Azərbaycan-Slavyan Gəncləri Assosiasiyası Şuranın dəstəyi ilə yaratdığı LOBBİ.az saytını təqdim etdi — FOTOLAR

Azərbaycan-Slavyan Gəncləri Assosiasiyası Şuranın dəstəyi ilə yaratdığı LOBBİ.az saytını təqdim etdi
20:52
12.06.2019
1575
Ölkə
A
Bu gün Azərbaycan-Slavyan Gəncləri Assosiasiyası Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə reallaşdırdığı "www.LOBBI.az informasiya portalının hazırlanması” layihəsinin ilk təqdimatı edib.

"Ölkə.Az" bildirir ki, təqdimatda millət vəkilləri, QHT-lərə Dövlət Dəstəyi Şurasının rəsmisi, Diasporla İş üzrə Dövlət Komitəsinin rəsmiləri,QHT, media rəhbərləri və gənclər iştirak ediblər.

LOQOS PNİM-in konfrans zalında baş tutan təqdimatı mərkəzin rəhbəri Təranə Məmmədova açaraq qonaqları salamladı. T.Məmmədova LOBBİ.az saytının ölkəmizdə aparılan uğurlu diaspor siyasətinə mühüm tövhə olacağını qeyd etdi.

Daha sonra Azərbaycan-Slavyan Gəncləri Assosiasiyasının sədri, internet-media ekspert Səbuhi Abbasov çıxış edərək layihə haqqında geniş məlumat verdi: "Bizim təşkilatımızın əsas strateji profillərindən biri də diaspor siyasətidir. ASGA-nın bu gün Rusiyada, Ukryanda, Polşada və Belarusda nümayəndəlikləri fəaliyyət göstərir. Bu mənada biz dünya azərbaycanlılarının ilk lobbi informasiya mərkəzinin yaradılmasını zəruri hesab etdik. Əminəm ki, bu mərkəz qısa zaman kəsiyində dünyanın dörd bir yanına səpələnmiş soydaşlarımıza lazımi informasiya dəstəyini göstərə biləcək. Bizə dəstək olduğuna görə Şura rəhbərliyinə və katibliyinə dərin təşəkkürümü bildirirəm”.

Daha sonra millət vəkili Elşən Musayev çıxış edərək əsası Ulu Öndər Heydər Əliyev tərəfindən qoyulan diaspor siyasətinin Prezident İlham Əliyev tərəfindən uğurla davam etdirildiyini dedi. E.Musayev müasir dünya çağırışlarına adekvat olaraq belə informasiya mərkəzlərinin yaradılmasının zəruri olduğunu bildirdi.

QHT-lərə Dövlət Dəstəyi Şurasının katibi Nərgiz Xələf isə çıxışında Şuranın diaspor istiqamətində gördüyü işlərdən danışdı. Şuranın yarandığı gündən bu sahəyə xüsusi önəm verdiyini deyən N.Xələf bu kimi layihələrin xüsusi olaraq dəstəkləndiyini dedi.

Diasporla İş üzrə Dövlət Komitəsinin rəsmisi Cahid İsmayıloğlu çıxış edərək lobbiçiliyinin inkişafında innovativ alətlərin tətbiqinin vacib olduğunu dedi. C.İsmayıloğlu Komitənin son dönəmlər həyata keçirdiyi uğurlu siyasətdən, layihələrdən və gələcəkdə nəzərdə tutulan proqramlardan danışdı.

AKTOR İctimai Birliyinin sədri, telejurnalist Telman İsa isə çıxışında dünya azərbaycanlılarının informasiya təminatına tövhə verəcək istənilən təklifin diaspor siyasətinə müsbət təsir edəcəyini dedi.

Daha sonra Diaspor İnformasiya Mərkəzinin rəhbəri Toğrul Allahverdili çıxış edərək rəhbərlik etdiyi qurumun fəaliyyətindən danışdı. T.Allahverdili diaspor sahəsində yaradılacaq saytların ölkəmizin milli maraqlarına xidmət etməsinin vacibliyindən danışdı.

Azxeber.com saytının baş direktoru Əfsələddin Ağalarov isə çıxışında müasir dünyanı öz cənginə alan informasiya müharibəsindən danışdı. Bütün sahələrdə olduğu kimi diaspor sahəsində də yeni resursların yaradılmasını vacib hesab edən Ə.Ağalarov LOBBİ.az saytının bu istiqamətdə mühüm işlər görəcəyinə əmin olduğunu dedi.

Tədbirin sonunda LOBBİ.az saytı iştirakçılara təqdim edildi.




















Ölkə.Az

ŞƏRH YAZ
0

Ağsuda örüş sahəsi satın alındı, mal-qara otlaq üzünə həsrət qaldı — VİDEO

Ağsuda örüş sahəsi satın alındı, mal-qara otlaq üzünə həsrət qaldı
20:21
Bu gün
960
Ölkə
A
Ağsunun Qaraməmmədli kəndinin sakinlərinin mal-qarası otlaq üzünə həsrət qalıb.

“Ölkə.Az” oxu.az-a istinadən xəbər verir ki, əvvəlcədən də mövcud örüş sahələri olmadığından, kənd sakinləri qonşu kəndin örüş sahəsindən istifadə edirmiş.

Artıq ötən gündən etibarən həmin ərazilər də onların əlindən alınıb. Örüş sahəsinə mal-qaranın girişi qadağan olunduğundan kəndlilər çarəsiz qalıb. Bir müddətdir ki, kəndlilər heyvanlarını evdə qapalı şəraitdə saxlamaq məcburiyyətində qalıb. Bu səbəbdən heyvanlara qış aylarında yemlənməsi üçün nəzərdə tutulan ehtiyat saman və quru ot verilir.

İllərdir ki, örüş sahəsi kimi istifadə olunan 30 ha ərazi hazırda satın alınıb. Kənd sakinlərinin iddiasına görə, yerin yeni sahibi onların əraziyə girməsinə icazə vermir.

Hazırda kənd sakinləri yeni örüş sahəsinin ayrılmasını istəyirlər.

Ağsu Şəhər Bələdiyyəsindən verilən məlumata görə, kəndlilər üçün yeni örüş sahəsinin ayrılması üçün bir neçə sahibkar müraciət edib. Məslənin həlli yönündə işlər aparılır.

Ölkə.Az

ŞƏRH YAZ
0

Bakıda yol qəzalarının yeni görüntüləri — VİDEO

Bakıda yol qəzalarının yeni görüntüləri
19:45
Bu gün
1159
Ölkə
A
Bakıda baş vermiş avtomobil qəzalarının yeni görüntüsü yayılıb.

"Ölkə.Az" Avtosfer.az-a istinadən  xəbər verir ki, videoda əksini tapan ilk qəza M.Ə.Rəsulzadə qəsəbəsində baş verib.

Binəqədi rayonunda, “Vorovski dairəsi” kimi tanınan ərazidə dairəyə girən “Lada Priora” markalı avtomobilin sürücüsü işıqforun yaşıl işığı yandığı halda sağdan gələn nəqliyyat vasitəsini buraxmır. Bu zaman öz yolu ilə gələn avtomobil ona çırpılır.

İkinci video isə hər zaman qəzaların baş verdiyi nöqtədir. Koroğlu Rəhimov küçəsi ilə Həsən Əliyev küçəsinin kəsişməsində iki avtomobil toqquşur. Koroğlu Rəhimov istiqamətindən gələn avtomobil əks tərəfdən gələn avtomobili buraxmır və Həsən Əliyev küçəsinə dönmək istəyir. Bu zaman qəza baş verir.

Hər iki halda sürücülər yolayrıcını keçmə qaydasını pozur. 

Ölkə.Az

ŞƏRH YAZ
0
BAĞLA