Azərbaycan-Qırğızıstan oyununun hakimləri müəyyənləşib

Azərbaycan-Qırğızıstan oyununun hakimləri müəyyənləşib
19:45
07.05.2018
1015
İdman
A
Azərbaycan və Qırğızıstan milli komandaları arasında yoldaşlıq oyununun hakimləri müəyyənləşib.

"Ölkə.Az"ın məlumatına görə, mayın 29-da keçiriləcək qarşılaşmanı Türkiyədən olan hakimlər idarə edəcək. 

Bakı Olimpiya Stadionunda baş tutacaq qarşılaşmanın referisi Ali Palabıyık olacaq. Ona Serkan Olguncan və İbrahim Çağlar Uyarcan kömək edəcək. Matçın dördüncü hakimi funksiyasını Alper Ulusoy yerinə yetirəcək.

Qeyd edək ki, Azərbaycan – Qırğızıstan oyunu saat 20:00-da başlayacaq.

ŞƏRH YAZ
0

Daha 3 cüdoçumuz mübarizəyə qoşulacaq

Daha 3 cüdoçumuz mübarizəyə qoşulacaq
10:41
Bu gün
33
İdman
A
Bu gün Azərbaycanın daha 3 cüdoçusu dünya çempionatında mübarizəyə qoşulacaq.

"Ölkə.Az" xəbər verir ki, Bakıda davam edən dünya çempionatında bu gün Azərbaycanın daha 3 cüdoçusu tatami üzərinə çıxacaq.

Kişilərdən 73 kq çəkidə yer alan Avropa çempionları Rüstəm Orucovla Hidayət Heydərov mübarizə aparacaq. Onlar mübarizəyə 1/32 final mərhələsindən başlayacaqlar. 27 yaşlı Orucovun ilk rəqibi misirli Məhəmməd Mohyeldin olacaq. 21 yaşlı Heydərov isə iraqlı Sajjad Sehenlə üz-üzə gələcək.

Qadınların yarışında isə 57 kq çəkidə İçinxorlu Munxtsedev qüvvəsini sınayacaq. 1/32 finalda onun bəxtinə almaniyalı Amelie Stoll düşüb.

İlk görüşlər saat 10:00-da start götürüb. Saat 16:00-da isə medal qarşılaşmaları olacaq.

Dünya çempionatı

57 kq

1/32 final. İçinxorlu Munxtsedev - Amelie Stoll (Almaniya)

73 kq

1/32 final. Rüstəm Orucov - Məhəmməd Mohyeldin (Misir)

1/32 final. Hidayət Heydərov - Sajjad Sehen (İraq)

Qeyd edək ki, ilk iki yarış günündə Azərbaycan cüdoçularından ən yüksək nəticəni Kəramət Hüseynov göstərib. 60 kq çəki dərəcəsində yer alan 20 yaşlı idmançı 5-ci yeri tutub.

ŞƏRH YAZ
0

Futbol üzrə Azərbaycan Premyer Liqasında V tura start veriləcək

Futbol üzrə Azərbaycan Premyer Liqasında V tura start veriləcək
09:29
Bu gün
98
İdman
A
Bu gün futbol üzrə Azərbaycan Premyer Liqasında V tura start veriləcək.

"Ölkə.Az" xəbər verir ki, iki günü əhatə edəcək turun açılış matçı "Bayıl Arena"da baş tutacaq. "Səbail" doğma meydanda Premyer Liqanın debütantı "Sabah"ı qəbul edəcək. Bu komandalar indiyədək heç bir rəsmi görüşdə qarşılaşmayıblar.

Günün ikinci matçında bir xalla sonuncu pillədə qərarlaşan "Zirə" turnir cədvəlinin ilk pilləsində yer alan "Neftçi" ilə münasibətlərə aydınlıq gətirəcək. Komandalar bu vaxta qədər çempionatda 12 dəfə üz-üzə gəliblər. Bu oyunlardan 8-də "Zirə", 1-də isə "Neftçi" qələbəyə sevinib. Üç görüş isə heç-heçə başa çatıb. Topların fərqində də qəsəbə təmsilçisi öndədir - 15:7. Flaqman son iki çempionat oyununda rəqibinə uduzmayıb.

Turun digər iki oyunu isə sabah keçiriləcək. Keçirdiyi 4 oyunda yalnız bir xal toplaya bilən "Keşlə" doğma meydanda "Sumqayıt"la üz-üzə gələcək. Komandalar çempionatda 24 dəfə qarşılaşıblar. Bunlardan 12-də meydan sahibləri 5-də isə qonaqlar qələbə qazanıb. 7 görüş isə heç-heçə yekunlaşıb. Topların fərqində də paytaxt təmsilçisinin üstünlüyü var - 36:22. "Gənclik şəhəri" təmsilçisi ardıcıl 4 çempionat oyununda rəqibinə məğlub olmayıb. "Keşlə" isə "Sumqayıt"a qarşı keçirdiyi son 3 matçda xal qazana bilməyib. Paytaxt klubu həmçinin Premyer Liqada ardıcıl 13 görüşdə meydanı qolsuz tərk etməyib.

Tura mərkəzi görüş hesab olunan "Qarabağ" - "Qəbələ" matçı ilə yekun vurulacaq. Bu komandalar Premyer Liqada 38 dəfə qarşılaşıblar. Bunlardan 18-də Ağdam təmsilçisi 10-da isə "Qəbələ" meydanı 3 xalla tərk edib. 12 qarşılaşmada isə qalib müəyyənləşməyib. Topların fərqində də son ölkə çempionu üstündür - 49:36. Komandalar arasında çekirilən üç çempionat oyununda 1-dən çox qol vurulmayıb. "Qarabağ" rəqibinə qarşı keçirdiyi 6 ev oyununun heç birində uduzmayıb.  

Azərbaycan Premyer Liqası V tur

22 sentyabr (şənbə)

“Səbail” – “Sabah”

Hakimlər: Rəvan Həmzəzadə, Nahid Əliyev, Cəmil Quliyev, Ramil Əhmədov

Hakim-inspektor: Rövşən Əhmədov

AFFA nümayəndəsi: Ramiz Abdullayev

“Bayıl Arena”, 18:30

“Zirə” – “Neftçi”

Hakimlər: Rauf Cabbarov, Namiq Hüseynov, Akif Əmirəli, Ömər Paşayev

Hakim-inspektor: Şahin Cəfərov

AFFA nümayəndəsi: Şaiq Həmidov

“Dalğa Arena”, 20:30


23 sentyabr (bazar)

“Keşlə” – “Sumqayıt”

Hakimlər: Orxan Məmmədov, Mübariz Haşımov, Elman Musayev, Rəhim Həsənov

Hakim-inspektor: Əli Hüseynov

AFFA nümayəndəsi: Məmmədəli Məmmədov

“ASK Arena”, 18:30

“Qarabağ” – “Qəbələ”

Hakimlər: Əliyar Ağayev, Zeynal Zeynalov, Rza Məmmədov, Ziya Nəsirov

Hakim-inspektor: Məhəmməd Məmmədov

AFFA nümayəndəsi: Sakin Məmmədzadə

“Azersun Arena”, 20:30

ŞƏRH YAZ
0
BAĞLA