Azərbaycan neft hasilatı ilə bağlı məlumatları OPEC-ə təqdim edib

Azərbaycan neft hasilatı ilə bağlı məlumatları OPEC-ə təqdim edib
11:52
12.07.2018
2448
İqtisadiyyat
A
Azərbaycanda iyun ayı ərzində gündəlik neft hasilatı 792 min barrel olub. Bunun 739 min barrelini xam neft, 53 min barrelini kondensat təşkil edib.

"Ölkə.Az" xəbər verir ki, gündəlik 622 min barrel xam neft, 53 min barrel kondensat, 12 min barrel isə neft məhsulları ixrac edilib. 

Energetika Nazirliyi iyun ayı ərzində gündəlik neft hasilatı ilə bağlı məlumatları OPEC-in Birgə Monitorinq Komitəsinin Müştərək Texniki Komissiyasına təqdim edib.

 Qeyd edək ki, gündəlik neft hasilatı cari ilin yanvar ayında 814,6 min barrel, fevral ayında 806 min barrel, mart ayında 794 min barrel, aprel ayında 785,7 min  barrel, may ayında isə 801 min barrel olub. 

Xatırladaq ki, 2016-cı il noyabrın 30-da OPEC üzrə gündəlik neft hasilatının 1,2 milyon barrel azaldılaraq 32,5 milyon barrelə endirilməsi barədə razılıq əldə olunub. Dekabrın 10-da isə Vyanada OPEC üzvləri ilə təşkilata daxil olmayan 11 ölkə, o cümlədən Azərbaycan ümumi hasilatın sutkada 558 min barrel azaldılması barədə sazişə imza atıb. Ötən ilin 30 noyabrında isə OPEC Nazirlər Şurasının 173-cü iclası çərçivəsində Neft İxrac Edən Ölkələr Təşkilatına (OPEC) üzv və kartelə daxil olmayan dövlətlərin nazirlərinin üçüncü görüşündə neft hasilatının azaldılmasına dair sazişin müddətinin 2018-ci ilin sonuna kimi uzadılması ilə bağlı qərar qəbul olunub.  Cari ilin iyunun 23-də OPEC və qeyri-OPEC ölkələri nazirlərinin 4-cü iclasında hasilat kvotasının 100 faizlik icrası, yəni neft hasilatının sutkada 1 milyon barrel artırılması ilə bağlı razılıq əldə olunub. Azərbaycanın da dəstəklədiyi bu qərar iyulun 1-dən qüvvədədir.

ŞƏRH YAZ
0

“Aqrar sahədəki riskləri dövlət öz üzərinə götürəcək” — Ekspert

“Aqrar sahədəki riskləri dövlət öz üzərinə götürəcək”
12:55
Bu gün
184
İqtisadiyyat
A
“Aqrar sığorta haqqında” qanun layihəsinin üstün cəhəti odur ki, aqrar sahədəki risklərin hamısını dövlət öz üzərinə götürür”.

“Ölkə.Az” xəbər verir ki, bunu Milli Məclisin Aqrar siyasət komitəsinin eksperti Zahid Abbasov adı çəkilən qanun layihəsinin komitədə müzakirəsi zamanı deyib.

 Onun sözlərinə görə, sığorta şirkətləri  kənd təsərrüfatı məhsullarının sığortası ilə məşğul olmur:

 “Sığorta təşkilatları burada ziyana düşəcəklər deyə sığorta etmirlər. Bu günkü qanun layihəsinin ən böyük üstünlüyü dövlətin aqrar sığortada olan riskləri öz üzərinə götürməsidir”.

Ekspert əlavə edib ki, qanunvericiliyə uyğun olaraq  qeyri kommersiya təşkilatı yaradılır və bu  qurum sahibklara, insanlara sığorta hadisəsi zamanı sığorta verəcək. Əgər qurumda ilin sonunda vəsait artıq qalacaqsa, vəsait  qurumun maliyyə imkanın artırılmasına və yaxud da sahibkara ziyanın ödənilməsinə yönəldiləcək. Qeyri-kommersiya təşkilatlarının mənfəəti üzvlər arasında bölünərək fəaliyyətin genişləndirilməsinə yönəldilir. Onun mənfəəti aqrar sığorta tərəfindən ayrılan sığorta və dölət tərəfindən ayrılan maliyyədir. Qanunun ən böyük üstünlüyü aqrar sahədə olan riskləri aradan qaldıracağı ilə bağlıdır. Bu da prezdent İlham Əliyevin fermerlərə diqqət və qayğısının bariz nümunəsidir”.

Mürtəza
Ölkə.Az

ŞƏRH YAZ
0

Baş bankir manatın vəziyyətindən DANIŞDI

Baş bankir manatın vəziyyətindən DANIŞDI
12:14
Bu gün
267
İqtisadiyyat
A
“Hazırda Azərbaycanda dövriyyədə 213 milyon ədəd pulı nişanı var”.

“Ölkə.Az” xəbər verir ki, bunu Azərbaycan Mərkəzi Bankının sədri Elman Rüstəmov keçirdiyi mətbuat konfransında bildirib.

Onun sözlərinə görə, bunun 45%-i kiçik nominallı əskinaslardır: “Dövriyyədə çox işləndiyinə görə 1, 5 və 10 manatlıqlar dövriyyəyə buraxıldığı ilk il ərzində 80% köhnəlir. Qeyd edim ki, Azərbaycan manatı tam gigiyenikdir, 100% pambıqdır. Aşağı nominallı pulların digər materialdan olan pullarla əvəz olunması barədə araşdırmalar aparılır. Əhali bunu qəbul edərmi ya yox, bu məsələ araşdırılır”, - deyə E.Rüstəmov vurğulayıb.

Ölkə.Az

ŞƏRH YAZ
0
BAĞLA