"Azərbaycan millisi təşkilatlanmış futbol sərgiləyir" — Litva yığmasının baş məşqçisi

19:26
24.03.2019
907
İdman
A
"Bakıda olmaq xoşdur. Uzun yol qət etdik, yorğunuq. Amma yoldaşlıq matçı olsa da, çox ciddi hazırlaşırıq. Növbəti seçmə mərhələnin görüşləri üçün futbolçulara baxırıq. Hər iki komanda AVRO-2020-nin seçmə mərhələsinə məğlubiyyətlə başladı".

"Ölkə.Az" report-a istinadən bildirir ki, bunu Litva yığmasının baş məşqçisi Valdas Urbonas Bakıda Azərbaycan millisinə qarşı keçirəcəkləri oyun haqda danışarkən deyib.

52 yaşlı mütəxəssisin sözlərinə görə, Azərbaycan millisi AVRO-2020-nin seçmə mərhələsinin I turunda Xorvatiyaya 1:2 hesabı ilə uduzduğu görüşdə yaxşı təsir bağışlayıb: "Azərbaycan yığması təşkilatı və mübarizə baxımından xoşuma gəldi. Xorvatiyadan pozitiv nəticə ilə qayıtmağa bir az çatmadı. Azərbaycan millisi təşkilatlanmış futbol sərgilər. Bu da yığmada səviyyəli futbolçuların olmasından xəbər verir. Baş məşqçi dəyişikliyi olsa da, komandanın oyununa ciddi təsir etməyib. Biz ilk növbədə öz oyunumuzu düşünürük. Xətlər arası əlaqəyə diqqət yetirməliyik".

Baş məşqçi seçmə mərhələnin ilk turunda səfərdə Lüksemburq 1:2 hesabı ilə uduzmaqlarına da toxunub: "İndi dünyada hamı futbol oynamağı bacarır. Lüksemburq zəif rəqib deyil. Azərbaycan vitse-çempiona uduzub. Biz yalnız dünya çempionuna məğlub olsaydıq, özümü burda rahat hiss edə bilərdim. Rəqibin futbolçuları ayrı-ayrılıqda fərqləndirməzdim. Bəlkə də qol vuranın adını çəkmək olar. Azərbaycan Xorvatiya ilə görüşdə müdafiədə və əks-hücumda yaxşı təsir bağışladı".

Qeyd edək ki, martın 25-də keçiriləcək matç saat 18:00-da başlayacaq.

Ölkə.Az

ŞƏRH YAZ
0

Klub prezidenti Şeydayevin transferi barədə: “Sabah”la müqavilə onun Avropaya yolunu bağlamır”

Klub prezidenti Şeydayevin transferi barədə: “Sabah”la müqavilə onun Avropaya yolunu bağlamır”
15:01
17.02.2020
350
İdman
A
“Sabah” klubunun Azərbaycan millisinin əsas üzvlərindən Ramil Şeydayevi heyətinə cəlb etməsi bir qədər gözlənilməz olub.

"Ölkə.Az" oxu.az-a istinadən xəbər verir ki, “Qarabağ”dan ayrıldıqdan sonra Rusiya Premyer Liqa təmsilçisi “Krılya Sovetov”da çıxış edən, daha sonra bu ölkənin “Dinamo” klubuyla anlaşan Şeydayevin karyerasını ölkə xaricində davam etdirəcəyi gözlənilirdi. Lakin 23 yaşlı hücumçu Azərbaycana qayıtmaq qərarını verdi. Özü də Premyer Liqanın gənc klublarından olan “Sabah”a...

Futbolçunun keçidi ilə bağlı Bakı təmsilçisinin prezidenti Maqsud Adıgözəlovun fikirlərini öyrəndik:

“Ramil Şeydayev bu gün Azərbaycanın ən səviyyəli futbolçularından biridir. Yığmamızın əsas heyət üzvlərindəndir. Rusiya Premyer Liqasında oyun təcrübəsi var. Fikrimcə, onun keçidi “Sabah”a böyük xeyir verəcək. Komandamızın onun kimi hücumçuya ehtiyacı var idi”.

Hazırda azərbaycanlı futbolçular arasında ölkə xaricində uğurlu legioner karyerası yaşayan çox azdır. Bir çox futbol mütəxəssisləri bu amilin milli komandamızın çıxışına birbaşa təsir etdiyi fikrindədir. Ramil Şeydayev Azərbaycan millisinin əsas üzvlərindən hesab olunur. “Krılya Sovetov”dakı çıxışı ilə yerli futbolsevərləri ümidləndirən 23 yaşlı hücumçunun ən azı bu ölkədə çıxışını davam etdirəcəyinə inam çox idi. Lakin onun yenidən ölkə çempionatına üz tutması yerli futbol ictimaiyyəti tərəfindən heç də birmənalı qarşılanmadı.

“Sabah”ın prezidenti Maqsud Adıgözəlovun bu məsələyə münasibəti belə olub:

“Niyə biz düşünürük ki, səviyyəli azərbaycanlı oyunçular yerli çempionatda oynamamalıdır? Bu cür məntiqlə yanaşsaq, Azərbaycan klublarında ancaq legioner futbolçular oynamalıdır. Biz çempionatımızın səviyyəsini artırmaq üçün yerli və ya əcnəbi olmasına baxmayaraq, səviyyəli futbolçularla güclənməliyik. Güclü Azərbaycan çempionatı olmadan Avropa səviyyəli azərbaycanlı futbolçuların yetişməsindən danışmaq yersizdir. “Sabah”la müqavilə onun Avropaya yolunu bağlamır. Bizim Ramillə çox yaxşı münasibətimiz var. Əgər onun Avropaya yollanmaq imkanı yaransa, “Sabah” bununla bağlı heç bir problem yaratmayacaq”.

Adıgözəlov həmçinin, Ramil Şeydayevin “Sabah”a transferinin komandadakı gənc futbolçular üçün böyük stimul olduğunu bildirib:            

“Biz klubun formalaşmasında beynəlxalq təcrübədən faydalanırıq. İstər futbolçu, istər məşqçi, istərsə də əməkdaş seçimində bu amili əsas tuturuq. Bu gün “Sabah”da Futbol Akademiyasına böyük diqqət göstərilir. Həm əvəzedicilər, həm də U-19 və U-17 komandalarımız çıxış etdikləri çempionatda liderlər qrupunda qərarlaşıb.

Sadaladığım amillər bizim düzgün yolda olduğumuzdan xəbər verir. Bu qış toplanışında U-19 komandamızın dörd üzvü əsas komanda ilə birlikdə Antalyada təlim-məşq toplanışına qatıldı. Bu, həmin uşaqlar üçün böyük təcrübə oldu. Ramil Şeydayev kimi Azərbaycan millisinin əsas heyət üzvlərindən birinin “Sabah”da oynaması, öz gələcəyini bizim klubda görən gənclərə böyük stimul verir. Bu gün Ramilə oynamaq, qollar vurmaq, bizə isə mövsümün əvvəlində qarşımıza qoyduğumuz məqsədə çatmaq lazımdır. İnanıram ki, bu mübarizədə Şeydayevin bizə çox böyük köməyi dəyəcək”.

Futbolçu karyerasına Rusiyanın “Zenit” klubunda başlayan Ramil daha sonra Sankt-Peterburq klubunun əsas komandasında çıxış edib. Şeydayev “Zenit”dən başqa, Rusiyanın “Rubin”, “Krılya Sovetov”, “Dinamo” (Moskva), həmçinin Türkiyənin “Trabzonspor”, Slovakiyanın “Jilina” klublarında və ölkəmizdə “Qarabağ”da çıxış edib. Rusiyanın aşağı yaş qrupları ilə yanaşı, bu ölkənin U-21 millisində də çıxış etmiş Şeydayev 2016-cı ildən Azərbaycan yığmasının uğurları üçün çalışır. O, əsas millimizdə keçidriyi 26 oyunda dörd qola imza atıb.

ŞƏRH YAZ
0

AZE Nakhcivan-Köln SK Futbol Klubu rəsmən fəaliyyətə başladı

AZE Nakhcivan-Köln SK Futbol Klubu rəsmən fəaliyyətə başladı
13:51
17.02.2020
350
İdman
A
Almanyanın Köln şəhərində fəaliyyət göstərən AZE Nakhcivan-Köln SK Futbol Klubunun təqdimat mərasimi keçirilib.

Bu barədə “Ölkə.Az” klubun mətbuat xidmətindən məlumat verilib.

Bildirilib ki, Klubun bazasında baş tutan açılış mərasiminə Türkiyə mediası da diqqət ayırıb. Tədbirdə Türkiyə və Azərbaycanın idman sahəsində işbirliyinin önəmi vurğulanıb.

Klubun prezidenti Aydın Karaca tədbirdə çxışında Almanyada yeganə Azərbaycan klubunun açılışını həyata keçirməkdən məmnunluğunu ifadə edib: “Biz Türkiyə türkləri Azərbaycanın qardaş toplumu olduğumuz üçün idman sahəsindəki bilgi və təcrübəmizi onlarla paylaşmaq istəyirik. Hədəfimiz uşaq futboluna diqqət ayırmaq, peşəkar və səviyyəli gənc futbolçular yetişdirməkdir. Azərbaycanlı övladlarımızın yüksək səviyyəli futbolçu olaraq yetişməsi bizim üçün vacib məsələdir. Çalışırıq ki, azərbaycanlı istedadlar daha yüksək səviyyəli məşq prosesindən keçsin. Uşaqlarımızın inkişaf etməsi və onların səslərinin Avropanın adlı-sanlı klublarından gəlməsi bizim üçün qürurdur”.

Dünya Azərbaycanlıları Assambleyasının rəhbəri və AZE Nakhcivan-Köln SK Futbol Klubunun vitse-prezidenti Rəşad Quliyev Avropadakı Azərbaycan türklərinin bir futbol klubu olmadığı üçün bu qərarı verdiklərini bildirib. Rəşad Quliyev klubun adının Naxçıvan olmasını xüsusi olaraq istədiklərini ifadə edib: “Bilirsiniz ki, Naxçıvan Türkiyə ilə sərhəddə muxtar respublikadır. Naxçıvanı və Naxçıvanın timsalında Azərbaycanı Avropada tanıtmaq, eyni zamanda Azərbaycan futboluna dəstək vermək üçün bu klubun açılmasına qərar verdik. Bilirsiniz ki, Almaniya futbolu reytinqinə görə dünyada 3-cü yerdədir. Burada uşaq futboluna fərqli yanaşma var. Hesab edirəm ki, Almaniya məktəbinin xüsusiyyətlərini mənimsəmək Azərbaycan futbolunun inkişafına müsbət təsir edəcək. Çox ciddi planlarımız var. Bu planların həyata keçirilməsi üçün var gücümüzlə çalışacağıq. Bu həm də bir milli məsələdir”.
Qeyd edək ki, iki illik fəaliyyətdən sonra açılışı həyata keçirilən AZE Nakhcivan-Köln SK Futbol Klubu rəsmən fəaliyyətə başlayıb.

Ölkə.Az

 

ŞƏRH YAZ
0
BAĞLA