Azərbaycan şahmatçıları Avropa çempionatında uğurla çıxış ediblər

Azərbaycan şahmatçıları Avropa çempionatında uğurla çıxış ediblər
09:00
12.08.2019
493
İdman
A
Slovakiyada yeniyetmələrin və gənclərin şahmat üzrə Avropa çempionatı başa çatıb.

"Ölkə.Az" bildirir ki, Azərbaycan Şahmat Federasiyasından trend-ə bildiriblər ki, gənc şahmatçılarımız qitə çempionatında yüksək nəticə göstəriblər.

Çempionatda 2 qızıl, 1 gümüş və 2 bürünc medal qazanan şahmatçılarımız komanda hesabında Rusiyadan sonra ikinci olublar.

Səkkiz yaşlı qızların turnirində Dinarə Hüseynova və 14 yaşlı qızların yarışında Ayan Allaverdiyeva Avropa çempionatının qızıl medalını qazanıblar. Ayan keçən il də bu yaşda Avropa çempionu olub.

Səkkiz yaşlı qızların yarışında digər təmsilçimiz Səadət Bəşirli gümüş medal qazanıb.

Digər iki şahmatçımız - Yusif Kərimli (8 yaşlı oğlanların yarışında) və 8 yaşlıların son Avropa çempionu Cahandar Azadəliyev (10 yaşlı oğlanlar arasında) isə yarışı üçüncü pillədə başa vurublar.

Ölkə.Az

ŞƏRH YAZ
0

Millimizdən uğursuz start — Dünya çempionatı başladı

Millimizdən uğursuz start
17:25
Bu gün
213
İdman
A
Bu gün Yaponiyanın paytaxtı Tokioda cüdo üzrə dünya çempionatına start verilib.

“Ölkə.Az” qol.az-a istinadən xəbər verir ki, yarışın ilk günü Azərbaycan millisi üçün uğursuz başlayıb. Tatamiyə üç idmançımız mübarizəni erkən dayandırmalı olub.

Davud Məmmədsoy (60 kq) və Aişə Qurbanlı (48 kq) ilk görüşlərini qalib başa vursalar da, növbəti qarşılaşmalarda məğlub olublar. Leyla Əliyeva (48 kq) isə ilk görüşdə portuqaliyalı rəqibinə uduzub.

Avqustun 26-da Nicat Şıxəlizadə (66 kq), Gültac Məmmədəliyeva (52 kq) və Larisa Florian (52 kq) tatami üzərinə çıxacaq.

Ölkə.Az

ŞƏRH YAZ
0

“Fənərbağça” son dəqiqə qolu ilə qalib gəldi — VİDEO

“Fənərbağça” son dəqiqə qolu ilə qalib gəldi
11:15
Bu gün
668
İdman
A
Türkiyə Superliqasında 2-ci turun oyunları keçirilir.

“Ölkə.Az” xəbər verir ki, turun mərkəzi qarşılaşmasında “Başakşəhər” öz meydanında “Fənərbağça” ilə qarşılaşıb.

Matçda hesabı meydan sahibi açsa da, “Fənərbağça” əzmkarlıq nümayiş etdirib. İkinci hissədə 2 qol vuran “Sarı-lacivərdlilər” oyundan 2:1 hesabı ilə qalib ayrılıb.

Beləliklə, “Fənərbağça” 2 oyunda 2 qələbə, “Başakşəhər” isə 2 məğlubiyyətlə yoluna davam edir.

“Başakşəhər” - “Fənərbağça” - 1:2

Qollar: Krivelli, 32 (1:0), Muriqi, 77 (1:1), Dirar, 90+2 (1:2)

Ölkə.Az

ŞƏRH YAZ
0
BAĞLA