Azərbaycan Prezidenti: "Gələn il daha da uğurlu olacaq"

Azərbaycan Prezidenti:
18:54
10.11.2017
3433
Siyasət
A
"Biz bu ili də yaxşı göstəricilərlə başa vuracağıq".

"Ölkə.Az"ın "Report"a istinadən məlumatına görə, bunu Prezident İlham Əliyev noyabrın 10-da Gəncə şəhəri ictimaiyyətinin nümayəndələri ilə görüşündə deyib.  

"Ölkəmizin çox böyük potensialı var - ilk növbədə, insan kapitalı. Biz vəsaiti, əsasən, insan kapitalına yönəltmişik. Əlbəttə ki, iqtisadiyyatımızın dayağı olan enerji sektorunu, qeyri-neft sektorunu, kənd təsərrüfatını, sənaye istehsalını da inkişaf etdiririk. Ona görə, bu gün dünya xəritəsinə baxanda, - əlbəttə, mən Azərbaycanı heç bir ölkə ilə müqayisə etmək istəmirəm, - istər-istəməz görürük ki, doğrudan da, Azərbaycan uğurlu, sürətli, dayanıqlı inkişaf nümunəsi göstərir. Bu, bizi çox sevindirir. Biz bu ili də yaxşı göstəricilərlə başa vuracağıq. Gələn il daha da uğurlu olacaqdır. Mən bu yaxınlarda qeyd etdim ki, bizim heç bir maliyyə problemimiz yoxdur. Əgər olsaydı, biz sosial layihələrə bu qədər vəsait yönəldə bilməzdik. Ona görə, bir daha demək istəyirəm ki, Dram Teatrının və İdman Sarayının, o cümlədən çoxmənzilli 72 binanın təmiri və tikintisi ilə bağlı vəsait qıtlığı olmayacaq. Sadəcə olaraq, siz burada işləri elə qurun ki, bu məsələlər tezliklə öz həllini tapsın və biz sizinlə növbəti açılışlarda görüşək", - dövlət başçısı qeyd edib.

ŞƏRH YAZ
1

“Rusiya çempion olsa, dünyanın sonu olacaq” — 80 yaşlı deputat

“Rusiya çempion olsa, dünyanın sonu olacaq”
17:44
Bu gün
3288
Siyasət
A
“Heç bir futbol komandasının azarkeşi deyiləm. Ona görə də futbolla maraqlanmıram”.

Bu fikirləri “Ölkə.Az”a açıqlamasında Milli Məclisin İntizam Komissiyasının sədri, Azərbaycan Boks Federasiyasının vitse-prezidenti, 80 yaşlı deputat Ağacan Abıyev bildirib.

Deputat futbola maraq göstərmədiyini söyləyib:

“Mən futbolun deyil, boksun fanatıyam. Əgər Dünya Çempionatında bizimkilər oynasaydı, futbola maraq göstərərdim. Vaxtilə SSRİ oynayanda biz də ona baxırdıq, azarkeşlik edirdik. Ancaq indi vaxt olmur ki, futbola baxım. Futbola heç cür azarkeşlik etmirəm. Mən futbola neytral baxıram. Futbol mənim idmanım deyil. Ümumiyyətlə, uşaqlıqdan mənim futbola böyük həvəsim olmayıb”.

A.Abıyev Rusiya futbol komandası ilə bağlı da proqnoz verib:

“Rusiya çox irəli getməyəcək, yəqin ki, çempionatı tərk edəcək. Əgər Rusiya çempion olsa, deməli dünyanın sonu gəlib”.

Hazırda da idmanla məşğul olduğunu vurğulayan deputat cavan nəsilin nümayəndələrini də hər gün səhər idman etməyə çağırıb:

“Mən bu yaşımda belə hər gün səhər ən azı 40-50 dəqiqə idmanla məşğul oluram. Etdiyim idmanların arasında boks aid hərəkətlər də var. İdman mənim üçün həyatdır, sağlamlıqdır. Mən 13 yaşımdan 29 yaşıma qədər 16 il peşəkar boksda vuruşmuşam, öz komandamıza azarkeşlik etmişəm. İndi də boksu çox sevirəm”.

Vasif Həsənli
Ölkə.Az

ŞƏRH YAZ
1

Ekspert: Qarabağdakı aviaşou Paşinyanın zəifliyinin göstəricisidir

Ekspert: Qarabağdakı aviaşou Paşinyanın zəifliyinin göstəricisidir
17:02
Bu gün
2918
Siyasət
A
Nikol Paşinyanın ta əvvəldən Qarabağa həddindən artıq diqqət göstərir. Bu dərhal nəzərə çarpır.

Bir tərəfdən o həqiqətən Azərbaycan ordusunun zərbələrindən çəkinir, belə ki, Bakının onu “yoldan keçən biri” kimi qəbul etdiyini yaxşı anlayır, digər tərəfdən isə, bizim barəsində yalnız gümanlar irəli sürə biləcəyimiz müəyyən məqamla bağlı bilgisi ola bilər.

"Ölkə.Az" xəbər verir ki, bunları rusiyalı politoloq Qriqoriy Trofimçuk Dağlıq Qarabağda keçirilən qanunsuz aviasiya festivalı ilə bağlı Oxu.Az-a verdiyi açıqlamada bildirib.

Onun sözlərinə görə, Ermənistanın baş naziri hökumətin gözündə Sarksyanın əlaltısı sayılan Bako Saakyana o qədər də etibar etmir.

“Görünən odur ki, Paşinyan Ermənistanın daxilində inzibati xaosun getdikcə böyüməsi və yüksək vəzifəli erməni məmurların açıq aşkar təqiblərə məruz qalması fonunda Sarkisyanın tərəfdarlarının Qarabağı öz bazalarına çevirməyə cəhd edəcəklərini istisna etmir.

“Qarabağ klanının” taleyi elə gətirib ki, özlərinə Qarabağda yataq qurmaq məcburiyyətində qalıblar. Sadə dillə desək,  Qarabağ hələ ki, Paşinyan üçün ən problemli məsələlərdəndir. Bu məsələ onu yaman narahat edir”, - deyə agentliyin həmsöhbəti bildirib.

Ekspert bildirib ki, bununla əlaqədar intensiv Ermənistan-Azərbaycan danışıqlarının bərpasına israr edən ABŞ dövlət katibi Mayk Pompeonun son bəyanatına da diqqət ayırmaq yerinə düşər.

“Bunlar hamısı Qarabağ ətrafında baş verən hadisələrdə yeni səhifənin açıldığını təsdiiq edir. Bu artıq uzun illərin “piştaxta arxasında” gedən ləng və əhəmiyyətsiz söhbətlərdən müəyyən mənada fərqli olacaq.”, -deyə Trofimçuk bildirib.

Onun sözlərinə görə, Paşinyanın qırıcının kabinasında özünü “gözə soxması”, siyasi oponentlərinə psixoloji təsir göstərmək məqsədi daşıyır. Qarabağdakı aviasiya festivalı da eyni məqsədi daşıyır. Ancaq hesab edirəm ki, hər şey əksinədir: belə metodlar gücdən yox, daha çox zəiflikdən xəbər verir.

“Müvafiq olaraq, Azərbaycan baş verənlərlə bağlı son müşahidələr əsasında bundan düzgün nəticə çıxara bilər”, -deyə Trofimçuk vurğulayıb.

 

ŞƏRH YAZ
0
BAĞLA