
325
İdman
A
ABŞ-ın Sent-Luis şəhərində keçirilən "Sinquefield Cup" turnirinin IV turunda Azərbaycan şahmatçısı Şəhriyar Məmmədyarov ağ fiqurlarla ermənistanlı Levon Aronyanla qarşılaşıb.

"Ölkə.Az" xəbər verir ki, oyun 24-cü gedişdən sonra heç-heçə ilə yekunlaşıb - 0,5:0,5.

Bununla da Məmmədyarov xallarını 2,5-ə çatdırıb.

Turun digər görüşlərinə gəldikdə, rusiyalı Aleksandr Qrişuk fransalı Maksim Vaşye-Laqravla heç-heçə edib. Hazırda hindistanlı keçmiş dünya çempionu Vişvanatan Anandla norveçli hazırkı dünya çempionu Maqnus Karlsen qarşılaşır. Eyni zamanda Uesli So (ABŞ) - Sergey Karyakin (Rusiya) və Fabiano Karuana (ABŞ) - Hikaru Nakamura (ABŞ) görüşləri keçirilir.

On şahmatçının mübarizə apardığı "Sinquefield Cup" 300 min dollar mükafat fonduna malikdir. Qalib 75 min dollar qazanacaq.

Ölkə.Az

ŞƏRH YAZ
0
BAĞLA