KORONAVİRUSA YOLUXANLARIN SAYI - CANLI STATİSTİKA

"Azərbaycan Ordusu dünyada güclü ordular sırasındadır" — Zakir Həsənov

18:23
24.06.2019
2065
Ölkə
A
Müdafiə naziri general-polkovnik Zakir Həsənov Azərbaycan Ordusunun yaradılmasının 101 illiyi münasibətilə şəxsi heyəti təbrik edib.

"Ölkə.Az" xəbər verir ki, təbrikdə deyilir: 

"Cənab zabitlər, yoldaş gizirlər, miçmanlar, kursantlar, çavuşlar, əsgərlər, matroslar və mülki əməkdaşlar! 

Sizi Azərbaycan Ordusunun yaradılmasının 101 illiyi münasibətilə səmimi qəlbdən təbrik edir, dövlət müstəqilliyimizin qorunması və ərazi bütövlüyümüzün təmin edilməsi naminə müqəddəs xidmətinizdə hər birinizə müvəffəqiyyətlər arzulayıram. 

Azərbaycan Ordusunun nizami ordu kimi formalaşması müasir Azərbaycanın dövlətçilik memarı olan böyük tarixi şəxsiyyət ümummilli liderimiz Heydər Əliyevin adı ilə bağlıdır. Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyev Ulu Öndərin siyasi kursunu ordu quruculuğu sahəsində uğurla davam etdirir. Həyata keçirilən irimiqyaslı islahatlar, ordunun ən müasir texnika və avadanlıqlarla təchiz edilməsi, yeni şəhərciklərin inşası və tələb olunan bütün hərbi infrastrukturun yaradılması nəticəsində bu gün Azərbaycan Ordusu nəinki bölgədə, dünyada güclü ordular sırasında layiqli yerlərdən birini tutur. 

Son genişmiqyaslı təlimlər bir daha təsdiqlədi ki, yüksək döyüş qabiliyyətli və mənəvi-psixoloji hazırlıqlı Azərbaycan Ordusunun hər bir hərbi qulluqçusu möhtərəm Prezident, cənab Ali Baş Komandanın istənilən döyüş əmrini uğurla yerinə yetirməyə qadirdir. 
2016-cı ildə aprel döyüşlərində Azərbaycan Ordusunun kiçik bir hissəsi tərəfindən Ermənistan silahlı qüvvələrinin darmadağın edilərək döyüş meydanında üstünlüyümüzün təmin edilməsi, 2018-ci ilin may ayında isə Naxçıvanda həyata keçirilən Günnüt əməliyyatı zamanı torpaqlarımızın bir hissəsinin və strateji əhəmiyyətli yüksəkliklərin işğaldan azad olunması bir daha ordumuzun gücünü nümayiş etdirdi. 

2018-ci ildə Azərbaycan Ordusunun yaradılmasının və Bakının işğaldan azad edilməsinin 100 illiyi münasibətilə keçirilən möhtəşəm paradlar da Azərbaycan Ordusunun qüdrətini göstərdi. 

Müdafiə Nazirliyinin hərbi qulluqçularının aylıq pul təminatı və dövlət qulluqçusu olmayan mülki işçilərinin aylıq vəzifə maaşlarının, eləcə də hərbi qulluqçulara ödənilən müvəqqəti mənzilin kirayəsi üçün pul kompensasiyasının üç dəfə və müharibə veteranlarına ödənilən məbləğin artırılmasından ruhlanan şəxsi heyət Vətən qarşısında vəzifə borcunu şərəf və vicdanla yerinə yetirməkdə davam edir. Dövlət başçısının sərəncamına əsasən hərbi qulluqçular mütəmadi olaraq xidməti və daimi mənzillərlə təmin edilir, onların maddi, sosial-məişət, xidməti şəraitlərinin daha da yaxşılaşdırılması istiqamətində həyata keçirilən tədbirlər bundan sonra da uğurla davam etdiriləcəkdir. 

Əlamətdar bayram günündə Azərbaycanın suverenliyi, müstəqilliyi və ərazi bütövlüyü uğrunda şəhid olanların əziz xatirəsini hörmətlə yad edir, müqəddəs amal naminə sağlamlığını itirmiş hərbçilərimizə, onların ailə üzvlərinə, hörmətli veteranlarımıza da səmimi təbriklərimi və ən xoş arzularımı çatdırıram. 

Əminliklə bildirirəm ki, Azərbaycan Respublikasının Konstitusiyasına, Hərbi Anda və Nizamnamələrə daim sadiq qalaraq, Siz döyüş və mənəvi-psixoloji hazırlığınızı gücləndirəcək, yeni qələbələr əldə etmək üçün səy və bacarıqlarınızı daha da artıraraq Ali Baş Komandanın döyüş əmrini yerinə yetirməyə hazır olacaqsınız. 

Bir daha hər birinizə möhkəm cansağlığı, uzun ömür, ailə səadəti və şərəfli xidmətinizdə uğurlar arzulayıram. 

Bayramınız mübarək olsun!". 

Ölkə.Az

ŞƏRH YAZ
0

“Qızdırması düşmüşdü, KT-də bu diaqnoz çıxdı” — Koronavirusdan vəfat edən Etibar Babayevin xanımı - VİDEO

“Qızdırması düşmüşdü, KT-də bu diaqnoz çıxdı”
09:57
Bu gün
84
Ölkə
A
Ötən gün koronavirusdan dünyasını dəyişən AzTV-nin Kinoproqramlar və dublyaj redaksiyasının baş redaktoru, əməkdar incəsənət xadimi Etibar Babayev bu gün dəfn olunub.

Ölkə.Az “qafqazinfo”ya istinadən xəbər verir ki, dəfn mərasimində mərhumun az sayda yaxınları iştirak edib. Etibar Babayevin həyat yoldaşı Səyyarə Babayeva dövlət televiziyasına açıqlama verib. O, açıqlamasında bildirib ki, E.Babayev iki gün ev şəraitində müalicə alıb və temperaturu 37 dərəcə olub:

“İki gün evdə idi, bir az müalicə aldı. Sonra gördük ki, qızdırması yoxdur, artıq 37,1 dərəcə idi. Ancaq bir qədər təngnəfəs idi. Həkimlə danışdım və məsləhət görüldü ki, ağciyərlərin kompüter tomoqrafiyası edilsin. KT-dən sonra bu diaqnoz çıxdı”.

Ölkə.Az

ŞƏRH YAZ
0

Bakının çıxışlarında sərt karantin rejiminin ilk gecəsi: Tıxac, xaos, tələskənlik, qəza... — VİDEOREPORTAJ

Bakının çıxışlarında sərt karantin rejiminin ilk gecəsi: Tıxac, xaos, tələskənlik, qəza...
09:29
Bu gün
1363
Ölkə
A
Sərt karantin rejiminin tətbiqinə saatlar qaldığı bir vaxtda, paytaxtın çıxış yolları yenə uzun avtomobil karvanına bürünüb. Kimi avtomobilinin pəncərələrini açıb özünü sərinlədir, kimisi də tələskənlik edərək qəza törədir.

Bu mənzərə izləyən hər kəsə tanışdır. Hər dəfə karantin rejiminin tətbiq olunduğu ilk gecədən etibarən belə görüntülər ortaya çıxır. Əksər insanlar qadağa xəbərini eşidər-eşitməz üz tutur Quba, Qusar və digər rayonlara.

Bunun nəticəsidir ki, artıq mövcud epdemiyanın yayıldığı rayon və şəhərlərin sayı da artıb. Buna görə də Nazirlər Kabineti yanında operativ qərargahın qərarı ilə qaydalar daha da sərtləşdirilib.

Yeni qəbul olunmuş qaydalara əsasən, xüsusi karantin rejiminin sərtləşdirildiyi Goranboy, Göygöl və Mingəçevir şəhərləri, Bərdə, Xaçmaz, Samux, Siyəzən və Şəki rayonları daxil olmaqla, Bakı, Cəlilabad, Gəncə, Lənkəran, Masallı, Sumqayıt, Yevlax şəhərlərində və Abşeron rayonunda aşağıdakı tarixlərdə həftəsonları bütün ictimai nəqliyyatın hərəkəti dayandırılıb:

4 iyul saat 00:00-dan 6 iyul saat 06:00-dək;

11 iyul saat 00:00-dan 13 iyul saat 06:00-dək;

18 iyul saat 00:00-dan 20 iyul saat 06:00-dək.

Xüsusi karantin rejiminin sərtləşdirildiyi günlərdə Bakı metrosu da fəaliyyətini dayandıracaq. (baku.tv)

 

ŞƏRH YAZ
0
BAĞLA