Azərbaycan sentyabrda səyahət üçün ən sərfəli ölkələrdən biri oldu

Azərbaycan sentyabrda səyahət üçün ən sərfəli ölkələrdən biri oldu
19:31
11.08.2017
53
İqtisadiyyat
A
Aviabilet, hotel və avtomobil kirayəsi xidmətləri üzrə fəaliyyət göstərən "Skyscanner" beynəlxalq saytı bu ilin yay mövsümünün 50 ən populyar istiqamətləri üzrə biletlərin qiymətini təhlil edərək, onları sentyabr ayı ilə müqayisə edib. Məlum olub ki, bu dövrdə aviauçuşlarda 33% qənaət etmək mümkündür.

"Ölkə.Az" Report-a istinadən xəbər verir ki, sentyabrda (avqust ayı ili müqayisədə) səfər etmək üçün ən əlverişli istiqamət Latviyadır. Rusiyadan bu ölkəyə sentyabr ayı üçün biletin dəyəri üç dəfə ucuzdur.

İkinci və üçüncü yeri müvafiq olaraq Azərbaycan və Ermənistan tutub. Belə ki, sentyabrda bu ölkələrə səfər edənlər müvafiq olaraq 28% və 24% qənaət etmiş olacaqlar.

Siyahının dördüncüsü ABŞ olub. Avqust ayı ilə müqayisədə bu ölkəyə səfərin qiyməti sentyabrda 23% daha ucuzdur. Reytinqdə 5-ci isə 21% qənaət etməyə imkan verən İsveç olub.

Sentyabrda çimərlik istirahəti üçün ən sərfəli istiqamətlər Maldiv (-18%), Vyetnam (-18%), Malta (-16%), Bolqarıstan (-14%), Fransa (-14%) və BƏƏ (-13%) müəyyən edilib.

Qeyd edək ki, "Skyscanner" 2003-cü ildə təsis edilib. Hər ay 50 mln. səyahətçiyə səfərini planlaşdırmağa kömək edir. Şirkətdə 800-dən artıq işçi 10 beynəlxalq ofisdə - Barselona, Pekin, Budapeşt, Edinburq, Qlazqo, London, Mayami, Şençjen, Sinqapur və Sofiyada çalışır. "Skyscanner" "Ctrip group"un tərkibinə daxildir.

ŞƏRH YAZ
0

Kənd təsərrüfatında irəliləyiş — Məhsul yığımı artıb

Kənd təsərrüfatında irəliləyiş
17:20
Bu gün
483
İqtisadiyyat
A
2017-ci ildə 913,9 min ton və ya əvvəlki ilə nisbətən 1,3% çox kartof, 1405,6 min ton (10,6% çox) tərəvəz, 438,1 min ton (5,7% az) bostan məhsulları yığılıb.

Kənd Təsərrüfatı Nazirliyindən "Ölkə.Az"a verilən məlumata görə, meyvə və giləmeyvə istehsalı 2017-ci ildə 8,2% artaraq 954,8 min ton olub. İl ərzində əlavə olaraq 10942 hektarda fındıq, 971 hektarda nar, 471 hektarda xurma, 681 hektarda sitrus meyvə bağları salınıb.

Həmçinin ötən il 152,8 min ton (12,0% çox) üzüm, 775,2 ton (23,7% az) yaşıl çay yarpağı, 422,2 min ton (22,0% çox) şəkər çuğunduru, 30,6 min ton (78,1% çox) dən üçün günəbaxan, 5213,2 ton (45,4% çox) tütün yarpağı, 207,5 min ton (2,3 dəfə çox) pambıq yığılıb.

ŞƏRH YAZ
0

SOCAR neft və təbii qaz hasilatını stabilləşdirib

SOCAR neft və təbii qaz hasilatını stabilləşdirib
15:38
Bu gün
280
İqtisadiyyat
A
Azərbaycan Dövlət Neft Şirkəti (SOCAR) 2017-ci ildə qazma işlərin həcmini artırmaqla, neft və təbii qaz hasilatını stabilləşdirib.

İl ərzində SOCAR tərəfindən 138 min metr qazma işi həyata keçirilib ki, bu da əvvəlki ilin müvafiq göstəricisi ilə müqayisədə 30,7% çoxdur.

Socar-dan "Ölkə.Az"a verilən məlumata görə, bu sahədə görülmüş işlərin 93 %-i istismara, 7 %-i kəşfiyyata aid olub. Ümumiyyətlə, ötən il 81 quyuda qazma işləri uğurla başa çatdırılaraq, mədənçilərə təhvil verilib. 2017-ci ildə SOCAR üzrə hasilat 7,4 milyon ton neft, 6,1 milyard kubmetr qaz təşkil edərək, əvvəlki ilin analoji göstəriciləri ilə müqayisədə, müvafiq olaraq, 1,4% və 3,3 % nisbətində cüzi dəyişib. Ümumiyyətlə, 2017-ci ildə respublika üzrə 38,7 milyon ton neft və 28,6 milyard kubmetr təbii qaz hasil olunub. 

SOCAR üzrə 2017-ci ildə xam neftin ixracı 20,7 milyon ton təşkil eib. Ümumi gəlirlərin artımında neft və neft-kimya məhsulları mühüm yer tutur. Ötən ildə SOCAR üzrə Azərbaycandan 1,5 milyon ton neft emalı və neft-kimya məhsulu ixrac edilib. İxrac olunan emal və kimya sənayesi məhsullarının əsas həcmi dizel və təyyarə yanacaqları, yüksək təzyiqli polietilen, koks, propilen, maye qaz və maye piroliz qətranı kimi maddələrin payına düşür. 

ŞƏRH YAZ
0
BAĞLA