Azərbaycan neftinin — SON QİYMƏTİ

Azərbaycan neftinin
23:17
20.10.2017
917
İqtisadiyyat
A
CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti oktyabrın 19-da 58,63 dollar/barel təşkil edib ki, bu da çərşənbə gününə olan göstəricidən 0,21 dollar/barel azdır.

“Ölkə.Az”ın Trend-ə istinadən məlumatına görə, bu barədə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti oktyabrın 19-da 57,86 dollar/barel təşkil edib ki, bu da əvvəlki qiymətdən 0,17 dollar/barel azdır.

Novorossiysk limanından yüklənən URALS neftinin qiyməti oktyabrın 19-da 55,16 dollar/barel təşkil edib ki, Trend-ə görə, bu da əvvəlki qiymətdən 0,58 dollar/barel azdır.

Şimal dənizindən hasil edilən "Brent Dated" etalon növlü neftin qiyməti isə oktyabrın 19-da 57,51 dollar/barel təşkil edib. Bu, əvvəlki qiymətdən 0,17 dollar/barel çoxdur.

Ölkə.Az

ŞƏRH YAZ
0

Əhali bir ildə ərzaq, içki və siqaretə 18,6 milyard manat xərcləyib

Əhali bir ildə ərzaq, içki və siqaretə 18,6 milyard manat xərcləyib
20:29
Bu gün
132
İqtisadiyyat
A
2018-ci ildə pərakəndə ticarət şəbəkəsində satılmış məhsulların dəyəri əvvəlki ilin səviyyəsini müqayisəli qiymətlərlə 3,0 faiz üstələyərək 37,1 milyard manata bərabər olub.

"Ölkə.Az" trend-ə istinadən bildirir ki, ticarət dövriyyəsinin 18,6 milyard manatını ərzaq məhsulları, içkilər və tütün məmulatları, 18,5 milyard manatını qeyri-ərzaq məhsulları təşkil edib və satılmış məhsulların dəyəri 2017-ci ilə nisbətən real ifadədə müvafiq olaraq 2,5 faiz və 3,4 faiz artıb.

2018-ci ildə alıcıların son istehlak məqsədilə aldıqları mallara xərclədiyi vəsaitin 45,8 faizi ərzaq məhsullarının, 4,5 faizi içkilər və tütün məmulatlarının, 17,8 faizi toxuculuq məhsulları, geyim və ayaqqabıların, 6,1 faizi elektrik malları və mebellərin, 5,9 faizi avtomobil yanacağının, 1,3 faizi əczaçılıq və tibbi malların, 0,7 faizi kompüterlər, telekommunikasiya avadanlıqları və çap məhsullarının, 17,9 faizi isə digər qeyri-ərzaq məhsullarının alınmasına sərf olunub.

Hesabat ilində istehlak məhsullarının dəyər ifadəsində 16,8 faizi ticarət müəssisələri, 52,9 faizi fərdi sahibkarlar tərəfindən, 30,3 faizi isə bazar və yarmarkalarda satılıb. 2017-ci illə müqayisədə pərakəndə ticarət dövriyyəsi real ifadədə müəssisələr üzrə 33,0 faiz, fərdi sahibkarlar üzrə 0,1 faiz artmış, bazar və yarmarkalarda isə 4,2 faiz azalıb.

2018-ci ildə əhalinin bir nəfərinə düşən orta aylıq pərakəndə ticarət dövriyyəsi 314,8 manat və ya 2017-ci ilin müvafiq göstəricisindən nominal ifadədə 12,9 manat çox olub. Ticarət şəbəkəsində bir ölkə sakini orta hesabla hər ay 158,2 manatlıq ərzaq məhsulları, içkilər və tütün məmulatları, 156,6 manatlıq qeyri-ərzaq məhsulları alıb.

Ölkə.Az

ŞƏRH YAZ
0

Azərbaycan ötən il 7,9 mlrd. kubmetr qaz ixrac edib

Azərbaycan ötən il 7,9 mlrd. kubmetr qaz ixrac edib
20:00
Bu gün
215
İqtisadiyyat
A
2018-ci il ərzində Azərbaycan 7,9 mlrd. kubmetrdən çox təbii qaz ixrac edib.

"Ölkə.Az"ın Dövlət Gömrük Komitəsinin statistikasına əsasən verdiyi xəbərə görə, bu miqdarda təbii qazın dəyəri 1,499 mlrd. ABŞ dollarından çox olub.

Ötən il təbii qaz ixracının Azərbaycanın ümumi ixracında payı 7,71% təşkil edib.

2018-ci ildə ixrac edilən təbii qazın miqdarı 2017-ci ildən 4,7%, dəyəri isə 25,5% çox olub.

Ölkə.Az

ŞƏRH YAZ
0
BAĞLA