Azərbaycan səhiyyəsində əsaslı dönüş yaratmaq olar

“Ölkə.Az” xəbər verir ki, bu, Azərbaycanın 2018-ci ilin dövlət və icmal büdcələri üzrə layihələrində öz əksini tapıb. Layihədə qeyd olunub ki, həmin xərclərin dövlət büdcəsi xərclərinin tərkibində xüsusi çəkisi 3,5 faiz təşkil edəcək. 

Səhiyyə xərcləri üzrə ayrılan vəsaitin 348,7 milyon manatı və ya 47,1 faizi xəstəxanaların, 109,7 milyon manatı və ya 14,8 faizi poliklinikaların və ambulatoriyaların saxlanılması xərclərinə, 270,7 milyon manatı və ya 36,5 faizi səhiyyə sahəsinə aid edilən digər xidmətlər üzrə xərclərə, 11,7 milyon manatı və ya 1,6 faizi səhiyyə sahəsində tətbiqi tədqiqatlar və digər xidmətlər üzrə xərclərə yönəldiləcək.

Məsələ ilə əlaqədar tibb elmləri doktoru, professor Adil Qeybulla “Ölkə.Az”a açıqlamasında bildirib ki, bu Azərbaycan Dövlət Büdcəsində həqiqətən də ciddi rəqəmdir. Onun fikrincə, bu vəsait hesabına Azərbaycan səhiyyəsində böyük dönüş etmək olar.

“740,7 milyon manat Azərbaycan Dövlət Büdcəsi üçün həqiqətən də ciddi rəqəmdir. Əgər optimal olaraq bu vəsaiti vətəndaşın xeyrinə yönəltsələr, səhiyyə sahəsində daha yaxşı nəticələr əldə etmək olar. İcbari tibbi sığorta paketini inkişaf etdirmək olar. Bu vəsaitin bir hissəsi maaş, bir hissəsi də təchizat fonduna gedir. Qeyri rassional xərclər səhiyyədə optimallığı azaldır. Azərbaycanda icbari tibbi sığortanı inkişaf etdirsək, ölkə səhiyyəsində əsaslı dönüş yaratmaq olar.

Ziya Səccad
Ölkə.Az