Azərbaycan millisi tarixində 10-cu dəfə topu öz qapısına vurub — AVTOQOLLAR

Azərbaycan millisi tarixində 10-cu dəfə topu öz qapısına vurub
00:56
07.09.2019
5917
İdman
A
Azərbaycan millisinin AVRO-2020-nin seçmə mərhələsinin Uelslə oyununda avtoqol qeydə alınıb.

"Ölkə.Az" APA-ya istinadən xəbər verir ki, Kardiffdəki görüşdə hesabı öz qapısına qol vuran Pavel Paşayev açıb.

Yığmanın müdafiəçisi milli karyerasında ilk dəfə avtoqol müəllifi olub. Lakin komandamız tarixində yubiley – 10-cu dəfə öz qapısına qol vurub.

Rəşad Sadıqov yığmanın avtoqollar üzrə rekordçusudur. O, 4 dəfə qapıları səhv salıb. İlk avtoqolun müəllifi kimi tarixə düşən Tərlan Əhmədov, həmçinin Emin Ağayev, Emin Quliyev, Maksim Medvedev və Aftandil Hacıyev də P.Paşayev kimi bir dəfə üzülüb.

Azərbaycan yığmasının bütün avtoqolları

7 sentyabr 2002-ci il. AÇ-2004-ün seçmə mərhələ oyunu
Bakı. Azərbaycan – İtaliya 0:2
Tərlan Əhmədov

12 oktyabr 2002-ci il. AÇ-2004-ün seçmə mərhələ oyunu 
Helsinki. Finlandiya – Azərbaycan – 3:0 
Emin Ağayev

14 dekabr 2003-cü il. Yoldaşlıq görüşü
Dubay. BƏƏ – Azərbaycan – 3:3
Emin Quliyev, 4

26 mart 2005-ci il. DÇ-2006-ın seçmə mərhələ oyunu 
Varşava. Polşa – Azərbaycan – 8:0 
Aftandil Hacıyev, 16

29 may 2010-cu il. Yoldaşlıq görüşü.
Bişofshofen. Makedoniya – Azərbaycan – 3:1
Rəşad Sadıqov, 66

7 sentyabr 2010-cu il. AÇ-2012-nin seçmə mərhələ oyunu
Köln. Almaniya – Azərbaycan – 6:1
Rəşad Sadıqov, 53

13 oktyabr 2014-cü il. AÇ-2016-nın seçmə mərhələ oyunu
Osiyek. Xorvatiya – Azərbaycan – 6:0
Rəşad Sadıqov, 61

1 sentyabr 2017-ci il. DÇ-2018-in seçmə mərhələ oyunu
Oslo. Norveç – Azərbaycan – 2:0
Rəşad Sadıqov, 60

23 mart 2018-ci il. Yoldaşlıq görüşü
Bakı. Azərbaycan – Belarus – 0:1
Maksim Medvedev

6 sentyabr 2019-cu il. AÇ-2020-nin seçmə oyunu
Kardiff. Uels – Azərbaycan – 1:0 (davam edir)
Pavel Paşayev

Ölkə.Az

ŞƏRH YAZ
1

Avro-2020 könüllüləri üçün xüsusi gecə təşkil olunub — FOTO

Avro-2020 könüllüləri üçün xüsusi gecə təşkil olunub
23:01
25.01.2020
415
İdman
A
AFFA tərəfindən 2019-cu ilin iyun ayından etibarən könüllülərin qeydiyyat mərhələsinə start verilib.

"Ölkə.Az" xəbər verir ki, 5 ay ərzində 6797 könüllü namizəd qeydiyyatdan keçib.

Müraciət sayına görə Bakı şəhəri Avropa çempionatı təşkil olunacaq 12 şəhər arasında ən yüksək göstəriciyə sahibdir. 6000-dən çox namizədlə təkbətək müsahibə aparılıb.

Bu oyunlarda fəaliyyət göstərəcək könüllülər üçün bu gün “Elektra Events Hall”da xüsusi gecə təşkil olunub. Tədbirdə AFFA-nın prezidenti Rövnəq Abdullayev, Gənclər və İdman naziri Azad Rəhimov, AFFA-nın baş katibi Elxan Məmmədov, Avro-2020-nin Bakıda keçiriləcək oyunlarının səfiri Vəli Qasımov, Könüllülər proqramının səfiri Taleh Yüzbəyov iştirak edib. Çıxışlar zamanı Prezident İlham Əliyevin gənclərin fərdi inkişafına təkan vermək, onlarda sosial məsuliyyət hissini artırmaq, gəncliyin potensialından xalqın rifahı və ölkəmizin dayanıqlı inkişafı üçün səmərəli istifadə etmək məqsədilə 2020-ci ili Azərbaycanda “Könüllülər ili” elan etməsi xüsusi qeyd olunub. Rövnəq Abdullayev və Azad Rəhimov çıxışlarında öz kreativliyi, təşəbbüskarlığı, innovativ düşüncə tərzi və müasir dünyagörüşləri ilə Avro-2020-yə yeni nəfəs verən könüllülərin və könüllü fəaliyyətinin əhəmiyyətindən bəhs ediblər.

Çıxışlardan sonra Rövnəq Abdullayev, Azad Rəhimov və Elxan Məmmədov tərəfindən Avro-2020-nin Bakını təmsil edən səfiri Vəli Qasımova, həmçinin Bakı Könüllülər Proqramının səfiri Taleh Yüzbəyova ölkə əhəmiyyətli idman tədbirində göstərdikləri dəstək və fəaliyyətə görə mükafatlar təqdim edilib. Eyni zamanda, 4 ən aktiv könüllü hədiyyələrlə təltif olunub. 1500-dən çox könüllünün qatıldığı gecənin sürpriz qonağı isə sevilən müğənni Dilarə Kazımova olub. Daha sonra gecə əyləncə proqramı ilə davam edib.

ŞƏRH YAZ
0

Şəhriyar Məmmədyarovdan növbəti heç-heçə

Şəhriyar Məmmədyarovdan növbəti heç-heçə
22:35
25.01.2020
293
İdman
A
Yanvarın 25-də Cəbəllütariqdə beynəlxalq şahmat festivalının “Masters” turnirinin beşinci turunun oyunları keçirilib.

"Ölkə.Az" azərtac-a istinadən xəbər verir ki, Azərbaycan şahmatçısı Şəhriyar Məmmədyarov növbəti heç-heçəyə imza atıb.

Beşinci turda onun təqibi argentinalı Fernando Peralta olub. Komandamızın digər üzvü Vasif Durarbəyli isə çinli idmançı Hao Yanqın öhdəsindən gələ bilməyib. Beş turdan sonra hər iki şahmatçımızın aktivində 3,5 xal var.

“Masters” turnirinə dünyanın müxtəlif ölkələrindən 241 şahmatçı, o cümlədən 116 qrossmeyster qatılıb.

ŞƏRH YAZ
0
BAĞLA