KORONAVİRUSA YOLUXANLARIN SAYI - CANLI STATİSTİKA

Azərbaycan mədəniyyətinə ağır itki — FOTO

Azərbaycan mədəniyyətinə ağır itki
14:53
12.03.2020
6197
Mədəniyyət
A
Azərbaycan mədəniyyətinə ağır itki üz verib.

Mədəniyyət Nazirliyindən "Ölkə.Az"a verilən məlumata görə, Azərbaycan rəngkarlıq məktəbinin görkəmli nümayəndəsi Gülarə Məcidova 2020-ci il mart ayının 12-də, 77 yaşında vəfat edib.

Gülarə Məcidova 1943-cü ildə Bakıda anadan olub. O, 1963-cü ildə Ə.Əzimzadə adına Rəssamlıq məktəbini, 1972-ci ildə isə M.A.Əliyev adına İncəsənət İnstitutunu bitirib. 

Milli rəssamlığımızın zəngin ənənələrini öz uzunillik yaradıcılığında əks etdirən Gülarə Məcidova təsviri sənətimizin inkişafı yolunda yorulmadan çalışan tanınmış fırça ustası idi. Onun məharətlə yaratdığı əsərlər Azərbaycan rəssamlıq məktəbinə ölkəmizin hüdudlarından kənarda da şöhrət qazandırıb.

O, “Kənd həyəti”, “Baharın gəlişi”, “Buzovnada məhəllə”, “İçərişəhərdə günorta”, “Orta əsr. Azərbaycan qadını”, “Kənd toyu” və başqa əsərlərin müəllifidir. 

Gülarə Məcidova 1980-ci ildən Azərbaycan Rəssamlar İttifaqının üzvü olub. 1980-ci ildən mütəmadi olaraq Türkiyədə, Moskvada, Qazaxıstanda və başqa ölkələrdə keçirilən sərgilərdə, beynəlxalq simpoziumlarda iştirak edib. 2013-cü ildə fərdi yaradıcılıq sərgisi keçirib, respublika və beynəlxalq sərgilərin fəal iştirakçı olub. 

Allah rəhmət eləsin!

ŞƏRH YAZ
0

Mədəniyyət Nazirliyi Xalq artistinin dəfn mərasimi ilə bağlı vətəndaşlara müraciət etdi

Mədəniyyət Nazirliyi Xalq artistinin dəfn mərasimi ilə bağlı vətəndaşlara müraciət etdi
14:43
27.03.2020
2335
Mədəniyyət
A
“Qaya” vokal-instrumental ansamblının solisti Rauf Babayev 82 yaşında vəfat edib.

"Ölkə.Az" xəbər verir ki, bunu Mədəniyyət Nazirliyinin İctimaiyyətlə əlaqələr şöbəsinin rəhbəri İntiqam Hümbətov bildirib.

Mədəniyyət Nazirliyi koronavirus infeksiyasının qarşısının alınması məqsədilə Azərbaycanda tətbiq olunan xüsusi rejimin qaydalarına riayət olunması üçün Xalq artisti Rauf Babayevin dəfni ilə bağlı vətəndaşlara müraciət edib.

Bu barədə Report-a açıqlama verən İntiqam Hümbətov vətəndaşları karantin qaydalarına riayət etməyə çağırıb:

“Mətbuat vasitəsilə insanlara müraciət edirik ki, heç kim dəfn mərasiminə gəlməsin. Hökumətin karantin rejimi ilə bağlı qərarı var. Hamı buna əməl etməlidir. 10 nəfərdən artıq insanın bir yerdə toplaşmasına icazə yoxdur. Nazirlik mədəniyyət xadiminin itkisi ilə əlaqədar ailəsinə, yaxınlarına və xalqımıza başsağlığı verir”.

Qeyd edək ki, o, bu gün İkinci Fəxri Xiyabanda dəfn olunacaq.

Allah rəhmət eləsin!

ŞƏRH YAZ
0

Xalq artisti VƏFAT ETDİ — FOTO

Xalq artisti VƏFAT ETDİ
12:00
27.03.2020
4437
Mədəniyyət
A
Xalq artisti Rauf Babayev vəfat edib.

“Ölkə.Az” xəbər verir ki, bu barədə Xalq artistinin qohumları “Day.Az”a bildiriblər.
Qeyd edək ki,  “Qaya” qrupunun üzvü 83 yaşında idi.

Ölkə.Az

ŞƏRH YAZ
0
BAĞLA