Azərbaycan tərəfi Rusiya Ali Məhkəməsinə müraciət etməyə hazırlaşır

M.Zabelin “Ölkə.Az”-a açıqlamasında deyib ki, sözügedən addım təəssüfedicidir:

“Mən ötən gün Fazil Qurbanovla da danışmışam. Bu yaxşı hal deyil. Bu barədə dəfələrlə fikir də bildirmişəm. Bu qərar Ümumrusiya Azərbaycan Təşkilatına qarşı atılan düzgün addım deyil. Son çıxış yolu Apellyasiya şikayəti etməkdir. Daha doğrusu Rusiya Ali Məhkəməsinə müraciət etmək olar”.

Deputat qeyd edib ki, sözügedən qərarla əlaqədar Azərbaycan tərəfi Rusiya Ali Məhkəməsinə müraciət edəcək:

“Hazırda bizim hüquqşünaslar və Ümumrusiya Azərbaycan Konqresinin rəhbərliyi Rusiya Ali Məhkəməsinin iclasına müvafiq məktub hazırlayırlar. Bu səbəbdən də məktubun hazırlanmasını gözləmək lazımdır. Bu mövzuda əlavə nə isə demək hələ tez olar. Təbii ki, Ümumrusiya Azərbaycan Konqresinin də səhvləri olub. Bu işdə Konqresin də günahı var. Onlar özləri də bunu etiraf edirlər. Əvvəlki rəhbərlik bu işə kifayət qədər diqqət ayırmayıb. Ancaq bütün bunlara baxmayaraq, Ümumrusiya Azərbaycan Konqresi kimi böyük təşkilata qarşı belə addımın atılması doğru deyildi. Biz bu təşkilatı qorumağa çalışacağıq”. 

M.Zabelin Ümumrusiya Azərbaycan Konqresinin adının dəyişdirilməsini istəmədiyini söyləyib:

“Biz təşkilatın adını dəyişmək istəmirik, eyni adla fəaliyyət göstərməsini istəyirik. Bu istiqamətdə səylərimizi davam etdirəcəyik”. 

Vasif Həsənli
Ölkə.Az