Azərbaycan sərhədi yaxınlığında şiddətli atışma — Deputat öldürüldü + YENİLƏNİB

Azərbaycan sərhədi yaxınlığında şiddətli atışma
22:12
23.11.2017
11800
Hadisə
A
Dağıstanın Azərbaycanla həmsərhəd Məhərrəmkənd rayonunda şiddətli atışma olub.

Dağıstanın Azərbaycanla həmsərhəd Məhərrəmkənd rayonunda şiddətli atışma zamanı ölən digər şəxsin və yaralıların kimliyi məlum olub.

“Ölkə.Az” xəbər verir ki, bu barədə RENTV məlumat yayıb. Verilən məlumata görə, ölənlər Eldar Yaraliyev və Salman Ağarcayevdir. Yaralılar isə Telman Serkerov, Vadim Şaxbazov və Edqar Yaraliyevdir.

***

“Ölkə.Az” xəbər verir ki, bu barədə Rusiya mətbuatı məlumat yayıb. Verilən məlumata görə, Məhərrəmkəndə rayonunda baş verən atışma zamanı iki nəfər ölüb, 3 nəfər isə yaralanıb.

Bu barədə Məhərrəmkənd rayonunun administrasiya rəhbəri Fərid Əhmədiv jurnalistlərə açıqlamasında bildirib. Onun sözlərinə görə, atışmada ölənlərdən biri rayon şurasının deputatı Eldar Yaraliyevdir.
 
Atəş açan şəxslərdən biri saxlanılıb, iki nəfəri isə hadisə yerindən qaçıb. Münaqişədə 8 nəfərin iştirak etdiyi bildirilir.  

Hadisə zamanı xəsarət alanlardan 2 nəfərin vəziyyəti isə orta-ağırdır. Bu barədə xəstəxanadan məlumat verilib. Onlar dərhal əməliyyat olunublar.

Ziya Səccad
Ölkə.Az

ŞƏRH YAZ
0

Bərdədə yol qəzası — Yaralananlar var

Bərdədə yol qəzası
00:15
Bu gün
228
Hadisə
A
Bərdə rayonunda bir neçə nəfərin xəsarət alması ilə nəticələnən yol-nəqliyyat hadisəsi baş verib.

"Ölkə.Az"ın "Report"a istinadən verdiyi məlumata görə, hadisə Soğanverdilər kəndində qeydə alınıb.

"VAZ-2107" markalı minik avtomobilinin digər avtomobillə toqquşması nəticəsində avtomobilin sürücüsü və sərnişinləri - 1986-cı il təvəllüdlü Abbasov Nemət Şakir oğlu, 1994-cü il təvəllüdlü Məmmədov Asif Rizvan oğlu, 1993-cü il təvəllüdlü Fərhadlı Loğman Cabir oğlu xəsarət alıblar. Yaralılar təcili tibbi yardım avtomobili ilə Bərdə rayon Mərkəzi Xəstəxanasına çatdırılıblar.

Onların vəziyyəti orta ağır qiymətləndirilir.

Faktla bağlı araşdırma aparılır.

Ölkə.Az

ŞƏRH YAZ
0

Kürdəmirdə 46 yaşlı kişi ağac kəsdi — Altında qalıb öldü

Kürdəmirdə 46 yaşlı kişi ağac kəsdi
23:59
12.11.2018
181
Hadisə
A
Kürdəmir rayonunda bədbəxt hadisə baş verib.

"Ölkə.Az"ın Trend-ə istinadən məlumatına görə, rayonun Şahbəyli kənd sakini, 1972-ci il təvəllüdlü Mansurov Aqil Şurəli oğlunun həmkəndlisinin həyətində kəsdiyi ağac üzərinə düşüb.

Hadisə nəticəsində ağır xəsarət alan A.Mansurov Kürdəmir rayon Mərkəzi Xəstəxanasına çatdırılsa da, onun həyatını xilas etmək mümkün olmayıb.

A.Mansurov xəstəxanada dünyasını dəyişib.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA