Azərbaycan səhiyyəsində ilkə imza atan həkim danışdı — VİDEO

Azərbaycan səhiyyəsində ilkə imza atan həkim danışdı
22:09
26.09.2017
401
Ölkə
A
Azərbaycan səhiyyəsində daha bir ilkə imza atılıb.

Ölkə.Az-ın Xəzər TV-yə istinadən məlumatına görə, 27 yaşlı qadın hamiləlik zamanı baldırlarında şişmə şikayəti ilə həkimə müraciət edib. 

Baldır damarlarının trombozu diaqnozu qoyularaq müalicəsi aparılıb. Doğuşdan sonra isə qadında təngnəfəslik başlayıb. 
Məlum olub ki, onun ağciyər damarlarında tromb yaranıb və əməliyyat olunmasa, 5 il ərzində ölə bilər.

Beləliklə, ölkəmizdə ilk dəfə olaraq “Ağciyər damarlarının endarterektomiyası” adlanan cərrahiyyə əməliyyatının edilməsinə qərar verilib. Qan dövranı dayandırılmaqla ağciyər damarlarında əməliyyat həyata keçirilib. Risk dərəcəsi böyük olan əməliyyat zamanı həkimin cəmi 20 dəqiqə vaxtı olub.

Dünyanın yüksək dərəcədə ixtisaslaşmış çox az sayda mərkəzində həyata keçirilən bu əməliyyatı ürək-damar cərrahı Kamran Musayev həyata keçirib.

Kritik müddət də daxil olmaqla, əməliyyat ümumilikdə 5 saat davam edib.

Əməliyyatdan 1 həftə sonra xəstə evinə göndərilib.

 

ŞƏRH YAZ
0

Kürdə təhlükəli vəziyyət yaranıb

Kürdə təhlükəli vəziyyət yaranıb
19:21
Bu gün
155
Ölkə
A
Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamenti Kür və Araz transsərhəd çaylarının, həmçinin onların transsərhəd qollarının çirklənmə vəziyyətini öyrənmək məqsədilə iyul ayında növbəti monitorinq həyata keçirib.

ETSN-in mətbuat xidmətindən "Ölkə.Az"a verilən məlumata görə, iyul ayının II ongünlüyündə Kür çayında suyun sərfi iyul ayının I ongünlüyünə nisbətən 2 m3/san artaraq 121 m3/san təşkil edib.

Monitorinqin nəticələrinə əsasən Gürcüstan və Ermənistan ərazilərindən təmizlənmədən birbaşa su obyektlərinə axıdılan məişət tullantıları və sənaye müəssisələrinin çirkab sularının təsiri nəticəsində Kür çayı və onun qollarında biogen maddələrin miqdarının normadan dəfələrlə artıq olması müşahidə olunub.

İyul ayının II ongünlüyündə aparılan monitorinqlərin nəticələrinə görə suyun tərkibindəki spesifik çirkləndiricilərdən fenollar Ağstafaçay su anbarında, Şıxlı-2 məntəqəsində, Ağstafaçayda, Araz çayı üzrə Horadizdə, Bəhramtəpədə və I Şahsevəndə 2 dəfə yol verilən qatılıq həddini (YVQH) keçib.

Suyun oksigen rejimi bütün məntəqələrdə 5.60-7.90 mq/l arasında olmaqla sanitar norma daxilində dəyişib.

ŞƏRH YAZ
0

“Nar” mətbuat nümayəndələrini təbrik etdi

“Nar” mətbuat nümayəndələrini təbrik etdi
19:00
Bu gün
254
Ölkə
A

Milli Mətbuat Günü münasibətilə “Nar” mətbuat nümayəndələri üçün xüsusi tədbir təşkil etdi. 32 media orqanını təmsil edən 58 mətbuat nümayəndəsinin iştirakı ilə xüsusi əyləncəli bilik yarışması keçirildi. Yarışmada ümumi biliklərlə yanaşı, milli və dünya mətbuatının tarixi əhatə olunurdu.

“Nar” mətbuat xidmətinin rəhbəri Əziz Axundov təbdirdə çıxış edərək media nümayəndələrini bayram münasibətilə təbrik etdi. Ə.Axundov hər zaman “Nar”-ın nailiyyətlərini işıqlandırdıqlarına görə media orqanlarına minnətdar olduqlarını qeyd edərək “Nar”-ın mətbuatla əlaqələrə xüsusi diqqət yetirdiyini bildirdi. 

2 saatdan çox davam edən bilik müsabiqəsində hər biri 5 nəfərdən ibarət, 12 komanda iştirak etdi. “Molla Nəsrəddin”, “Həyat” və “Şərqi rus” komandaları müvafiq olaraq, 1-ci, 2-ci və 3-cü yerləri tutdular. Qalib komandalar “Nar”-dan dəyərli hədiyyələr qazandı.

Qeyd edək ki, 22 İyul Azərbaycan Respublikası Milli mətbuat və Jurnalistika günü qeyd olunur. Bu gün milli mətbuat tarixinin başlanğıcı hesab olunan Həsən bəy Zərdabinin 1875-ci ildə təsis etdiyi “Əkinçi” qəzetininin ilk sayının nəşr edildiyi gündür.

“Azerfon” şirkəti (“Nar” ticarət nişanı) 21 mart 2007-ci ildə fəaliyyətə başlamışdır. “Nar” ölkədə ilk dəfə olaraq 3G texnologiyasını təqdim etmiş və geniş 4G şəbəkəsini abunəçilərinin istifadəsinə vermişdir. “Nar” şəbəkəsi hazırda ölkə ərazisinin 93%-ni əhatə edir və 6500-dən artıq baza stansiyası ilə 2 milyondan çox abunəçiyə yüksəkkeyfiyyətli xidmət göstərir.

ŞƏRH YAZ
0
BAĞLA