Azərbaycan qoyun sayına görə dünyada 41-cidir
Azərbaycan qoyun ətinin istehsalı üzrə dünyada 28-ci yerdədir.
Bunu “Azərbaycanda Qoyunçuluq Dəyər Zəncirinin İnkişafı: 2025-ci ilə Baxış” seminarında çıxış edən Dəyər Zənciri üzrə beynəlxalq məsləhətçi Mita Pancabi deyib.
O, bildirib ki, 2017-ci ildə ölkədə 79 min ton qoyun əti istehsal olunub. Ölkədə 8 mln. baş qoyun olduğu qeydə alınıb (2007-ci ildə bu göstərici 7 mln təşkil edib). Dünya üzrə bu göstərici 1,2 mlrd-dan artıq olub ki, bu da 8,5%-lik artım deməkdir. Azərbaycan qoyun sayı üzrə dünyada 41-ci yerdədir.
M. Pancabi bildirib ki, Azərbaycanda qoyunçuluğun inkişafına təsir göstərən əsas mənfi amillərdən biri otlaqların az olmasıdır.
Ölkə.Az
