“Azərbaycan maraqları təmin olunmayan heç bir sənədə imza atmır” — Politoloqların ŞƏRHİ

“Azərbaycan maraqları təmin olunmayan heç bir sənədə imza atmır”
18:08
14.05.2019
1229
Siyasət
A
“Brüsseldə Avropa İttifaqının “Şərq tərəfdaşlığı” proqramının 10 illiyinə həsr olunmuş sammitin yekunu olaraq qəbul edilən yekun bəyannamədə üzv ölkələrin ərazi bütvölüyünün tanınmaması təəssüf doğuran məsələdir. “Şərq tərəfdaşlığı” bir daha ermənilərin işğal siyasətini pisləmədi və bu məsələ bəyannamədə əksini tapmadı”.

Bunu “Ölkə.Az”a açıqlamasında Cənubi Qafqaz Politoloqlar klubunun rəhbəri İlqar Vəlizadə deyib.

Onun sözlərinə görə, Avropa İttifaqı Gürcüstan və Ukraynanın ərazi bütölüyün pozulması ilə bağı Rusiyaya ən sərt mövqe sərgiləyib sanksiyalar tətbiq edir, Azərbaycana gəldikdə isə fərqli mövqe sərgiləyir. Rusiyanı işğalçı kimi tanısalar da, işğalçı Ermənistana tamamilə fərqli mövqe sərgiləyirlər.

 “Belə olan halda Azərbaycan “Şərq tərəfdaşlığı”nın yekun bəyannaməsinə imza atmamaqda düz edib.  Əgər bir sənəd Azərbaycanın maraqlarına uyğun deyilsə, ora niyə imza atmalıdır?!  Azərbaycan maraqları təmin olunan sənədlərə imza atmalıdır”,- politoloq qeyd edib.

Politoloq Tofiq Abbasov  “Ölkə.Az”a açıqlamasında deyib ki, NATO və digər beynəlxalq təşçkilatlar ölkələrin ərazi bütövlüyünə ciddi yanaşsalar da,  Aİ-nin “Şərq tərəfdaşlığı”nın  son sammitindən üzv ölkələrin ərazi bütövlüyünə hörmətlə yanaşmaması  nəticədə dünyada qlobal xaosa yol aça bilər. “Dünyada xaos yaradacaq qüvvələr isə yetərincədir.  Elə biz bunu qonşu Ermənistanın timsalında  göstərə bilərik. Ermənistan bu gün dünyanın təhlükəsizlik sisteminə ciddi təhlükədir. Ona görə də belə ciddi məqamlara  diqqət yetirilməməsi yol verilməzdir. Bu baxımdan bəyannamədə Azərbaycanın maraqları təmin olunmadığından sənədə imza atmayıb və buna görə düzgün edib. Azərbaycan hesab edir ki, belə hərəkətlərə yol vermək olmaz. Əgər belə hallar davam edəcəksə, o zaman dünyanı qarşıda  risklər gözləyəcək”,- T.Abbasov deyib.

Politoloq Elxan Şahinoğlu isə hesab edir ki, Avropa İttifaqı ölkələrinin və “Şərq tərəfdaşlığı” təşəbbüsünə qoşulan ölkələrin xarici işlər nazirləri tərəfdaşlığın 10 illiyinə həsr edilmiş yekun bəyannamədə tərəfdaş ölkələrin ərazi bütövlüklərinin vurğulanmaması Azərbaycanın maraqlarına uyğun deyil:
“Birincisi, ərazi bütövlüyü prinsipi Avropa dövlətləri üçün başlıca prinsiplərdən sayılır. Məsələn, Avropa Parlamenti bu illər ərzində tərəfdaş ölkələrin, o cümlədən Azərbaycanın ərazi bütövlüyünü vurğulayan qətnamələr qəbul edib. Demək Avropa Komissarlığı ən azı Avropa Parlamentinin qətnamələrinə uyğun bəyannamə hazırlamalı idi. 

Bunun nəticəsində Azərbaycan nümayəndə heyəti sənədi imzalamaqdan imtina etdi. Etiraza baxmayaraq, bəyannamənin mətni dəyişdirilməyib və əvəzində statusunu aşağı salmağa qərar veriblər. Belə ki, bəyannaməni nazirlər yox, təkcə Avropa İttifaqının xarici siyasət və təhlükəsizlik siyasəti üzrə ali nümayəndəsi Federiko Mogerini imzalayıb.

İkincisi, Avropa Komissiyasının prezidenti Jan-Klod Yunker “Şərq Tərəfdaşlığı Proqramı”nın 10 illiyinə həsr olunmuş Yüksək Səviyyəli Konfransın açılışında özü deyib ki, dondurulmuş münaqişələrin həlli Avropa üçün prioritet məsələlərdəndir. Demək, əvvəlcədən bəyannamə ilə tanış olan Jan-Klod Yunkerin öz prinsiplərini əsas tutaraq ərazi bütövlüyü bəndinə lazımınca diqqət yetirməli idi. Ərazi bütövlüyü prinsipi vurğulanmadan Jan-Klod Yunkerin dediyi kimi “Avropanın sülh içində olması mühümdür” yanaşmasının reallaşması mümkün deyil.

Üçüncüsü, Gürcüstan və Ukraynanın mövqeyi maraq doğurur. Gələn xəbərlərə görə, bu iki ölkənin nümayəndə heyəti ərazi bütövlüyünün bəyannaməyə salınmasında Azərbaycan nümayəndə heyəti qədər israrlı olmayıb. 

Dördüncüsü, hazırda Avropa İttifaqına rəhbərliyi həyata keçirən  Azərbaycanın Avropa ölkələri arasında stateji tərəfdaşı olan Rumıniyanın bəyannamənin mətninə təsir imkanı olduğu halda ərazi bütövlüyü məsələsinə həssas yanaşmaması sual doğurur”,- politoloq bildirib. 

Bununla belə E.Şahinoğlu  onu da əlavə edib ki, ərazi bütövlüyü ilə bağlı bəyannamələrin, bəndlərin qəbulu bizim üçün vacibdir, ancaq həmin bəndi vurğulayan qətnamələr belə Dağlıq Qarabağ münaqişəsinin həllini sürətləndirmir: “Yəni bu məsələni faciəyə də çerivməyə ehtiyac yoxdur”.

Mürtəza
Ölkə.Az

 

ŞƏRH YAZ
0

Paşinyan ermənilərə kredit verilməsindən İMTİNA ETDİ

Paşinyan ermənilərə kredit verilməsindən İMTİNA ETDİ
15:47
20.08.2019
1884
Siyasət
A
"Paşinyan Ermənistan banklarının İran ermənilərinə kredit verilməməsini dəstəkləyib".

“Ölkə.Az” xəbər verir ki,  Çaxkadzorda  biznes-forumda çıxış edən baş naziri Nikol Paşinyan İranda yaşayan ermənilərə müraciət edərək,  Ermənistan  bankı onlara kredit vermirsə, digər banklara müraciət etməyi tövsiyyə edib.

“Çünki hökumət  banklara İran ermənilərinə kredit verməyə məcbur edə bilməz. Banklar   özəldir.Onların eyni zamanda xarici investorları var.  Hökumət xüsusən də bankların kimlərə kredit verməsi məsələsində onların işinə müdaxilə edə bilmir ”-Paşinyan deyib.
Paşinyan bunun səbəbini beynəlxalq aləmdə İran ətrafında yaranmış durumla izah edib: “İran ermənilərinə kreditlərinin verilməməsinin başqa bir siyasi səbəbi var, bu da ondan ibarətdir ki, beynəlxalq aləmdə bu ölkə ətrafında yaranan siyasi konyukturadır. Ona görə də həmin bankların kredit verməkdən imtina etməyin səbəbini anlamaq lazımdır”.

Ölkə.Az

ŞƏRH YAZ
0

Saakaşvili: "Bütün dünya Qarabağı Azərbaycanın hesab edir"

Saakaşvili:
15:05
20.08.2019
1497
Siyasət
A
Qarabağ Azərbaycandır! Bu mövqe dəyişməyib və dəyişmir.

 Bu fikirləri Media.Az-a eksklüziv  açıqlamasında Gürcüstanın sabiq prezidenti Mixeil Saakaşvili səsləndirib. 

"Yeni Qüvvələr Hərəkatı" partiyasının lideri bildirib ki, bütün dünya Qarabağı Azərbaycanın hesab edir. O, Qarabağı Ermənistana "daxil edən" Ermənistanın baş naziri Nikol Paşinyanın son açıqlamalarına münasibət bildirib.“Bir daha təkrar edirəm: bütün dünya Azərbaycanın ərazi bütövlüyünü dəstəkləyir. Bu, birinci. İkinci, ümid edirəm ki, Qafqazda yeni müharibə baş verməyəcək ", - deyə Mixeil Saakaşvili qeyd edib.

Mixail Saakaşvili Gürcüstana səfər planları barədə suala cavabında bildirib ki, Gürcüstanda 2001-ci ildə qurucusu olduğu Vahid Milli Hərəkat (VMH) partiyası fəaliyyət göstərir. "Amma siz başa düşməlisiniz ki, indi Gürcüstanda normal demokratiya yoxdur. Odur ki, bu, (Gürcüstana gəliş – red.) o qədər də asan deyil. Mən məmnuniyyətlə heç olmasa indi gedərdim. Lakin mən mümkün qan tökülməsindən, digər ölkələrin birbaşa hərbi müdaxiləsindən qaçmaq istəyirəm. Oliqarxdan qorxmuram (Bidzina İvanişvilini nəzərdə tutulur – Red.). Amma partiyamız fəal işləyir, orada gənclər çoxdur. Biz daim təmasdayıq", - deyə Mixail Saakaşvili bildirib.                                                   

Ölkə.Az

ŞƏRH YAZ
0
BAĞLA