Azərbaycan KTMT-yə daxil olacaq? — Məmmədyarovun Rusiya mətbuatına müsahibəsi

Azərbaycan KTMT-yə daxil olacaq?
21:29
23.10.2018
3306
Siyasət
A
Azərbaycan Respublikasının xarici işlər naziri Elmar Məmmədyarov RİA Novosti-yə müsahibə verib.

"Ölkə.Az" xəbər verir ki, nazir Bakının Kollektiv Təhlükəsizlik Müqaviləsi Təşkilatına (KTMT) daxil olub-olmayacağı, Xəzərin hüquqi statusu haqqında Konvensiyanın nə vaxt ratifikasiya ediləcəyi, habelə Qarabağ münaqişəsinin nizamlanmasına dair danışıqlar prosesini kimin ləngitməsi barədə sualları cavablandırıb.

-Cənab nazir, biz sizinlə Aktauda Xəzər sammiti ərəfəsində söhbət etmişdik. Azərbaycan Xəzər dənizinin hüquqi statusu haqqında Konvensiyanın imzalanmasından iqtisadi sahədə hansı dividendlər əldə edəcək? Sazişin nə vaxt ratifikasiya edilməsi planlaşdırılır?

-İlk növbədə, vurğulamaq istəyirəm ki, Xəzər dənizinin hüquqi statusu haqqında Konvensiyanın imzalanması həqiqətən beş sahilyanı dövlətin xoş məramının əlaməti olan tarixi hadisədir. Ölkəmiz üçün bu sənədin əsas əhəmiyyəti sahilyanı dövlətlərin dənizin təbii ehtiyatlarından istifadə etmək üçün suveren və müstəsna hüquqlarını müəyyənləşdirməsindən ibarətdir. Beləliklə, Konvensiya neft-qaz sənayesi sahəsində müxtəlif layihələrin reallaşdırılmasının, habelə dənizdə digər təsərrüfat-iqtisadi fəaliyyətin həyata keçirilməsinin ardıcıllığını və təhlükəsizliyini təmin edir. Bundan əlavə, Konvensiya sahilyanı dövlətlərin suverenliyinin və müstəsna hüquqlarının şamil edildiyi ərazi sularını və balıq ovu zonalarını müəyyənləşdirir. Dəniz gəmiçiliyin sərbəstliyi və təhlükəsizliyi təmin olunur. Bu, Xəzər dənizində ticarətin və ölkələrimizin iqtisadiyyatının inkişafı baxımından müstəsna rol oynayır.

Konvensiyanın ratifikasiyası məsələsinə gəldikdə isə, ümid edirik ki, onu imzalamış ölkələr yaxın vaxtda zəruri dövlətdaxili prosedurları icra edə biləcəklər.

-Xəzərə dair işçi qrupun birinci görüşünün nə vaxt keçirilməsi gözlənilir? Danışıqların gündəliyindəki əsas məsələlər nədən ibarətdir?

-Məlum olduğu kimi, Konvensiyanın səmərəli şəkildə yerinə yetirilməsi və Xəzər dənizində əməkdaşlığın icmalı məqsədilə Aktau sammitində dövlət başçıları Xəzəryanı dövlətlərin səlahiyyətli nümayəndələri – xarici işlər nazirlərinin müavinləri səviyyəsində işçi qrup yaradılmasını qərara alıblar. Həmin qrupun ilk görüşünü bu il noyabr ayında Bakıda keçirmək planlaşdırılır. Bundan əlavə, dövlət başçıları sahilyanı ölkələrin ərazi sularının müəyyən edilməsi üçün ilk növbədə, Xəzər dənizində ilkin düz xətlərin müəyyən edilməsi metodikasına dair beştərəfli sazişin razılaşdırılmasına başlamaq barədə tapşırıq veriblər. Beştərəfli formatda danışıqların yeni mərhələsinin əsas gündəliyi bu məsələ olacaq.

-Qarabağ münaqişəsinin nizamlanmasına dair Azərbaycan və Ermənistan liderlərinin görüşü hazırlanırmı? Bu ilin sonunadək onların əlaqələri mümkündürmü?

-Azərbaycan münaqişənin mərhələli şəkildə nizamlanması prosesinə başlamaq məqsədilə substantiv danışıqları davam etdirməyə hazırdır. Bundan əlavə, əgər siz son zamanlar danışıqların gedişini izləyirsinizsə, görmüş olarsınız, məhz Bakı nəticə əldə edilməsinə - Azərbaycanın ərazilərinin işğalına son qoyulmasına, məcburi köçkünlərin, o cümlədən Dağlıq Qarabağın Azərbaycan icmasının nümayəndələrinin öz evlərinə təhlükəsiz və layiqli şəkildə qayıtmaları, daha sonra Azərbaycanın Dağlıq Qarabağ regionunun erməni və azərbaycanlı icmalarından ibarət əhalisi üçün geniş özünüidarə hüquqlarının təmin edilməsi üçün şərait yaradılmasına yönəlmiş məsuliyyətli dialoqu davam etdirməyin zəruriliyi barədə mövqeyini dəfələrlə səsləndirib.

MDB-nin Düşənbədə keçirilmiş sonuncu sammiti çərçivəsində Azərbaycan Respublikasının Prezidenti İlham Əliyev ilə Ermənistan Respublikasının Baş naziri arasında yüksək səviyyədə söhbət Azərbaycanın məzmunlu dialoqa hazır olduğunu göstərən əyani nümunədir. Təəssüf ki, Yerevanda hakimiyyətin dəyişməsi və hələ də müşahidə olunan siyasi turbulentlik bu prosesi müəyyən dərəcədə ləngidib. Ümidvarıq ki, Ermənistan rəhbərliyi yaxın vaxtlarda mövcud format çərçivəsində və məlum gündəlik əsasında danışıqlar prosesini davam etdirmək üçün siyasi iradə nümayiş etdirə biləcək.

-ABŞ Prezidentinin müşaviri Bolton bu həftə Azərbaycana gələcək. Amerikalı siyasətçinin sizin respublikanıza səfərinin gündəliyi nədən ibarətdir, hansı əsas mövzuları müzakirə etmək planlaşdırılır?

-Kifayət qədər çoxşaxəli xarici siyasi əlaqələr sisteminə malik olan Azərbaycan dünyada çox aktorlarla əlaqə saxlayır. BMT Təhlükəsizlik Şurasının beş daimi üzvündən biri və ATƏT-in Minsk qrupunun üç həmsədrindən biri olan Birləşmiş Ştatlar həm də o dövlətlər sırasına aiddir ki, Azərbaycanın onlarla dialoq üçün geniş məkanı var.

-Hazırda Azərbaycanın KTMT-yə daxil olmasının mümkünlüyü məsələsi mətbuatda fəal müzakirə edilir. Doğrudanmı sizin respublika hazırda həmin təşkilatın üzvü olan ölkələrlə danışıqlar aparır?

-Biz dəfələrlə qeyd etmişik ki, Azərbaycan balanslaşdırılan xarici siyasət yürüdür. Bu baxımdan biz KTMT-nin üzvü olan bütün dövlətlərlə fəal ikitərəfli dialoqu və qarşılıqlı faydalı, bərabərhüquqlu əməkdaşlığı inkişaf etdiririk. Təbii ki, Ermənistan istisna olmaqla, çünki Ermənistan Azərbaycana qarşı hərbi təcavüzü, ölkəmizin beynəlxalq miqyasda tanınmış ərazilərinin işğalını davam etdirir, orada azərbaycanlı əhaliyə qarşı qanlı və total etnik təmizləmələr aparıb.

Ölkə.Az

ŞƏRH YAZ
1

“Heç bir qüvvə Azərbaycanı bu yoldan döndərə bilməz” — Millət vəkili

“Heç bir qüvvə Azərbaycanı bu yoldan döndərə bilməz”
15:58
20.04.2019
1199
Siyasət
A
Beynəlxalq mürəkkəb şəraitlər fonunda Azərbaycanın əldə etdiyi uğurlar, xalqın rifah halının yaxşılaşması istiqamətində həyata keçirdiyi islahatlar istər xaricdəki, istərsə də onların daxildəki əlaltılarını narahat emtəyə başlayıb.

Bunu “Ölkə.Az”a açıqlamasında deputat İlham Məmmədov deyib.

Onun sözlərinə görə,  dünyada gedən çox mürəkkəb proseslərə baxmayaraq, Azərbaycan Prezident İlham Əliyevin yürütdüyu uzaqgörən  siyasəti nəticəsində baş verən qlobal böhranlardan az itkilərlə çıxaraq, sürətli inkişaf yoluna qədəm qoydu:

“Azərbaycanın gəlirləri artmağa başladı, rellaşdırdığı iri layihələr başa çatdı. Ölkənin gəlirləri artıqca da Azərbaycan Prezidenti  bu gəliləri xalqın rifah halının daha da yaxşılaşdırılmasına yönəltdi. Bu məqsədlə son bir ildə çoxsaylı sərəncamlar imzalandı, sosial sahədə genişmiqyaslı islahatlara başlanıldı. Cəmiyyəti narahat edən məslələrin həlli istiqamətində ciddi addımlar atıldı. Azərbaycanın uğurları təkcə   sosial-iqtisadi sahədə deyil, eyni zamanda hamımızı narahat edən ən aktual olan Qarabağ münaqişəsi istiqamətində də baş verməkdədir. Artıq Azərbaycan Qarabağ məsələsinin həlli istiqamətində   yürütdüyü  diplomatiya öz bəhrəsini verməkdədir. Bu isə təbii ki, anti-Azərbaycan qüvvələri, ilk növbədə  ermənləri və xaricdəki erməni lobbisini ciddi narahat etməyə başlayıb. Ona görə də ölkəmizə qarşı əks-təbliğat kampaniyasına başlayıblar”.

 O, əlavə edib ki,  bu qüvvələr yürütdükləri əks-təbliğat kampaniyasına baxmayaraq, istəklərinə nail ola bilməyəcəklər:

“Çünki xalq Azərbaycan Prezidentinin həyata keçirdiyi, dünyada heç bir analoqu olmayan inqilabi islahatları dəstəkləyir və onu təqdir edir. Xalq bu islahatların   daha da dərinləşdirilməsi məqsədi ilə Prezidentin ətrafında sıx biləşib və ona dəstək verir. Əgər xalq ölkə başçısının yanındadırsa, Prezident-xalq, iqtidar –xalq birliyi harmoniyası mövcuddursa, o zaman bu əks-hücumların heş bir effekti olmayacaq. Bir başqa fikri də əlavə edim ki, xalq onların bu niyyətlərinin arxasında nə durduğunu yaxşı bilir və onlara dəstək vermir. Odur ki, Azərbaycanı yaxın gələcəkdə daha ciddi uğrular gözləyir. Kimsənin Azərbaycanı bu yoldan döndərməyə gücü yetməz”, - deyə deputat bildirib.

Mürtəza
Ölkə.Az

ŞƏRH YAZ
0

“Xalqımızın gözəl həyatını təmin edəcək daha ciddi islahatların şahidi olacağıq” — Millət vəkili

“Xalqımızın gözəl həyatını təmin edəcək daha ciddi islahatların  şahidi olacağıq”
13:18
20.04.2019
1302
Siyasət
A
“Azərbaycan inkişaf etdikcə, ölkə əhalisinin sosial rifah halını yaxşılaşdırılması istiqamətində islahatların daha da sürətləndirilməsi istiqamətində ciddi addımlar atıldıqca, anti-Azərbaycan qüvvələr də aktivləşməyə başlayırlar. Anti-Azərbaycan qüvvələrin son zamanlarda aktivləşməsini ancaq bununla izah etmək olar”.

Bunu “Ölkə.Az”a açıqlamasında millət vəkili Cavid Osmanov deyib.

Onun sözlərinə görə,  dünyada qlobal böhranların, qonşu bölgələrdə münaqişələrin, çalxalanmaların hökm sürdüyü bir zamanda Azərbaycanın inkişaf etməsi,  uğurlara imza atması    bəzi qüvvələri ciddi narahat edir və yuxularını ərşə çəkir. 

“Ona  görə də hər vasitə ilə Azərbaycanın uğurlarına kölgə salmaq üçün  əks təbliğat kampaniyasını həyata keçirirlər. Anti-Azərbaycan  qüvvələr   bu proseslərə  ölkəmizdəki “5-ci kolonun” üzvlərini də  cəlb edirlər. Ancaq onu deyə bilərəm ki, onların bu hərəkətləri Azərbaycanı və onun lideri Prezident İlham Əliyevi tutduğu yoldan geri döndərə bilməyəcək. Onların başladığı əks-təbliğat kampaniyası növbəti dəfə fiaskoya uğryacaq. Çünki bu gün Azərbaycanda sözün əsl mənasında xalq-iqtidar birliyi var və xalq ölkə başçısının həyata keçirdiyi  genişmiqyaslı islahatları dəstəkləyir. Ölkə başçısı da dəfələrlə söylədiyi kimi, xalqın ona dəstəyinə arxalanaraq  islahatlar prosesini daha da dərinləşdirir. Məhz Azərbaycan Prezidentinin yürütdüyü  ciddi  hərtərəfli islahatlar nəticəsində ölkə əhalisinin sosial rifah halı daha da yaxşılacaq. Necə ki, cənab İlham Əliyev 2018-ci ildə president seçkilərində bəyan etdiyi kimi, növbəti mərhələ sosial dövlət quruculuğu dönəmi olacaq. Xalq sosial rifah halının yüksək olduğu inkişaf etmiş sosial bir dövlətdə yaşayacaqlar”,- C.Osmanov bildirib.

Deputat onu da qeyd edib ki, ölkə başçısı verdiyi bu vədləri vaxt itirmədən  davamlı olaraq həyata keçirir:

 “Bu məqsədlə yuxarıda səsləndirdiyim kimi, genişmiqyaslı islahatlar həyata keçirilir. Azərbaycan Prezidenti bəyan edib ki, bu islahatlar davamlı olacaq. Biz hələ qarşıda  xalqın  yaxşı yaşamasını təmin edəcək daha ciddi islahatların  şahidi olacağıq. Bu isə təbii ki, ölkəmiz gözügötürməyən qüvvələri narahat emtəyə bilməz. Bir daha qeyd edirəm ki, onların ölkəmizə qarşı həyata keçirdiyi çirkin əməllərin və bəd niyyətlərin heç bir  baş tutmayacaq.   Xalq onların bu niyyətlərinin arxasında nə durduğunu yaxşı bilir. Xalq xaosu deyil, sabitliyi seçir. Sabitliyi seçən xalq Prezident  İlham Əliyevin ətrafında sıx birləşib və onalrın bu çirkin əməlləri xalqı  liderinin ətrafında daha sıx birləşməyə sövq edir”.

Mürtəza
Ölkə.az

 

ŞƏRH YAZ
0
BAĞLA