"Azərbaycan Krımın təsviri olan əsginası qəbul etməməlidir" — Vahid Əhmədov

20:53
17.10.2017
437
İqtisadiyyat
A
Rusiya Federasiyasının Mərkəzi Bankı bu günlərdə dövriyyəyə Krımın təsviri olan 200-lük rubl əsginası daxil edib.

"Ölkə.Az"ın Virtualaz.org-a istinadən məlumatına görə, bununla əlaqədar Azərbaycanın Milli Məclisinin deputatı Vahid Əhmədov tələb edib ki, Azərbaycanın Mərkəzi Bankı Krımın təsviri olan Rusiya kupyuralarını qəbul etməsin.

“Ölkənin dövlət strukturları tərəfindən bu pulun qəbulu Ukrayna sərhədlərinin toxunulmazlığını tanıyan Bakının rəsmi mövqeyinə zidd olacaq”, - deyə V.Əhmədov bildirib.

Deputat hesab edir ki, Qarabağ münaqişəsi kimi problemə malik olduğumuzu nəzərə alaraq, başqa ölkələrin ərazi bütövlüyünə aid məsələlərdə ardıcıl olmaq lazımdır.

Şübhəli rəmzə malik yeni Rusiya əsginasından imtinanın nə qədər mümkün ola biləcəyini maliyyə məsələləri üzrə ekspert Əkrəm Həsənov izah edib.

“Texniki tərəfdən Azərbaycan bankları tərəfindən bu kupyuraların qəbulundan imtinanı  həyata keçirmək sadədir. Mərkəzi Bankımızın hər hansı izahatlarsız Krımın təsviri olan kupyuraların ölkənin bütün bankları tərəfindən qəbul edilməməsi ilə bağlı qərar qəbul etməsi kifayətdir. Amma aydındır ki, bu qaydanı Ədliyyə Nazirliyində təsdiq etmək lazımdır”, - deyə ekspert vurğulayıb.

Eyni zamanda Ə.Həsənov hesab edir ki, məsələ ilə bağlı Kiyevin mövqeyini gözləmək məqsədəuyğun olardı.

Qeyd edək ki, Ukrayna Milli Bankı Ukrayna banklarına Rusiya Federasiyasının Krımın təsviri olan banknot və sikkələri ilə əməliyyat keçirmələrini qadağan edib.

Ölkə.Az

ŞƏRH YAZ
0

Neftimiz ucuzlaşdı

Neftimiz ucuzlaşdı
12:00
Bu gün
105
İqtisadiyyat
A
Azərbaycanın dünya bazarına çıxararaq satdığı "Azeri LT CIF" markalı xam neftin 1 barelinin qiyməti 0,19 dollar və yaxud 0,23% azalıb.

"Ölkə.Az" xəbər verir ki, "Azeri LT CIF" markalı neftin qiyməti 81,81 dollar/barelə bərabər olub.

Xatırladaq ki, "Azeri LT CIF" neftinin minimal qiyməti 2001-ci ilin dekabrında (19,15 dollar), maksimal qiyməti isə 2008-ci ilin iyulunda (149,66 dollar) qeydə alınıb.

ŞƏRH YAZ
0

Valyuta məzənnələri

Valyuta məzənnələri
09:47
Bu gün
183
İqtisadiyyat
A
Azərbaycan Mərkəzi Bankı 16 oktyabr tarixindən etibarən valyuta məzənnələrini açıqlayıb.

Mərkəzi Bankdan "Ölkə.Az"a  verilən məlumata görə, oktyabrın 3-nə olan rəsmi məzənnələr bülleteninə əsasən, ABŞ dollarının rəsmi məzənnəsi 1,7000 manat təşkil edir.

Manata nəzərən avronun məzənnəsi 1,9673 manat təşkil edir.

1 türk lirəsi 0,2937 manat, 1 rus rublu 0,0259 manat, 100 İran rialı 0,0040 manat, 1 gürcü larisi isə 0,6379 manatdır.

ŞƏRH YAZ
0
BAĞLA